ಲೇಖಕರಾದ ಶಿವಣ್ಣ ಅವರು ಮಕ್ಕಳ ರಕ್ಷಣಾಧಿಕಾರಿಯಾಗಿದ್ದಾರೆ.

ಅನಾಥ, ಪರಿತ್ಯಕ್ತ ಮಕ್ಕಳ ಘನತೆಯ ಬದುಕಿಗೆ ಧನಾತ್ಮಕ ಕೊಡುಗೆಯೇ “ದತ್ತು”
ದತ್ತು ಮಾಸಾಚರಣೆಯ ಪ್ರಾಮುಖ್ಯತೆ ಮತ್ತು ಏಕೆ ಆಚರಿಸುತ್ತೇವೆ?
ದತ್ತು ಕಾರ್ಯಕ್ರಮದ ಬಗ್ಗೆ ತಿಳಿದುಕೊಳ್ಳಲು ಇತರರನ್ನು ಉತ್ತೇಜಿಸಲು ಹಾಗೂ ದತ್ತು ಸ್ವೀಕಾರಕ್ಕೆ ಸಂಬಂಧಿಸಿದ ಕಾರ್ಯಕ್ರಮಗಳನ್ನು ನಡೆಸಲು ಮತ್ತು ದತ್ತು ತೆಗೆದುಕೊಳ್ಳುಲು ಪ್ರಭಾವಿತರಾಗಿರುವ ಈ ದೇಶದ ಜನರನ್ನು ಗುರುತಿಸಲು ಮತ್ತು ದತ್ತು ಸ್ವೀಕಾರದ ಮೂಲಕ ಬೆಳೆದ ಕುಟುಂಬಗಳನ್ನು ಗೌರವಿಸುವುದು ಹಾಗೂ ಶಾಶ್ವತ ಕುಟುಂಬಗಳಿಗಾಗಿ ಇನ್ನೂ ಕಾಯುತ್ತಿರುವ ಅನೇಕ ಮಕ್ಕಳನ್ನು ಗುರುತಿಸುವುದು ದತ್ತು ಮಾಸಾಚರಣೆಯ ಧ್ಯೇಯವಾಗಿದೆ.

ಅಲ್ಲದೆ ದತ್ತು ಕಾರ್ಯಕ್ರಮ ಕುರಿತು ವ್ಯಾಪಕ ಪ್ರಚಾರದ ಮೂಲಕ ಬೆಳಕು ಚೆಲ್ಲುವುದಾಗಿದೆ ಹಾಗೂ ಶಾಶ್ವತ ಕುಟುಂಬಗಳಿಗಾಗಿ ಕಾಯುತ್ತಿರುವ ಸಾವಿರಾರು ಮಕ್ಕಳನ್ನು ಗುರುತಿಸಿ ದತ್ತು ಸ್ವೀಕಾರದ ಬಗ್ಗೆ ಜಾಗೃತಿ ಮೂಡಿಸುವುದು, ಪೋಷಕರ ಆರೈಕೆಯಲ್ಲಿರುವ ಮಕ್ಕಳ ಯೋಗಕ್ಷೇಮ ಮತ್ತು ಭವಿಷ್ಯಕ್ಕಾಗಿ ಪ್ರತಿಪಾದಿಸುವುದು.

ನಮ್ಮ ನೆರೆಹೊರೆಯವರು, ಸಮುದಾಯಗಳು, ನಗರಗಳು ಮತ್ತು ರಾಜ್ಯಗಳು ಒಂದು ನಿಲುವು ತೆಗೆದುಕೊಳ್ಳಲು ಪ್ರೋತ್ಸಾಹಿಸುವುದು ಹಾಗೂ ದತ್ತು ಪ್ರಕ್ರಿಯೆಗಳಲ್ಲಿ ಎಲ್ಲರನ್ನು ತೊಡಗಿಸಿಕೊಳ್ಳಲು ಎಲ್ಲರಿಗೂ ಅವಕಾಶವನ್ನು ಒದಗಿಸುವುದು.

ನವೆಂಬರ್-2024ರ ದತ್ತು ಮಾಸಾಚರಣೆ ಇದು ದತ್ತು ತೆಗೆದುಕೊಳ್ಳುವ ಮೂಲಕ ಪ್ರಭಾವಿತರಾದವರಿಗೆ ದತ್ತು ಸ್ವೀಕಾರದ ಹಲವು ಅಂಶಗಳನ್ನು ಪ್ರತಿಬಿಂಬಿಸಲು ಮತ್ತು ಅಂಗೀಕರಿಸಿದ ಅವಕಾಶಗಳನ್ನು ಒದಗಿಸುತ್ತದೆ.

ಎಲ್ಲಾ ದತ್ತು ಕಥೆಗಳು ವಿಭಿನ್ನ ಮತ್ತು ಅನನ್ಯವಾಗಿವೆ ಮತ್ತು ದತ್ತು ಸ್ವೀಕಾರದ ಬಗ್ಗೆ ಜಾಗೃತಿ ಮೂಡಿಸಲು ಒಂದು ತಿಂಗಳನ್ನು ಮೀಸಲಿಡುವುದರಿಂದ ಜೈವಿಕ ಪೋಷಕರು, ದತ್ತು ಪಡೆದ ಪೋಷಕರು ಮತ್ತು ನಿರೀಕ್ಷಿತ ದತ್ತು ಪೋಷಕರು ಮತ್ತು ಕುಟುಂಬಗಳ ವ್ಯಕ್ತಿಗಳನ್ನು ಗೌರವಿಸಲು ನಮಗೆ ಅವಕಾಶ ಮಾಡುತ್ತದೆ.

