ಜಸ್ಟ್ ನ್ಯೂಸ್

ಅಮ್ಮ, ಮಗ ತಡರಾತ್ರಿ ಧರಣಿ

Publicstory


ತುರುವೇಕೆರೆ: ವಾಸದ ಮನೆಗೆ ನಿರಂತರ ಜ್ಯೋತಿ ವಿದ್ಯುತ್ ಸಂಪರ್ಕ ಕಲ್ಪಿಸುವಲ್ಲಿ ಬೆಸ್ಕಾಂ ಅಧಿಕಾರಿಗಳು ನಿರ್ಲಕ್ಷ ವಹಿಸಿದ್ದಾರೆಂದು ಆರೋಪಿಸಿ ತಾಲ್ಲೂಕಿನ ಕಸಬಾ ವ್ಯಾಪ್ತಿಯ ನಾಯಕನಘಟ್ಟದ ತಾಯಿ ದ್ರಾಕ್ಷಣಮ್ಮ ಮಗ ಕಿರಣ್ ಇಬ್ಬರೇ ಪಟ್ಟಣದ ಬೆಸ್ಕಾಂ ಕಚೇರಿ ಎದುರು ಶುಕ್ರವಾರ ತಡ ರಾತ್ರಿವರೆಗೂ ಧರಣಿ ನಡೆಸುತ್ತಿದ್ದಾರೆ.

ತಾಲ್ಲೂಕಿನ ನಾಯಕನಘಟ್ಟದ ಕಾಲೋನಿಯಿಂದ ಪೂರ್ವಕ್ಕೆ ನಾಲ್ಕು ಕಂಬದ ಹಂತಕ್ಕ ನಮ್ಮ ಮನೆಯಿದೆ. ಈ ಮನೆಗೆ ಎಕೆಎಲ್-275 ವಿದ್ಯುತ್ ಮೀಟರ್ ನಂಬರ್ ಸಹ ಇದೆ. ನಮ್ಮ ಮನೆ ಬಿಟ್ಟು ಗ್ರಾಮದ ಎಲ್ಲ ಮನೆಗಳಿಗೂ ನಿರಂತರ ಜ್ಯೋತಿ ವಿದ್ಯುತ್ ಸಂಪರ್ಕ ಕಲ್ಪಿಸಲಾಗಿದೆ.

ಇದೇ ರೀತಿ ನಮ್ಮ ಮನೆಗೂ ಸಂಪರ್ಕ ಕಲ್ಪಿಸುವಂತೆ 2019ರಿಂದ ಬೆಸ್ಕಾಂ ಅಧಿಕಾರಿಗಳಿಗೆ ಅರ್ಜಿ ಕೊಟ್ಟರೂ ಸಂಬಂಧಪಟ್ಟವರು ಈ ಬಗ್ಗೆ ಯಾವುದೇ ಕ್ರಮಗಳನ್ನು ಕೈಗೊಂಡಿಲ್ಲ. ಹಾಗಾಗಿ ನಮ್ಮ ಮನೆಗೂ ನಿರಂತರ ಜ್ಯೋತಿ ಕಲ್ಪಿಸುವವರೆಗೂ ನಾವು ರಾತ್ರಿ ಇಡೀ ಕಚೇರಿ ಎದುರು ಧರಣಿ ಮಾಡುವುದಾಗಿ ಧರಣಿ ನಿರತ ಮಹಿಳೆ ದ್ರಾಕ್ಷಣಮ್ಮ ಸಹಾಯಕತೆ ವ್ಯಕ್ತಪಡಿಸಿದರು.

Comment here