ರಾಜ್ಯೋತ್ಸವ ವಾರ್ಷಿಕೋತ್ಸವವಾಗದೆ ನಿತ್ಯೋತ್ಸವವಾಗಬೇಕು ಎಂದು ಶಿಕ್ಷಕ ಸುವರ್ಣರೆಡ್ಡಿ ತಿಳಿಸಿದರು.

ತುಮಕೂರು ಜಿಲ್ಲೆ ಪಾವಗಡ ತಾಲ್ಲೂಕಿನ ದೇವಲಕೆರೆ ಗ್ರಾಮದಲ್ಲಿ ಬುಧವಾರ ರಾತ್ರಿ ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠ ಶಾಲೆ ಮತ್ತು ಕನ್ನಡ ಅಭಿಮಾನಿಗಳ ಬಳಗ ಆಯೋಜಿಸಿದ್ದ ಕನ್ನಡ ರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಗಡಿ ಭಾಗದಲ್ಲಿ ನಿತ್ಯವೂ ಕನ್ನಡಕ್ಕೆ ಸಂಬಂಧಿಸಿ ಕಾರ್ಯಾಗಾರ, ವಿಚಾರ ಸಂಕಿರಣಗಳು ನಡೆಯಬೇಕು ಎಂದರು. ವರ್ಷಕ್ಕೊಮ್ಮೆ ರಾಜ್ಯೋತ್ಸವ ಆಚರಿಸಿ ಸುಮ್ಮನಾಗಬಾರದು ಎಂದರು.

ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಮಂಜುನಾಥ್ ಮಾತನಾಡಿ, ತಾಲ್ಲೂಕಿನಾದ್ಯಂತ ತೆಲುಗು ಪ್ರಭಾವ ಇದ್ದರೂ ಕನ್ನಡ ಭಾಷೆ ಸಂಸ್ಕೃತಿ ಉಳಿಸುವಲ್ಲಿ ವಿವಿಧ ಸಂಸ್ಥೆಗಳು ಶ್ರಮಿಸುತ್ತಿವೆ. ನಾಡು ನುಡಿಯ ಸೇವೆ ಮಾಡುವಲ್ಲಿ ಪ್ರತಿಯೋರ್ವರು ಕೈಜೋಡಿಸಬೇಕು ಎಂದರು.

ಶಾಲಾ ಕ್ಷೇಮಾಭಿವೃದ್ದಿ ಸವಿತಿ ಮಾಜಿ ಅಧ್ಯಕ್ಷ ಪಾಳೇಗಾರ್ ಲೋಕೇಶ್, ನಿಡಗಲ್ ಹೋಬಳಿಯಲ್ಲಿ ವರ್ಷದಿಂದ ವರ್ಷಕ್ಕೆ ಕಲಾವಿದರ ಸಂಖ್ಯೆ ಹೆಚ್ಚುತ್ತಿದೆ. ಯುವ ಜನತೆ ರಾಜ್ಯೋತ್ಸವದ ಹೆಸರಿನಲ್ಲಿ ಸಮಾಜ ಮುಖಿ ಕಾರ್ಯಕ್ರಮಗಳಲ್ಲಿ ತೊಡಗುತ್ತಿರುವುದು ಶ್ಲಾಘನೀಯ ಎಂದರು.

 ಕನ್ನಡ ರಾಜ್ಯೋತ್ಸವದ ಪ್ರಯುಕ್ತ ಗ್ರಾಮವನ್ನು ತಳಿರು ತೋರಣಗಳಿಂದ ಸಿಂಗರಿಸಲಾಗಿತ್ತು. ಕಲಾ ತಂಡಗಳು ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸಿದವು.

ಸರ್ಕಾರಿ ಶಾಲೆಯ ಮುಖ್ಯ ಶಿಕ್ಷಕಿ ಭಾರತಿ, ನಮ್ಮ ಹಕ್ಕು ತಾಲ್ಲೂಕು ಘಟಕದ ಅಧ್ಯಕ್ಷ ಗಿರಿ ಫ್ಯಾಷನ್ಸ್ ಗಿರೀಶ್, ಬಲರಾಂ, ನವೀನ್, ಲಿಂಗಪ್ಪ, ಶಶಿಕಿರಣ್, ಸುವರ್ಣರೆಡ್ಡಿ ಅವರನ್ನು ಸನ್ಮಾನಿಸಲಾಯಿತು.
ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಶಾಂತಮ್ಮ, ಸದಸ್ಯೆ ಚಂದ್ರಮ್ಮ, ಬಿ.ಆರ್.ಸಿ ಸುವರ್ಣರೆಡ್ಡಿ, ಶಾಲಾ ಅಭಿವೃದ್ಧಿ ಸಮಿತಿ ಅಧ್ಯಕ್ಷ ಈರಣ್ಣ, ಶಾಲಾ ಕ್ಷೇಮಾಭಿವೃದ್ಧಿ ಸಮಿತಿ ಅಧ್ಯಕ್ಷ ಅಂಬರೀಷ್, ವೈದ್ಯ ಪ್ರಭಾಕರ ರೆಡ್ಡಿ, ಸಿಬ್ಬಂದಿ ಲೋಕೇಶ್ ನಾಯಕ, ಶಿಲ್ಪ, ಕನ್ನಡ ಅಭಿಮಾನಿ ಬಳಗದ ಪದಾಧಿಕಾರಿ ಅಜಯ್ ಕುಮಾರ್, ಮದೂಶ್, ರಾಮಚಂದ್ರ, ನಾರಾಯಣರೆಡ್ಡಿ, ಕೆ.ಪಿ.ಲಿಂಗಣ್ಣ, ಹನುಮಂತರಾಯಪ್ಪ, ರಾಜಶೇಖರ್, ಗೌತಮಿ, ರಘು, ನಾಗರಾಜು ಉಪಸ್ಥಿತರಿದ್ದರು.