ಪೋಷಕತ್ವ ಆರೈಕೆಯಲ್ಲಿ ಮಕ್ಕಳನ್ನು ದತ್ತು ತೆಗೆದುಕೊಳ್ಳುವುದನ್ನು ಆಚರಿಸಲು ಮತ್ತು ಉತ್ತೇಜಿಸಲು ಮೀಸಲಾದ ವಿಶೇಷ ತಿಂಗಳುಗಳಾಗಿದೆ. ಶಾಶ್ವತ ಕುಟುಂಬ ಅಗತ್ಯವಿರುವ ಮಕ್ಕಳಿಗೆ ಶಾಶ್ವತ, ಪ್ರೀತಿ, ವಾತ್ಸಲ್ಯ ಮತ್ತು ಕಾಳಜಿಯುಳ್ಳ ವಾತಾವರಣವನ್ನು ಒದಗಿಸಲು ಮತ್ತು ಪ್ರೀತಿಯ ಕುಟುಂಬಗಳನ್ನು ಗುರುತಿಸುವ ಸಂದರ್ಭವಾಗಿದೆ.

ಇದು ದತ್ತು ಸ್ವೀಕಾರದ ಮಹತ್ವ ಮತ್ತು ಪ್ರೀತಿಯ ಕಟುಂಬಗಳಿಗಾಗಿ ಕಾಯುತ್ತಿರುವ ಸಾವಿರಾರು ಮಕ್ಕಳ ಬಗ್ಗೆ ಜಾಗೃತಿ ಮೂಡಿಸುವುದು, ಕುಟುಂಬದಲ್ಲಿ ನೆಲೆಸಲು ಕನಸುಗಳನ್ನು ಹೊತ್ತ ಮಕ್ಕಳಿಗೆ ನನಸಾಗಿಸುವ ಸಮರ್ಪಣೆಯನ್ನು ಅಂಗೀಕರಿಸುವ ನಿಟ್ಟಿನಲ್ಲಿ ದತ್ತು ಮಾಸಚಾರಣೆ ಆಚರಿಸುವ ವಿವಿಧ ಅರ್ಥಪೂರ್ಣ ಧ್ಯೇಯ ಮತ್ತು ಚಟುವಟಿಕೆಗಳ ಕಾರ್ಯಗಳನ್ನು ಒಳಗೊಂಡಿರುತ್ತದೆ.

ಮಕ್ಕಳ ದತ್ತು ಎನ್ನುವುದು ಕಾನೂನುಗಳನ್ನು ಮೀರಿದ ಒಂದು ಪ್ರಕ್ರಿಯೆ, ಕಟುಂಬಕ್ಕೆ ಮಗುವನ್ನು ಒಪ್ಪಿಸುವುದು ಮತ್ತು ಅವರಿಗೆ ಪ್ರೀತಿ ವಾತ್ಸಲ್ಯ ಮತ್ತು ಬೆಂಬಲದ ಆರೈಕೆಯನ್ನು ಒದಗಿಸುವುದು ಒಳಗೊಂಡಿದೆ.

ಭಾರತದಲ್ಲಿ ದತ್ತು ಕಾಯಿದೆ ಸಾಮಾಜಿಕ, ಭಾವನಾತ್ಮಕ ಮತ್ತು ಕಾನೂನಿನ ಮಹತ್ವವನ್ನು ಹೊಂದಿದೆ, ಯಾವುದೇ ಜೈವಿಕ ಸಂಬಂಧವಿಲ್ಲದ ಮಗುವಿಗೆ ಕಾನೂನುಬದ್ದ ಪೋಷಕರು ಎಂದು ಗುರುತಿಸಲಾಗುತ್ತದೆ.

ಈ ಮಾಹಿತಿಯು ಭಾರತದಲ್ಲಿ ಮಗುವನ್ನು ದತ್ತು ತೆಗೆದುಕೊಳ್ಳುವ ಐತಿಹಾಸಿಕ ಬೇರುಗಳು, ಅದರ ಜನಪ್ರೀಯತೆಯ ಹಿಂದಿನ ಕಾರಣಗಳು ಮತ್ತು ದೇಶದಲ್ಲಿ ಮಗುವನ್ನು ದತ್ತು ತೆಗೆದುಕೊಳ್ಳುವ ವಿವಾರವಾದ ಪ್ರಕ್ರಿಯೆಯನ್ನು ವಿವರಿಸಲು ಪ್ರಯತ್ನಿಸಲಾಗಿದೆ.

ದತ್ತು ಸ್ವೀಕಾರದ ಐತಿಹಾಸಿಕ ಹಿನ್ನಲೆ
ಭಾರತದಲ್ಲಿ ದತ್ತು ಸ್ವೀಕಾರವನ್ನು ಅಳವಡಿಸಿಕೊಳ್ಳವುದು ಹೊಸ ಪರಿಕಲ್ಪನೆಯಲ್ಲವಾದರೂ ಅದರ ಗ್ರಹಿಕೆಯು ಕಾಲಾನಂತರದಲ್ಲಿ ವಿಕಸನಗೊಂಡಿತು.

ಹಿಂದೆ ಮಗುವಿನ ದತ್ತು ಕಲ್ಪನೆಯು ಸಾಮಾಜಿಕ ಅಸಮ್ಮತಿಯನ್ನು ಎದುರಿಸಿತು.

ಅದಾಗ್ಯೂ ಸಮಕಾಲೀನ ಭಾರತೀಯ ಸಮಾಜವು ಅಳವಡಿಕೆಯ ಬಗ್ಗೆ ಬಹಿರಂಗವಾಗಿ ಚರ್ಚಿಸುತ್ತ, ಇದು ಸಾಂಸ್ಕೃತಿಕ ವರ್ತನೆಗಳಲ್ಲಿ ಧನಾತ್ಮಕ ಬದಲಾವಣೆಯನ್ನು ಪ್ರತಿಬಿಂಬಿಸುತ್ತದೆ.

ಈ ಪ್ರಕ್ರಯೆಯು ಕಾನೂನು ಮತ್ತು ಕಾರ್ಯವಿಧಾನದ ಅಂಶಗಳನ್ನು ಒತ್ತಿಹೇಳುವ ಮೂಲಕ ಮಗುವನ್ನು ದತ್ತು ಪಡೆಯುವುದು ಹೇಗೆ ಎಂಬುವುದನ್ನು ಅರ್ಥಮಾಡಿಕೊಳ್ಳುವ ಗಮನವು ಈಗ ಬದಲಾಗಿಬಿಟ್ಟಿದೆ.

