ತುಮಕೂರು ಲೈವ್

ಬಟವಾಡಿ ಬ್ರಿಡ್ಜ್ ಗೆ ನೇಣು ಹಾಕಿಕೊಂಡ ಸ್ಥಿತಿಯಲ್ಲಿ ಯುವಕನ ಶವ

ತುಮಕೂರು: ಬಟವಾಡಿ ಬ್ರಿಡ್ಜ್ ನ ಮೇಲಿನಿಂದ‌ ಯುವಕನ್ನೊಬ್ಬನ ಶವ ನೇಣು ಹಾಕಿಕೊಂಡ ರೀತಿಯಲ್ಲಿ ಪತ್ತೆಯಾಗಿದೆ.

ಇಪ್ಪತ್ತೈದು ವರ್ಷದ ಈ ಯುವಕನನ್ನು ಕೊಲೆ ಮಾಡಿದ ನಂತರ ಬ್ರಿಡ್ಜ್ ಮೇಲಿಂದ ನೇತು ಹಾಕಿರಬಹುದೇ ಅಥವಾ ಆತನೆ ನೇತು ಹಾಕಿಕೊಂಡಿರಬಹುದೇ ಎಂದು ತನಿಖೆಯಿಂದ ಗೊತ್ತಾಗಬೇಕಿದೆ.

ಬೆಂಗಳೂರು ಶಿರಾ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ ಬ್ರಿಡ್ಜ್ ಬರಲಿದೆ. ತುಮಕೂರಿನಿಂದ ಬೆಂಗಳೂರು ಕಡೆಗೆ ತಿರುಗುವಾಗ ದೇವರಾಯನ ಪಟ್ಟಣದ ಭಾಗದಲ್ಲಿ ಈ ಕೃತ್ಯ ನಡೆದಿದೆ.

ಯಾವ ಸಮಯದಲ್ಲಿ ಈ ರೀತಿ ಆಗಿದೆ ಎಂಬುದು ಗೊತ್ತಿಲ್ಲ. ಬೆಳಗಿನ ಜಾವ ಪೊಲೀಸರಿಗೆ ಮಾಹಿತಿ ಸಿಕ್ಕಿದೆ.

Comment here