Publicstory
Bengaluru: ದೆಹಲಿ, ಪಂಜಾಬ್ ನಂತರ ಮುಂದಿನ ಚುನಾವಣೆಯಲ್ಲಿ ಕರ್ನಾಟಕದಲ್ಲಿ ಆಮ್ ಆದ್ಮಿ ಸರ್ಕಾರ ರಚನೆ ಮಾಡಲಿದೆ ಎಂದು ಪಕ್ಷದ ಮುಖಂಡ, ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ವಿಶ್ವಾಸ ವ್ಯಕ್ತಪಡಿಸಿದರು.
ಬೆಂಗಳೂರಿನಲ್ಲಿ ರೈತ ಸಮಾವೇಶದಲ್ಲಿ ಮಾತನಾಡಿದ ಅರವಿಂದ್ ಕೇಜ್ರಿವಾಲ್ ಅವರು, ಕರ್ನಾಟಕದಲ್ಲಿ ಈ ಹಿಂದೆ ಶೇಕಡಾ ಇಪ್ಪತ್ತು ಕಮಿಷನ್ ಪಡೆಯುವ ಸರ್ಕಾರ ಇತ್ತು. ಈಗ ನಲವತ್ತು ಪರ್ಸೆಂಟೇಜ್ ಪಡೆಯುವ ಸರಕಾರವಿದೆ ಎಂದು ಪರೋಕ್ಷವಾಗಿ ಕಾಂಗ್ರೆಸ್, ಬಿಜೆಪಿ ಸರ್ಕಾರವನ್ನು ಟೀಕಿಸಿದರು.
ನಮ್ಮದೂ ಪ್ರಾಮಾಣಿಕ ಸರ್ಕಾರ. ಭ್ರಷ್ಟಾಚಾರದ ದುಡ್ಡನ್ನು ಉಳಿಸಿ ಜನಸಾಮಾನ್ಯರ ಒಳಿತಿಗೆ ಬಳಸಲಾಗುವುದು ಎಂದು ಹೇಳಿದರು.
ನನಗೆ ರಾಜಕಾರಣ ಗೊತ್ತಿಲ್ಲ. ಆದರೆ ಜನಸಾಮಾನ್ಯರ ನೋವು ಅರ್ಥವಾಗಲಿದೆ ಎಂದು ಹೇಳಿದರು .
ಕರ್ನಾಟಕದ ಜನ ಎಎಪಿ ಬೆಂಬಲಿಸಬೇಕು ಎಂದರು.