ಮಗುವನ್ನು ಅರ್ಥ ಮಾಡಿಕೊಳ್ಳುವುದು ಹಾಗೂ ಒಂದು ಅನುಭವ
ಮಗುವನ್ನು ದತ್ತು ಪಡೆಯುವುದು ಕಾನೂನು ಬದ್ದತೆಯನ್ನು ಮೀರಿದ ಆಳವಾದ ಪ್ರಕ್ರಯೆಯಾಗಿದ್ದು, ದತ್ತು ಪಡೆದ ಪೋಷಕರಿಗೆ ಯಾವುದೇ ಜೈವಿಕ ಸಂಬಂಧವಿಲ್ಲದ ಮಗುವನ್ನು ನೋಡಿಕೊಳ್ಳುವ ಭಾವನಾತ್ಮಕ ಸ್ವೀಕಾರ ಮತ್ತು ಬದ್ದತೆಯನ್ನು ಒಳಗೊಂಡಿರುತ್ತದೆ.

ಇದು ಮಕ್ಕಳಿಗೆ ಪ್ರೀತಿ ವಾತ್ಸಲ್ಯ, ಸ್ಥಿರತೆ ಮತ್ತು ಬೆಂಬಲವನ್ನು ಅನುಭವಿಸಲು ಅವಕಾಶಗಳನ್ನು ಒದಗಿಸುವುದಲ್ಲದೆ, ಅವರ ಒಟ್ಟಾರೆ ಯೋಗಕ್ಷೇಮಕ್ಕೆ ಕೊಡುಗೆ ನೀಡುತ್ತದೆ. ದತ್ತು ಪಡೆದ ಪೋಷಕರಿಗೆ ಇದು ಒಂದು ಪರಿವರ್ತಕ ಅನುಭವವಾಗಿದ್ದು, ಅರ್ಥಪೂರ್ಣ ಕುಟುಂಬಗಳನ್ನಾಗಿ ಪೂರೈಸುವ ರೀತಿಯಲ್ಲಿ ಅನುವು ಮಾಡಿಕೊಡುತ್ತದೆ.

ಮಗುವನ್ನು ದತ್ತು ತೆಗೆದುಕೊಳ್ಳಲು ಅರ್ಹತೆಯ ಮಾನದಂಡಗಳು
ಮಹಿಳಾ ಮತ್ತು ಮಕ್ಕಳ ಅಭಿವೃಧ್ಧಿ ಸಚಿವಾಲಯದ ಅಡಿಯಲ್ಲಿ ಕೇಂದ್ರೀಯ ದತ್ತು ಸಂಪನ್ಮೂಲ ಪ್ರಾಧಿಕಾರ (ಅಂಖA)ನೋಡಲ್ ಏಜೆನ್ಸಿಯಾಗಿದ್ದು, ಬಾಲನ್ಯಾಯ (ಮಕ್ಕಳ ಪಾಲನೆ ಮತ್ತು ರಕ್ಷಣೆ) ಕಾಯ್ದೆ-2015 ತಿದ್ದುಪಡಿ 2021 ಹಾಗೂ ದತ್ತು ಮಾರ್ಗಸೂಚಿ 2022ರ ಅನ್ವಯದಂತೆ ಮಗುವನ್ನು ದತ್ತು ತೆಗೆದುಕೊಳ್ಳುವ ಅರ್ಹತೆ ಮಾನದಂಡಗಳನ್ನು ಮೇಲ್ವಿಚಾರಣೆ ಮಾಡುತ್ತದೆ ಹಾಗೂ ನಿರೀಕ್ಷಿತ ದತ್ತು ಪೋಷಕರು ಪೂರೈಸಬೇಕಾದ ಪ್ರಮುಖ ಷರತ್ತುಗಳು ಮತ್ತು ದಾಖಲೆಗಳು ಈ ಕೆಳಕಂಡಂತಿವೆ.

ಪೌರತ್ವ: ಭಾರತೀಯ ಪ್ರಜೆ, ಅನಿವಾಸಿ ಭಾರತೀಯ ಅಥವಾ ವಿದೇಶಿ ಪ್ರಜೆಗಳು ಸಹ ವಿಭಿನ್ನವಾದ ಮಗುವನ್ನು ಪಡೆಯುವ ವಿಧಾನವನ್ನು ಹೊಂದಿದೆ. ವೈವಾಹಿಕ ಸ್ಥಿತಿ: ಯಾವುದೇ ವ್ಯಕ್ತಿ ಲಿಂಗ ಅಥವಾ ವೈವಾಹಿಕ ಸ್ಥಿತಿಯನ್ನು ಲೆಕ್ಕಿಸದೆ ದತ್ತು ಪಡೆಯಲು ಅರ್ಹರಾಗಿರುತ್ತಾರೆ.

ಮಗುವಿನ ಹಿತಾಸಕ್ತಿ:

ನ್ಯಾಯಾಲಯದ ವಿಚಾರಣೆ:

ವಿವಾಹಿತ ದಂಪತಿಗಳು ಕನಿಷ್ಠ ಎರಡು ವರ್ಷಗಳ ಸಂಸಾರಿಕ ಜೀವನವನ್ನು ಪೂರ್ಣಗೊಳಿಸಿರಬೇಕು ಮತ್ತು ದತ್ತು ತೆಗೆದುಕೊಳ್ಳಲು ಜಂಟಿ ಒಪ್ಪಿಗೆ ನೀಡಬೇಕು.

