ಒಂದೇ ದಿನ ತುಮಕೂರಿನಲ್ಲಿ ,20 ಮಂದಿಗೆ ಕೊರೊನಾ, ರಾಜ್ಯದಲ್ಲಿ 947 ಹಾಗೂ 20 ಸಾವು

ತುಮಕೂರು: ಜಿಲ್ಲೆಯಲ್ಲಿ ಇದೇ ಮೊದಲಿಗೆ ಮಂಗಳವಾರ ಒಂದೇ ದಿನ 20 ಮಂದಿಗೆ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ.ರಾಜ್ಯದಲ್ಲಿ ಮಂಗಳವಾರ ಒಂದೇ ದಿನ 947 ಮಂದಿಗೆ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ.ರಾಜ್ಯದಲ್ಲಿ 20 ಮಂದಿ ಸಾವಿಗೀಡಾಗಿದ್ದು, ಜನರಲ್ಲಿ ಅತಂಕ ಹೆಚ್ಚಿದೆ. ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 15256 ಕ್ಕೇರಿದೆ.ಕೊರೊನಾ ಯಾರನ್ನೂ ಬಿಡುತ್ತಿಲ್ಲ. ಹಾವೇರಿಯಲ್ಲಿ ಜಿಲ್ಲೆಯಲ್ಲಿ ಇವೊತ್ತೇ ಒಂದೇ ದಿನ ವೈದ್ಯಾಧಿಕಾರಿ, ಐವರು ಆಶಾ ಕಾರ್ಯಕರ್ತೆಯರು, ಗ್ರಾಮ ಲೆಕ್ಕಾಧಿಕಾರಿಗೆ ಸೋಂಕು ಕಾಣಿಸಿಕೊಂಡಿದೆ.ಅತ್ತ ಬಳ್ಳಾರಿಯಲ್ಲಿ ಕೊರೊನಾದಿಂದ ಸಾವಿಗೀಡಾದವರನ್ನು ಅಂತ್ಯಕ್ರಿಯೆಗೆ ಕನಿಷ್ಡ ಗೌರವವನ್ನು ಕೊಡದ ಸಿಬ್ಬಂದಿ ಒಂದೇ ಗುಂಡಿಗೆ ಹೆಣಗಳನ್ನು ಸತ್ತ ನಾಯಿಯನ್ನು ಎಸೆದಿರುವುದು ಇಡೀ ರಾಜ್ಯವೇ ದೇಶ, ವಿದೇಶಗಳ ಮುಂದೆ ತಲೆ ತಗ್ಗಿಸುವಂತೆ ಮಾಡಿದೆ.ಬೆಂಗಳೂರಿನಲ್ಲಿ ನಿಗದಿತ ಕೋವಿಡ್ ಆಸ್ಪತ್ರೆಗಳಲ್ಲಿ ಬೆಡ್ ಇಲ್ಲದೇ ರೋಗಿಗಳು ಪರದಾಡುವಂತಾಗಿದೆ.ತುಮಕೂರಿನಲ್ಲಿ ವಿವರಗಳನ್ನು ಆರೋಗ್ಯ ಇಲಾಖೆ ಇನ್ನಷ್ಟೇ ನೀಡಬೇಕಾಗಿದೆ.