ಟಾಟಾ ಸುಮೋ ರಸ್ತೆಯಲ್ಲಿ ನಿಲ್ಲಿಸಿ ಕಾಯುತ್ತಿದ್ದರು. ಅದೂ ರಾತ್ರಿ ಹೊತ್ತು. ರಾತ್ರಿ ವೇಳೆ ರಸ್ತೆ ಬದಿಯಲ್ಲಿ ವಾಹನ ನಿಲ್ಲಿಸುವುದು ಊಟಕ್ಕಾಗಿಯೋ ಇಲ್ಲವೇ ದೈಹಿಕ ಬಾಧೆಗಳನ್ನು ತೀರಿಸಿಕೊಳ್ಳಲೋ ಉಂಟು. ಆದರೆ ಹಾಗೆ ನಿಂತಿದ್ದವರ ಬಳಿ ಮಚ್ಚು ಲಾಂಗು ಇವೆಯೆಂದರೆ ಅವರು ದರೋಡೆಕೋರರೇ ಇರಬೇಕು ಅಲ್ಲವೇ?

ಹೌದು ತುಮಕೂರು ತಾಲೂಕು ಹೆಬ್ಬೂರು ಪೊಲೀಸ್ ಠಾಣೆ ವ್ಯಾಪ್ತಿಯ ಬಾಣಾವರ ಗೇಟ್ ಬಳಿ ಹೀಗೆ ಮಚ್ಚು ಲಾಂಗು, ಪಿಸ್ತೂಲು ಸೇರಿದಂತೆ ಮಾರಾಕಾಸ್ತ್ರಗಳನ್ನು ಟಾಟಾ ಸುಮೋ ವಾಹನದಲ್ಲಿಟ್ಟುಕೊಂಡು ಕಾಯುತ್ತಿದ್ದರು. ಮಧ್ಯರಾತ್ರಿ ಗಸ್ತಿಗೆ ಬಂದ ಪೊಲೀಸರು ದರೋಡೆಕೋರರು ಇದ್ದಲಿಗೆ ಬಂದು ವಿಚಾರಿಸಿದರು. ಅಷ್ಟೇಕ್ಕೆ ಸುಮ್ಮನಾಗುತ್ತಾರೆಯೇ ಪೊಲೀಸರು. ಟಾಟಾ ಸುಮೋ ವಾಹನಕ್ಕೂ ಕಣ್ಣು ಹಾಕಿದರು. ಆಗಲೇ ಇವರು ದರೋಡೆ ಕೋರರೆಂಬುದು ಖಚಿತವಾಗಿದ್ದು.

ಈ ದರೋಡೆಕೋರರು 25 ದಿನಗಳ ಹಿಂದೆ ಹೊನ್ನುಡಿಕೆ ಹ್ಯಾಂಡ್ ಪೋಸ್ಟ್ ನಲ್ಲಿ ಸುಮೋ ಮತ್ತು ಮೊಬೈಲ್ ಸುಲಿಗೆ ಮಾಡಿದ್ದರಂತೆ. ಮಾಗಡಿಯಲ್ಲೂ ದೇವರ ವಿಗ್ರಹ ಕದ್ದಿದ್ದರು. ಬೆಂಗಳೂರಿನ ಭಾರತಿ ನಗರದಲ್ಲೂ ಒಂದು ಟಾಟಾ ಸುಮೋವನ್ನು ಕಳವು ಮಾಡಿರುವ ಪ್ರಕರಣಗಳು ಆರೋಪಿಗಳು ಬಾಯಿ ಬಿಟ್ಟಂತೆ ಒಂದೊಂದೇ ಹೊರಬಂದಿವೆ. ಸರಿ ಕನ್ ಫರ್ಮ್ ಆಗಿ ನಾಲ್ವರನ್ನು ಬಂದಿಸಿದ್ದಾರೆ. ತುಮಕೂರು ಶಾಂತಿನಗರದ ಜಪ್ರುದ್ದೀನ್, ಬೆಂಗಳೂರು ನೀಲಸಂದ್ರದ ಸಫೀರುದ್ದೀನ್, ಮಿಕದ್ದರ್ ಪಾಷಾ, ವೆಂಕಟೇಶಪುರದ ಮೊದಮದ್ ಸಲೀಂ, ಕಲೀಂಪಾಷಾ ಬಂದಿಸಿಸಲಾಗಿದೆ. ಈ ದರೋಡೆಕೋರದಿಂದ ಒಂದು ಟಾಟಾ ಸುಮೋ, ಸುಮೋ ಇಂಜಿನ್ ಮತ್ತು ಬಿಡಿಭಾಗಗಳು, 10 ಮೊಬೈಲ್ ಗಳು, ಒಂದು ನಾಡ ಪಿಸ್ತೂಲು, 5 ಜೀವಂತ ಗುಂಡುಗಳು , ಲಾಂಗು, 7 ಡ್ರಾಗರ್, ಮೂರು ದೇವರ ವಿಗ್ರಹ ವಶಪಡಿಸಿಕೊಳ್ಳಲಾಗಿದೆ.