ವಯಸ್ಸಿನ ಮಾನದಂಡಗಳು: ಮಗು ಮತ್ತು ನಿರೀಕ್ಷಿತ ದತ್ತು ಪೋಷಕರ ನಡುವಿನ ವಯಸ್ಸಿನ ವ್ಯತ್ಯಾಸವು ಕನಿಷ್ಠ 25 ವರ್ಷಗಳು ಇರಬೇಕು ಮತ್ತು ದತ್ತು ತೆಗೆದುಕೊಳ್ಳುವ ಪೋಷಕರು 25 ರಿಂದ 55 ವರ್ಷ ವಯಸ್ಸಿನವರಾಗಿರಬೇಕು.

ದತ್ತು ಪೂರ್ವ ಪೋಷಕತ್ವ:

ಆರೋಗ್ಯ: ದತ್ತು ಪಡೆದ ಪೋಷಕರು ದೈಹಿಕವಾಗಿ, ಮಾನಸಿಕವಾಗಿ ಮತ್ತು ಭಾವನಾತ್ಮಕವಾಗಿ ಸ್ಥಿರವಾಗಿರಬೇಕು, ಮಗುವಿನ ಮೂಲಭೂತ ಅಗತ್ಯಗಳನ್ನು ಒದಗಿಸುವ ಆರ್ಥಿಕ ಸಾಮರ್ಥ್ಯವನ್ನು ಹೊಂದಿರಬೇಕು.
ಏಕ ಪೋಷಕ ದತ್ತು:

ಪುರುಷ ಮತ್ತು ಮಹಿಳೆ ಏಕ ವ್ಯಕ್ತಿಗಳು ಇಬ್ಬರೂ ಮಗುವನ್ನು ದತ್ತು ಪಡೆಯಬಹುದಾಗಿದೆ. ಒಂಟಿ ಮಹಿಳೆ ಯಾವುದೇ ಲಿಂಗದ ಮಗುವನ್ನು ದತ್ತು ಪಡೆಯಬಹುದು ಆದರೆ ಒಬ್ಬ ಪುರುಷ ಗಂಡು ಮಗುವನ್ನು ಮಾತ್ರ ದತ್ತು ಪಡೆಯಬಹುದಾಗಿದೆ.
ದತ್ತು ಪಡೆಯುವ ಏಕ ಪೋಷಕರ ವಯಸ್ಸು 55 ವರ್ಷಕ್ಕಿಂತ ಕಡಿಮೆ ಇರಬೇಕು ಹಾಗೂ ಇಬ್ಬರು ದಂಪತಿಗಳ ಸಂಚಿತ ವಯಸ್ಸು ಗರಿಷ್ಠ 110 ವರ್ಷಕ್ಕಿಂತ ಕಡಿಮೆ ಇರಬೇಕು.
ದತ್ತು ನೀಡುವ ಮಕ್ಕಳ ಅರ್ಹತೆ:

ಅನಾಥ, ಪರಿತ್ಯಕ್ತ ಮತ್ತು ಒಪ್ಪಿಸಲ್ಪಟ್ಟ ಮಕ್ಕಳನ್ನು ಮಕ್ಕಳ ಕಲ್ಯಾಣ ಸಮಿತಿಯಿಂದ ಮಕ್ಕಳು ಕಾನೂನು ಬದ್ದವಾಗಿ ದತ್ತು ಮುಕ್ತವೆಂದು ಘೋಷಿಸಲ್ಪಟ್ಟು ನಿರ್ದಿಷ್ಟಡಿಸಿದ್ದು ನಂತರ ನಿರ್ದಿಷ್ಟ ಮಾನದಂಡಗಳ ಆಧಾರದ ಮೇಲೆ ಅನಾಥ, ಪರಿತ್ಯಕ್ತ ಮತ್ತು ಒಪ್ಪಿಸಲ್ಪಟ್ಟ ಮಕ್ಕಳನ್ನು ದತ್ತು ನೀಡಲು ಅರ್ಹತೆಯನ್ನು ನಿರ್ಧರಿಸುತ್ತದೆ.
ದತ್ತು ಪಡೆಯಲು ಬಯಸುವ ಪೋಷಕರು ಉತ್ತಮ ಆರೋಗ್ಯ, ದೈಹಿಕ, ಮಾನಸಿಕ, ಮತ್ತು ಭಾವನಾತ್ಮಕ ಸ್ಥಿರತೆ, ಆರ್ಥಿಕ ಸಾಮರ್ಥ್ಯ ಮತ್ತು ವಯಸ್ಸಿನ ಮಿತಿಗಳ ಅನುಸರಣೆ ಸೇರಿದಂತೆ CARA ವಿವರಿಸಿರುವ ಅರ್ಹತಾ ಮಾನದಂಡಗಳನ್ನು ಪೂರೈಸಬೇಕು. ಮಗುವಿನ ಪಾಲನೆಯು ಪ್ರೀತಿ ಮತ್ತು ಬೆಂಬಲದ ವಾತಾವರಣವನ್ನು ಸೃಷ್ಠಿಸುವುದು ಮತ್ತು ಮಗುವಿನ ಮೂಲಭೂತ ಅಗತ್ಯಗಳನ್ನು ಪೂರೈಸುವುದು ಹಾಗೂ ಸುರಕ್ಷತೆಯನ್ನು ಖಾತ್ರಿಪಡಿಸುತ್ತದೆ. CARA ನಿರ್ದಿಷ್ಠಪಡಿಸಿದಂತೆ ದತ್ತು ಪಡೆಯುವ ಪೋಷಕರು ಕೆಲವು ಮಾನದಂಡಗಳನ್ನು ಪೂರೈಸುವ ಅಗತ್ಯವಿದ್ದು, ಉತ್ತಮ ದೈಹಿಕ, ಮಾನಸಿಕ ಮತ್ತು ಭಾವನಾತ್ಮಕ ಆರೋಗ್ಯ ಹೊಂದಿರಬೇಕು,

