ತುಮಕೂರ್ ಲೈವ್

ಕಿಟ್ ವಿತರಣೆಯಲ್ಲಿ ರಾಜಕೀಯ ಬೇಡ

ಪಾವಗಡ: ಬಡವರಿಗೆ ಆಹಾರ, ಕಿಟ್ ವಿತರಿಸುವಾಗ ಯಾರೊಬ್ಬರೂ ರಾಜಕೀಯ ಮಾಡಬಾರದು ಎಂದು ಮಾಜಿ ಶಾಸಕ ಕೆ.ಎಂ.ತಿಮ್ಮರಾಯಪ್ಪ ತಿಳಿಸಿದರು.

ಪಟ್ಟಣದ   19 ನೇ ವಾರ್ಡ್ ನಲ್ಲಿ ಮಂಗಳವಾರ ಜೆಡಿಎಸ್ ಪಕ್ಷದ ವತಿಯಿಂದ ನಡೆದ ಪಡಿತರ ವಿತರಣಾ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಶ್ರೀಮಂತರು, ಆರ್ಥಿಕವಾಗಿ ಉತ್ತಮ ಸ್ಥಿತಿಯಲ್ಲಿರುವರು ಪರಿಹಾರ, ಆಹಾರ, ಇತರೆ ಕಿಟ್ ಗಳನ್ನು ಸ್ವ ಇಚ್ಚೆಯಿಂದ ನೊರಾಕರಿಸಬೇಕು. ಸವಲತ್ತುಗಳನ್ನು ಅಕ್ಕ ಪಕ್ಕದಲ್ಲಿರುವ ನಿರ್ಗತಿಕರು, ಬಡವರಿಗೆ  ತಲುಪಿಸಲು ಸಹಕರಿಸಬೇಕು.  ಪಕ್ಷದ ವತಿಯಿಂದ 5 ಸಾವಿರ ಕುಟುಂಬಗಳಿಗೆ ಪಡಿತರ ವಿತರಿಸಲಾಗಿದೆ. ಹೆಚ್ಚುವರಿಯಾಗಿ ಮತ್ತೆ 1 ಸಾವಿರ ಕಿಟ್ ವಿತರಿಸಲಾಗುವುದು ಎಂದರು.

ಕೊರೊನಾ ನಿಯಂತ್ರಿಸಲು ಎಲ್ಲರೂ ಕೈ ಜೋಡಿಸಬೇಕು. ಅಂತರ ಕಾಯ್ದುಕೊಳ್ಳುವುದರ ಜೊತೆಗೆ ಮಾಸ್ಕ್ ಧರಿಸಿ ಜಾಗ್ರತೆಯಿಂದಿರಬೇಕು ಎಂದರು.

ಪುರಸಭೆ ಮಾಜಿ ಸದಸ್ಯ ಮನು, ಮುಖಂಡ ಯೂನಸ್, ಷಾಕೀರ್, ರಫೀಕ್, ಶಾಂತಣ್ಣ, ಮನು, ಸುಬ್ಬರಾಯಪ್ಪ, ಬಷೀರ್, ಷಕೀಲ್, ಅಂಜು, ಸುಹೇಲ್, ಅರೂನ್ ರಷೀದ್ ಉಪಸ್ಥಿತರಿದ್ದರು.

Comment here