ಡಿ.11ಕ್ಕೆ ಇಸ್ರೋದಿಂದ ಮತ್ತೊಂದು ಉಡಾವಣೆ

ಬಾಹ್ಯಾಕಾಶ ತಂತ್ರಜ್ಞಾನದಲ್ಲಿ ಹಲವಾರು ಮೈಲಿಗಳನ್ನು ನಿರ್ಮಿಸಿರುವ ಇಸ್ರೋ ಮತ್ತೊಂದು ಉಪಗ್ರಹ ಉಡಾವಣೆಗೆ ಸಜ್ಜಾಗಿದೆ.
ಆಂಧ್ರಪ್ರದೇಶದ ಶ್ರೀಹರಿಕೋಟಾದಿಂದ ಡಿಸೆಂಬರ್ 11 ರಂದು ಸಿಂಥೆಟಿಕ್ ಅಪಾರ್ಚರ್ ರೇಡಾರ್ನೊಂದಿಗೆ ರಿಸ್ಯಾಟ್-2ಬಿಆರ್1 ಎಂಬ ಕಣ್ಗಾವಲು ಉಪಗ್ರಹ ಹಾಗೂ 9 ವಾಣಿಜ್ಯ ಉಪಗ್ರಹವನ್ನು ಕಕ್ಷೆಗೆ ಸೇರಿಸುವುದಾಗಿ ಇಸ್ರೋ ತನ್ನ ವೆಬ್ ಸೈಟ್ ನಲ್ಲಿ ತಿಳಿಸಿದೆ.
ರಿಸ್ಯಾಟ್-2ಬಿಆರ್1 ರೇಡಾರ್ ಇಮೇಜಿಂಗ್ ಉಪಗ್ರಹವಾಗಿದ್ದು, 615 ಕೆ.ಜಿ ತೂಕ ಹೊಂದಿದೆ. ಪೋಲಾರ್ ಸ್ಯಾಟಲೈಟ್ ಲಾಂಚಿಂಗ್ ವೆಹಿಕಲ್(ಪಿಎಸ್ಎಲ್ವಿ) ರಾಕೆಟ್ ಮೂಲಕ ಉಪಗ್ರಹವನ್ನು ಕಕ್ಷೆಗೆ ಸೇರಿಸಲಾಗುತ್ತದೆ. ವಿದೇಶಗಳ ನಾಲ್ಕು ಉಪಗ್ರಹಗಳನ್ನು ಉಚಿತವಾಗಿ ರಿಸ್ಯಾಟ್ ಜೊತೆ ನಿಗದಿತ ಕಕ್ಷೆಗೆ ಸೇರಿಸಲಾಗುತ್ತದೆ ಎಂದು ಇಸ್ರೋ ಮಂಗಳವಾರ ತಿಳಿಸಿದೆ.
ರಿಸ್ಯಾಟ್ ಕಣ್ಗಾವಲು ಉಪಗ್ರಹಗಳ ಸರಣಿಯಾಗಿದೆ.ರಿಸ್ಯಾಟ್-2ಬಿಆರ್1 ಉಡಾವಣೆಯ ನಂತರ ಇದೇ ಸರಣಿಯ ರಿಸ್ಯಾಟ್-2ಬಿಆರ್2 ಅನ್ನು ಕೆಲವೇ ದಿನಗಳ ಭೂಸ್ಥಿರ ಕಕ್ಷೆಯಲ್ಲಿ ನೆಲೆಗೊಳಿಸುವುದಾಗಿ ಇಸ್ರೋ ಹೇಳಿದೆ.ಇದೇ ವರ್ಷ ಮೇನಲ್ಲಿ 615 ಕೆ.ಜಿ ತೂಕದ ರಿಸ್ಯಾಟ್-2ಬಿ ಕಣ್ಗಾವಲು ಉಪಗ್ರಹವನ್ನು ಇಸ್ರೋ ಯಶಸ್ವಿಯಾಗಿ ಕಕ್ಷೆಗೆ ಸೇರಿಸಿತ್ತು.