ವಿಶೇಷ ಅಗತ್ಯವುಳ್ಳ ಮಗುವಿನ ಸಂದರ್ಭವನ್ನು ಹೊರತುಪಡಿಸಿ ಮೂರು ಅಥವಾ ಅದಕ್ಕಿಂತ ಹೆಚ್ಚಿನ ಮಕ್ಕಳನ್ನು ಹೊಂದಿರುವ ದಂಪತಿಗಳು ದತ್ತು ಪಡೆಯಲು ಅರ್ಹರಾಗಿರುವುದಿಲ್ಲ.
ಮಕ್ಕಳ ದತ್ತು ಪ್ರಕ್ರಿಯೆ :ಮಗುವನ್ನು ದತ್ತು ತೆಗೆದುಕೊಳ್ಳುವ ಪ್ರಕ್ರಿಯೆಯು ಹಲವಾರು ವಿವರವಾದ ಹಂತಗಳನ್ನು ಒಳಗೊಂಡಿರುತ್ತದೆ.
ನೋಂದಣಿ:

ನಿರೀಕ್ಷಿತ ದತ್ತು ಪೋಷಕರು ಹತ್ತಿರದ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ ಅಥವಾ ಅಧಿಕೃತ ದತ್ತು ಏಜೆನ್ಸಿಯೊಂದಿಗೆ www.cara.wcd.nic.in ಕೇರಿಂಗ್ಸ್ನಲ್ಲಿ ನೋಂದಾಯಿಸಿಕೊಳ್ಳಬೇಕು, ನೋಂದಾಣಿಯು ಅಲ್ಲಿನ ಸಮಾಲೋಚಕರು/ಸಾಮಾಜಿಕ ಕಾರ್ಯಕರ್ತರ ಮಾರ್ಗದರ್ಶನ ಹಾಗೂ ಸಂಬಂಧಿಸಿದ ದಾಖಲೆಗಳೊಂದಿಗೆ ನೋಂದಾಯಿಸಿಕೊಳ್ಳುವುದು.
ಗೃಹ ಅಧ್ಯಯನ ಮತ್ತು ಸಮಾಲೋಚನೆ (ಹೋಮ್ ಸ್ಟಡಿ ಮತ್ತು ಕೌನ್ಸಿಲಿಂಗ್): ಒಬ್ಬ ಸಾಮಾಜಿಕ ಕಾರ್ಯಕರ್ತರು ನಿರೀಕ್ಷಿತ ದತ್ತು ಪಡೆಯುವ ಪೋಷಕರ ನಿವಾಸಕ್ಕೆ ಭೇಟಿ ನೀಡಿ ಗೃಹ ಅಧ್ಯಯನವನ್ನು ನಡೆಸುತ್ತಾನೆ,

ಅವರ ಪ್ರೇರಣೆಗಳು, ಸಾಮರ್ಥ್ಯಗಳೂ ಮತ್ತು ದೌರ್ಬಲ್ಯಗಳನ್ನು ಅಧ್ಯಾಯನಿಸಿ ವರದಿ ಸಿದ್ದಪಡಿಸುವುದು ಮತ್ತು ದತ್ತು ಪಡೆಯಲು ಅವರ ಸನ್ನದ್ದತೆಯ ಒಳನೋಟಗಳನ್ನು ಪಡೆಯಲು ಸಮಾಲೋಚನೆಯನ್ನು ನಡೆಸುತ್ತಾರೆ.
ಮಗುವಿನ ರೆಫರಲ್: ಮಗುವು ದತ್ತು ನೀಡಲು ಲಭ್ಯವಾದಾಗ, ಪೋರ್ಟಲ್ ಮೂಲಕ ನೋಂದಾಯಿಸಿಕೊಂಡ ಪೋಷಕರ ಜೇಷ್ಠತೆಯ ಆಧಾರದ ಮೇಲೆ ಮಗುವಿನ ಫೋಟೋ, ವೈದ್ಯಕೀಯ ವರದಿಗಳು, ಮಗುವಿನ ಅಧ್ಯಯನ ವರದಿ ಸೇರಿದಂತೆ ಸಂಬAಧಿತ ಮಾಹಿತಿಯನ್ನು ಹಂಚಿಕೊಳ್ಳಲಾಗುತ್ತದೆ ಮತ್ತು ದತ್ತು ಪಡೆಯುವ ಪೋಷಕರ ಹೊಂದಾಣಿಕೆಯನ್ನು ಖಚಿತಪಡಿಸಿಕೊಳ್ಳಲಾಗುವುದು.

ದತ್ತು ಪಡೆಯುವ ಪೋಷಕರ ಅಗತ್ಯ ದಾಖೆಲೆಗಳನ್ನು ದತ್ತು ಸಮಿತಿ (ಅಡಪ್ಸನ್ ಕಮಿಟಿ)ಗೆ ಮಂಡಿಸಲಾಗುತ್ತದೆ, ಸಮಿತಿಯು ಅವರ ದಾಖಲೆಗಳನ್ನು ಪರಿಶೀಲಿಸಲಾಗುತ್ತದೆ ಹಾಗೂ ಪೋಷಕರು ಮಗುವಿನ ಎಲ್ಲಾ ಅಗತ್ಯಗಳನ್ನು ಪೂರೈಸುವ ಬಗ್ಗೆ ಮತ್ತು ಮಗುವಿನ ಪಾಲನೆ ಕುರಿತು ಪೋಷಕರೊಂದಿಗೆ ಸಮಾಲೋಚನೆ ನಡೆಸಿ, ದತ್ತು ಕೇಂದ್ರದಿಂದ ಮಗುವನ್ನು ಪೋಷಕರ ವಶಕ್ಕೆ ನೀಡಲಾಗುತ್ತದೆ.

