ತುಮಕೂರು: ನಗರದಲ್ಲಿ ಬುಧವಾರ ಆಯೋಜಿಸಿರುವ ರೈತರ ಸಮಾವೇಶದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಬರುವ ನಾಲ್ಕೈದು ಗಂಟೆಗಳ ಮುಂಚಿತವಾಗಿ ಪೋಲಿಸರು ಕೆಲವು ರೈತ ಮುಖಂಡರನ್ನು ಬಂಧಿಸಿದರು.
ಸ್ವಾಮಿ ನಾಥನ್ ಆಯೋಗದ ಶಿಫಾರಸು ಜಾರಿಗೆ ಆಗ್ರಹಿಸಿ, ಬೀಜ ಮಸೂದೆ ಜಾರಿ ವಿರೋಧಿಸಿ ಪ್ರಧಾನಿ ಅವರಿಗೆ ಕಪ್ಪು ಬಟ್ಟೆ ಪ್ರದರ್ಶಿಸುವುದಾಗಿ ರಾಜ್ಯ ರೈತ ಸಂಘ ಹೇಳಿತ್ತು.
ಇವರೆಲ್ಲರೂ ಪ್ರತಿಭಟನೆ ನಡೆಸಲು ಬರುತ್ತಿದ್ದಾಗ ಪೊಲೀಸರು ವಶಕ್ಕೆ ಪಡೆದರು.
ಮೋದಿ ಅವರಿಗೆ ತುಮಕೂರಿನ ರೈತರು ಹಾಗೂ ರೈತ ಸಂಘಟನೆಗಳು ವಿವಿಧ ಪ್ರಶ್ನೆಗಳನ್ನು ಕೇಳಿದ್ದು ಮೋದಿ ತಮ್ಮ ಭಾಷಣದಲ್ಲಿ ಅವುಗಳ ಬಗ್ಗೆ ಪ್ರಸ್ತಾಪ ಮಾಡುತ್ತಾರೆಯೇ ಎಂದು ಕಾದು ನೋಡಬೇಕಾಗಿದೆ.
