ಜಸ್ಟ್ ನ್ಯೂಸ್

ಪಾವಗಡದಲ್ಲಿ ತುಂಬಿ ಹರಿಯುತ್ತಿದೆ ಉತ್ತರ ಪಿನಾಕಿನಿ ನದಿ

Publicstory. in


Pavagada: ಪಾವಗಡ ತಾಲ್ಲೂಕಿನ ನಾಗಲಮಡಿಕೆ ಬಳಿ ಉತ್ತರಪಿನಾಕಿನಿ ನದಿ ಸೋಮವಾರ ಮೈದುಂಬಿ ಹರಿಯಿತು. ಹರಿಯುವ ನದಿ ನೀರಿನಲ್ಲಿ ತಾಲ್ಲೂಕಿನ ಜನತೆ ಆಟವಾಡುತ್ತಾ ಖುಷಿ ಹಂಚಿಕೊಂಡರು.

ಸತತ ಎರಡು ದಿನಗಳಿಂದ ಬೀಳುತ್ತಿರುವ ಮಳೆ ರೈತರ ಮೊಗದಲ್ಲಿ ಮಂದಹಾಸ ಮೂಡಿಸಿದೆ.

ಆಂಧ್ರ ಸರ್ಕಾರ ಪೇರೂರಿನ ಡ್ಯಾಂ ಗೆ ನೀರು ಹರಿಸುವ ಸಲುವಾಗಿ ಉತ್ತರ ಪಿನಾಕಿನಿ ಮೂಲಕ ಕೃಷ್ಣ ನದಿಯ ನೀರನ್ನು ಹರಿಸುತ್ತಿದೆ.

ನಾಗಲಮಡಿಕೆ ಚೆಕ್ ಡ್ಯಾಂ ತುಂಬುವ ಹಂತದಲ್ಲಿತ್ತು. ಮಳೆಯಿಂದಾಗಿ ಚೆಕ್ ಡ್ಯಾಂ ತುಂಬಿ ನೀರು ಹರಿಯುವ ವೇಗವೂ ಹೆಚ್ಚಿದೆ. ಇದು ತಾಲ್ಲೂಕು ಹಾಗೂ ಆಂಧ್ರ ಜನತೆಗೆ ವರವಾಗಿ ಪರಿಣಮಿಸಿದೆ.

ಪಾವಗಡ ಜನತೆ ಪುಣ್ಯಕ್ಷೇತ್ರಗಳಿಗೆ ಪ್ರವಾಸ ಹೋದಾಗ ಮಾತ್ರ ನದಿ ತುಂಬಿ ಹರಿಯುವುದನ್ನು ನೋಡಬೇಕಿತ್ತು. ಇದೀಗ ಇಲ್ಲಿನ ಏಕ ಮಾತ್ರ ನದಿ ಪಿನಾಕಿನಿ ಹರಿಯುವುದನ್ನು ಜನರು ಕಣ್ತುಂಬಿಕೊಳ್ಳುತ್ತಿದ್ದಾರೆ. ನದಿ ಹರಿಯುವುದನ್ನು ನೋಡಲು ಹೆಚ್ಚಿನ ಜನತೆ ಇತ್ತ ಆಗಮಿಸುತ್ತಿದ್ದಾರೆ.

Comment here