ಅರ್ಜಿಯನ್ನು ಸಲ್ಲಿಸುವುದು: ಏಜನ್ಸಿಯವರು ದತ್ತು ಪೋಷಕರ ಎಲ್ಲಾ ಅಗತ್ಯ ದಾಖಲೆಗಳೊಂದಿಗೆ ಅರ್ಜಿಯನ್ನು ಸಿದ್ದಪಡಿಸಿ, ಜಿಲ್ಲಾ ಮಕ್ಕಳ ರಕ್ಷಣಾ ಘಟಕಕ್ಕೆ ಸಲ್ಲಿಸುತ್ತಾರೆ ಅವರು ಪೋಷಕರ ದಾಖಲೆಗಳನ್ನು ಪರೀಶಿಲಿಸಿ ದತ್ತು ಆದೇಶ ನೀಡುವಂತೆ ಕಡತವನ್ನು ಜಿಲ್ಲಾ ದಂಡಾಧಿಕಾರಿಗಳು ಹಾಗೂ ಜಿಲ್ಲಾಧಿಕಾರಿಗಳ ನ್ಯಾಯಾಲಯಕ್ಕೆ ಸಲ್ಲಿಸುತ್ತಾರೆ.

ಪೋಷಕರು ಜಿಲ್ಲಾಧಿಕಾರಿಯವರ ನ್ಯಾಯಾಲಯದ ವಿಚಾರಣೆಗೆ ಹಾಜರಾಬೇಕು, ಅಲ್ಲಿ ಜಿಲ್ಲಾಧಿಕಾರಿಯವರು ಪ್ರಶ್ನೆಗಳನ್ನು ಕೇಳಬಹುದು ಹಾಗೂ ಮಗುವಿನ ಅಗತ್ಯಗಳು, ಪಾಲನೆ ಮತ್ತು ರಕ್ಷಣೆ ಕುರಿತು ಸಮಾಲೋಚಿಸಿ ದತ್ತು ಆದೇಶ ನೀಡುತ್ತಾರೆ.
ಅನುಸರಣೆ (ಫಾಲೋ ಅಪ್): ದತ್ತು ಏಜೆನ್ಸಿಯು ಪ್ರತಿ ಆರು ತಿಂಗಳಿಗೊಮ್ಮೆ ಎರಡು ವರ್ಷಗಳವರೆಗೆ ದತ್ತು ಪೋಷಕರ ಮನೆಗೆ ಭೇಟಿ ನೀಡಿ ಮಗುವಿನ ಯೋಗಕ್ಷೇಮಕ್ಕೆ ಸಂಬಂಧಿಸಿದಂತೆ ಅನುಸರಣಾ ವರದಿ ತಯಾರಿಸಿ ಪೋರ್ಟಲ್‌ನಲ್ಲಿ ಆಪ್‌ಲೋಡ್ ಮಾಡಲಾಗುತ್ತದೆ
ಮೂಲಭೂತ ತತ್ವಗಳು: ಮಗುವನ್ನು ದತ್ತು ಪಡೆಯುವುದು ಎಲ್ಲಕ್ಕಿಂತ ಹೆಚ್ಚಾಗಿ ಮಗುವಿನ ಯೋಗಕ್ಷೇಮಕ್ಕೆ ಆದ್ಯತೆ ನೀಡುತ್ತದೆ, ಪ್ರತಿ ದತ್ತು ಪ್ರಕ್ರಿಯೆಗೆ ಮಾರ್ಗದರ್ಶನ ನೀಡುವ ಪ್ರಮುಖ ತತ್ವಗಳು ಇಲ್ಲಿವೆ.

ದತ್ತು ಪ್ರಕ್ರಿಯೆಯ ಉದ್ದಕ್ಕೂ ಪ್ರತಿಯೊಂದು ನಿರ್ಧಾರವು ಮಗುವಿನ ಒಟ್ಟಾರೆ ಯೋಗಕ್ಷೇಮ, ಭದ್ರತೆ ಮತ್ತು ಸಂತೋಷಕ್ಕಾಗಿ ಯಾವುದು ಉತ್ತಮ ಎಂಬುವುದರ ಮೇಲೆ ಕೇಂದ್ರಿಕರಿಸುತ್ತದೆ.ಶಾಶ್ವತ ಕುಟುಂಬಗಳನ್ನು ಹುಡುಕುವುದು: ಸಾಧ್ಯವಾದಗಲೆಲ್ಲಾ ಸಾಂಸ್ಕೃತಿಕ ನಿರಂತರತೆ ಮತ್ತು ಮಗುವಿಗೆ ಪರಿಚಿತ ವಾತಾವರಣವನ್ನು ಖಚಿತಪಡಿಸಿಕೊಳ್ಳಲು ದತ್ತು ಪಡೆಯುವ ಕುಟುಂಬಗಳನ್ನು ಹುಡುಕಲಾಗುತ್ತದೆ. ದತ್ತು ದಾಖಲೆಗಳನ್ನು ರಕ್ಷಿಸುವುದು: ಎಲ್ಲಾ ದತ್ತುಗಳ ಗೌಪ್ಯತೆಯನ್ನು ಕಾಪಾಡಿಕೊಳ್ಳಲು ಮತ್ತು ಮಗುವಿನ ಹಾಗೂ ದತ್ತು ಪಡೆದ ಕುಟುಂಬದ ಗೌಪ್ಯತೆಯನ್ನು ರಕ್ಷಿಸಲು ಸುರಕ್ಷಿತ ವ್ಯವಸ್ಥೆಯೊಂದಿಗೆ ನೋಂದಾಯಿಸಲಾಗುತ್ತದೆ.
ದತ್ತು ಪ್ರಕ್ರಿಯೆಯಲ್ಲಿ ಬರುವ ಪಾಲುದಾರರು:ಅನಾಥ, ಪರಿತ್ಯಕ್ತ ಹಾಗೂ ಒಪ್ಪಿಸಲ್ಪಟ್ಟ ಮಕ್ಕಳನ್ನುದತ್ತು ನೀಡಲು ಅಗತ್ಯವಿರುವ ಮಕ್ಕಳಿಗೆ ಸುರಕ್ಷಿತ ವಾತಾವರಣವನ್ನು ಖಚಿತಪಡಿಸಿಕೊಳ್ಳಲು ಒಟ್ಟಾಗಿ ಕೆಲಸ ನಿರ್ವಹಿಸುವ ಒಂದು ರೀತಿಯ ಸಮರ್ಪಿತ ತಂಡವನ್ನು ಒಳಗೊಂಡಿದೆ.

