ಗುಬ್ಬಿ : ಪಟ್ಟಣದ ಇತಿಹಾಸ ಪ್ರಸಿದ್ಧ ಶ್ರೀ ಚನ್ನಬಸವೇಶ್ವರ ಸ್ವಾಮಿಯ ರಥೋತ್ಸವ ಮಾ.1ರಂದು ಮಧ್ಯಾಹ್ನ 1:45ಕ್ಕೆ ಸಹಸ್ರಾರು ಭಕ್ತರ ಸಮ್ಮುಖದಲ್ಲಿ ನೆರವೇರುವುದು.
ರಥೋತ್ಸವಕ್ಕೆ ಆಗಮಿಸುವ ಎಲ್ಲಾ ಭಕ್ತಾರಿಗೂ ಮಧ್ಯಾಹ್ನ 1 ಗಂಟೆಯಿಂದ ರಾತ್ರಿ 11 ಗಂಟೆಯವರೆಗೆ ನಿರಂತರ ಮಹಾದಾಸೋಹ ಇರುತ್ತದೆ.
ರಥೋತ್ಸವದ ಅಂಗವಾಗಿ ಪ್ರಾರಂಭಗೊಂಡ ಧಾರ್ಮಿಕ ಕಾರ್ಯಕ್ರಮಗಳು ಮಾ.13 ಬಸವ ವಾಹನದೊಂದಿಗೆ ಮುಕ್ತಾಯಗೊಳ್ಳುವುದು.
ಮಾ.1ರಂದು ಶ್ರೀ ಚನ್ನಬಸವೇಶ್ವರ ಸ್ವಾಮಿ ಕೃಪಾಪೋಷಿತ ನಾಟಕ ಮಂಡಳಿ ವತಿಯಿಂದ ಸಂಪೂರ್ಣ ರಾಮಾಯಣ ನಾಟಕವನ್ನು ರಾತ್ರಿ 7:30ಕ್ಕೆ ಏರ್ಪಡಿಸಲಾಗಿದೆ. ಮಾ.3 ರಂದು ಗುಬ್ಬಿಯಪ್ಪ ಕಲಾಸಂಘದ ವತಿಯಿಂದ ರಾತ್ರಿ7.30ಕ್ಕೆ ಕುರುಕ್ಷೇತ್ರ ಎಂಬ ಪೌರಾಣಿಕ ನಾಟಕವನ್ನು ಏರ್ಪಡಿಸಲಾಗಿದೆ.
ಮಾ.7ರಂದು ಬೆಳ್ಳಿ ಪಲ್ಲಕ್ಕಿಯ ಉತ್ಸವ ನಡೆಯುವುದು.ಇದೇ ದಿನ ಶ್ರೀ ಗುಬ್ಬಿಯಪ್ಪ ಕಲಾಸಂಘದ ವತಿಯಿಂದ ರಾತ್ರಿ 7:30ಕ್ಕೆ ರಾಮಾಯಣ ಎಂಬ ಪೌರಾಣಿಕ ನಾಟಕವನ್ನು ಏರ್ಪಡಿಸಲಾಗಿದೆ.
