ತುಮಕೂರು ಲೈವ್

ಚಿನ್ನ ಕದ್ದವರಿಗೆ 10 ವರ್ಷ ಜೈಲು ಶಿಕ್ಷೆ

ಪಾವಗಡ:  ಪಟ್ಟಣದ ಮಣಪ್ಪುರಂ ಫೈನಾನ್ಸ್ ಲಿಮಿಟೆಡ್ ಶಾಖೆಯಲ್ಲಿ  ಚಿನ್ನ ದೋಚಿದ್ದ ಆರೋಪಿಗಳಿಗೆ 3 ವರ್ಷ ಜೈಲು ಶಿಕ್ಷೆ, 10 ಸಾವಿರ ರೂ ದಂಡ ವಿಧಿಸಿ ತೀರ್ಪು ನೀಡಲಾಗಿದೆ.

ಮಣಪ್ಪುರಂ ಫೈನಾನ್ಸ್ ಲಿ. ಪಟ್ಟಣ ಶಾಖೆಗೆ 25, ಜೂನ್, 2011 ರಂದು ಹಾಸನ ಜಿಲ್ಲೆ ಅರಕಲಗೂಡಿನ ಮುಕ್ತೇಶ್, ಹರೀಶ್, ಪುನೀತ್ ರಾಜ್, ಕೃತಿಕ್ ಎಂಬುವರು ಭದ್ರತೆ ಪರಿಶೀಲನೆ ನೆಪ ಒಡ್ಡಿ ಒಳ ನುಗ್ಗಿ ಅಲ್ಲಿನ ಸಿಬ್ಬಂದಿಯನ್ನು ಕಟ್ಟಿ ಹಾಕಿ ಸುಮಾರು 16 ಕೆ.ಜಿ. ಚಿನ್ನವನ್ನು ದೋಚಿದ್ದರು.

ತನಿಖಾಧಿಕಾರಿ ಸರ್ಕಲ್ ಇನ್ ಸ್ಪೆಕ್ಟರ್ ಎಂ.ವಿ.ಶೇಷಾದ್ರಿ ದೋಷಾರೋಪ ಪಟ್ಟಿ ಸಲ್ಲಿಸಿದ್ದರು. ಸರ್ಕಾರಿ ವಕೀಲ ಮಂಜುನಾಥ್ ವಾದ ಮಂಡಿಸಿದ್ದರು, ಪ್ರಧಾನ ಸಿವಿಲ್ ನ್ಯಾಯಾದೀಶ ಜಗದೀಶ್ ಬಿಸೆರೊಟ್ಟಿ  ತೀರ್ಪು ನೀಡಿದ್ದಾರೆ.

Comment here