ಕೇAದ್ರೀಯ ದತ್ತು ಸಂಪನ್ಮೂಲ ಪ್ರಾಧಿಕಾರ (CARA): ದತ್ತು ನೀಡಲು ಮತ್ತು ಪಡೆಯಲು ಅಂಖA ಕೇಂದ್ರವಾಗಿ ಕೆಲಸ ನಿರ್ವಹಿಸುತ್ತದೆ, ಅವರು ಸಂಪೂರ್ಣ ದತ್ತು ಪ್ರಕ್ರಿಯೆಯನ್ನು ಮೇಲ್ವಿಚಾರಣೆ ಮಾಡುವುದು, ಮಾರ್ಗಸೂಚಿಗಳನ್ನು ಹೊರಡಿಸುವುದು ಮತ್ತು ಪ್ರಕ್ರಿಯೆ ಸುಗಮವಾಗಿ ನಡೆಯುವುದನ್ನು ಖಚಿತಪಡಿಸಿಕೊಳ್ಳುವುದು.

ರಾಜ್ಯ ದತ್ತು ಸಂಪನ್ಮೂಲ ಏಜೆನ್ಸಿ (SARA): ಪ್ರತಿ ರಾಜ್ಯವು ತನ್ನದೇ ಆದ ರಾಜ್ಯ ದತ್ತು ಸಂಪನ್ಮೂಲ ಏಜೆನ್ಸಿಯನ್ನು ಹೊಂದಿರುತ್ತದೆ, ಇದು ಸ್ಥಳೀಯ ಶಾಖಾ ಕಛೇರಿಯಂತೆ ಕಾರ್ಯನಿರ್ವಹಿಸುತ್ತಿದ್ದು, ರಾಜ್ಯದಲ್ಲಿ ದತ್ತು ಪಡೆಯುವುದನ್ನು ಉತ್ತೇಜಿಸಲು ಅಂಖA ನೊಂದಿಗೆ ನಿಕಟವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಅಸಾಂಸ್ಥಿಕ ಸೇವೆಗಳಲ್ಲಿ ಮಕ್ಕಳನ್ನು ಹೇಗೆ ನೋಡಿಕೊಳ್ಳುತ್ತಾರೆ ಎಂಬುವುದನ್ನು ಮೇಲ್ವಿಚಾರಣೆ ಮಾಡುತ್ತದೆ.
ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ: ಪ್ರತಿ ಜಿಲ್ಲೆಯಲ್ಲಿ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕವನ್ನು ಹೊಂದಿರುತ್ತದೆ, ಇದು ಜಿಲ್ಲೆಯಲ್ಲಿ ದತ್ತು ಪಡೆಯುವುದನ್ನು ಉತ್ತೇಜಿಸಲು SARA ಮತ್ತು CARA ನೊಂದಿಗೆ ನಿಕಟವಾಗಿ ಕಾರ್ಯನಿರ್ವಹಿಸುತ್ತದೆ, ದತ್ತು ನೀಡಲು ಅರ್ಹರಾಗಬಹುದಾದ ಮಕ್ಕಳನ್ನು ಗರುತಿಸುವುದು, ನಿರೀಕ್ಷಿತ ದತ್ತು ಪೋಷಕರ ಗೃಹ ಅಧ್ಯಯನ ಸಿದ್ದಪಡಿಸುವುದು, ಅನಾಥ, ಪರಿತ್ಯಕ್ತ ಮತ್ತು ಒಪ್ಪಿಸಲ್ಪಟ್ಟ ಮಕ್ಕಳನ್ನು ಗುರುತಿಸಿ ಅವರಿಗೆ ಶಾಶ್ವತ ಕುಟುಂಬಗಳನ್ನು ಹುಡುಕುವ ಹಾಗೂ ಕಾರ್ಯ ನಿರ್ವಹಿಸುತ್ತದೆ.

ದತ್ತು ಏಜೆನ್ಸಿ: ದತ್ತು ಏಜೆನ್ಸಿಯು ತಮ್ಮ ಆರೈಕೆಯಲ್ಲಿರುವ ಮಕ್ಕಳನ್ನು ಪಾಲನೆ ಮಾಡುವುದು, ಎಸ್.ಐ.ಆರ್, ಎಂ.ಇ.ಆರ್ ಹಾಗೂ ನಿರೀಕ್ಷಿತ ದತ್ತು ಪೋಷಕರ ಗೃಹ ಅಧ್ಯಯನ ಸಿದ್ದಪಡಿಸುವುದು ಮತ್ತು ನಿರೀಕ್ಷಿತ ದತ್ತು ಪೋಷಕರಿಗೆ ಸಮಾಲೋಚನೆಗೆ ಒಳಪಡಿಸಿ ಸಿದ್ದಗೊಳಿಸುವುದು, ಪ್ರತಿಯೊಬ್ಬರ ಅಗತ್ಯತೆಗಳ ಆಧಾರದ ಮೇಲೆ ಸಾಧ್ಯವಾದಷ್ಟು ಉತ್ತಮ ಹೊಂದಾಣಿಕೆಗಳನ್ನು ಮಾಡುವುದು ಒಟ್ಟಾರೆ ಮ್ಯಾಚ್‌ಮೇಕರ್‌ಗಳಂತೆ ಕಾರ್ಯನಿರ್ವಹಿಸುತ್ತದೆ.
ದತ್ತು ಪ್ರಕ್ರಿಯೆಯ ಅವಧಿ:ಮಗುವಿನ ದತ್ತು ಪ್ರಕ್ರಿಯೆಯು ಸುಮಾರು ಮೂರರಿಂದ ನಾಲ್ಕು ವರ್ಷಗಳನ್ನು ತೆಗೆದುಕೊಳ್ಳುತ್ತದೆ, ದತ್ತು ಶಲ್ಕ: ಗೃಹ ಅಧ್ಯಯನ ನಡೆಸುವ ಸಂದರ್ಭದಲ್ಲಿ ರೂ.6೦೦೦/- ನೀಡಬೇಕು ಹಾಗೂ ಮಗುವನ್ನು ಪೋಷಕರ ವಶಕ್ಕೆ ನೀಡುವ ಸಮಯದಲ್ಲಿ ದತ್ತು ಏಜೆನ್ಸಿಗೆ ರೂ.5೦೦೦೦/- ನೀಡಬೇಕಾಗುತ್ತದೆ.

ಮಗುವನ್ನು ದತ್ತು ಪಡೆಯುವುದು ಒಂದು ಮಹತ್ವದ ನಿರ್ಧಾರವಾಗಿದ್ದು, ಅದು ದತ್ತು ಪಡೆದ ಪೋಷಕರ ಜೀವನವನ್ನು ಪರಿವರ್ತಿಸುತ್ತದೆ, ಮಗುವಿಗೆ ಪ್ರೀತಿ, ವಾತ್ಸಲ್ಯ ಮತ್ತು ಘನತೆಯಿಂದ ಬದುಕುವ ಅವಕಾಶವನ್ನು ಒದಗಿಸುತ್ತದೆ, ಭಾರತವು ವಿಶಾಲವಾದ ಜನಸಂಖ್ಯೆಯನ್ನು ಹೊಂದಿದ್ದು, ದತ್ತು ಪಡೆಯುವುದು ಉದಾತ್ತ ಕಾರ್ಯವನ್ನಾಗಿ ಮಾಡಿದೆ.ಪ್ರತಿ ಮಗುವೂ ಕುಟುಂಬದಲ್ಲಿ ಬೆಳೆಯುವ ಹಕ್ಕುನ್ನು ಹೊಂದಿದೆ ಮತ್ತು CARA ವಿವರಿಸಿರುವ ಕಾನೂನು ಕಾರ್ಯವಿಧಾನಗಳ ಪ್ರಕ್ರಿಯೆಯನ್ನು ಖಚಿತಪಡಿಸುತ್ತದೆ.ಮಕ್ಕಳು ರಾಷ್ಟದ ಅತ್ಯಮೂಲ್ಯ ಸಂಪತ್ತು ಮತ್ತು ಅವರ ಯೋಗಕ್ಷೇಮವನ್ನು ಖಚಿತಪಡಿಸಿಕೊಳ್ಳುವುದು ಸಾಮೂಹಿಕ ಜವಾಬ್ದಾರಿಯಾಗಿದೆ ಅಲ್ಲದೆ ದತ್ತು ಎರಡೂ ಜಿವನಕ್ಕೆ ಧನಾತ್ಮಕ ಕೊಡುಗೆ ನೀಡುವ ಅರ್ಥಪೂರ್ಣ ಪ್ರಯತ್ನವೆಂದು ಭಾವಿಸಬಹುದಾಗಿದೆ.

ಬೆಂಗಳೂರು: ಪ್ರತಿಷ್ಠಿತ ಲಂಡನ್ ನ ರಾಯಲ್ ಸೊಸೈಟಿ ಆಫ್ ಕೆಮಿಸ್ಟ್ರಿ ಯ (FRSC) ಫೆಲೋಶಿಪ್  ಗೌರವಕ್ಕೆ ಆದಿಚುಂಚನಗಿರಿ ವಿಶ್ವವಿದ್ಯಾಲಯದ ಸಂಶೋಧನಾ ವಿಭಾಗದ ಡೀನ್ ಪೊಫೆಸರ್ ಪ್ರಶಾಂತ ಕಾಳಪ್ಪ ಅವರು ಪಾತ್ರರಾಗಿದ್ದಾರೆ.

ಪ್ರಶಾಂತ ಕಾಳಪ್ಪ ಅವರ ಈ ಸಾಧನೆ ಕನ್ನಡನಾಡಿಗೆ ಸಂದ ಗೌರವವೂ ಆಗಿದೆ. ಮೂಲತಃ ಚನ್ನರಾಯನಪಟ್ಟಣದವರಾದ ಪ್ರಶಾಂತ್ ಅವರು, ತಮ್ಮ ಸರಳತೆ, ಮೃಧು ಮಾತುಗಳಿಂದಲೂ ಜನಮನ್ನಣೆಗೆ ಪಾತ್ರರಾಗಿರುವ ಜಾಗತಿಕ ವಿಜ್ಞಾನಿ ಎನಿಸಿದ್ದಾರೆ.

ಪಾಲಿಮರ್ ಕೆಮೆಸ್ಟ್ರಿ ಮತ್ತು ಮೆಟೀರಿಯಲ್ಸ್  ಸೈನ್ಸ್ ನಲ್ಲಿ ಮಾಡಿದ ಇವರ ಅಸಾಧಾರಣ ಸಂಶೋಧನೆಗಾಗಿ ಈ ಗೌರವ ಅವರಿಗೆ ಸಂದಿದೆ.

ಆದಿಚುಂಚನಗಿರಿ ಶ್ರೀ ಅಭಿನಂದನೆ

ಆದಿಚುಂಚನಗಿರಿ ವಿಶ್ವವಿದ್ಯಾಲಯದ ಗೌರವಾನ್ವಿತ ಕುಲಾಧಿಪತಿಯೂ ಆಗಿರುವ ಚುಂಚನಗುರಿ ಶ್ರೀಗಳಾದ ಶ್ರೀ ಶ್ರೀ ಶ್ರೀ ನಿರ್ಮಲಾನಂದನಾಥ ಸ್ವಾಮೀಜಿ ಅವರು ಪ್ರಶಾಂತ ಕಾಳಪ್ಪ ಸಾಧನೆಯನ್ನು ಶ್ಲಾಘಿಸಿದ್ದಾರೆ.

ವಿ.ವಿ.ಯ ಉಪಕುಲಪತಿಗಳಾದ ಡಾ. ಎಂ.ಎ. ಶೇಖರ್ ಮತ್ತು ರಿಜಿಸ್ಟ್ರಾರ್ ಡಾ. ಕೆ.ಸಿ ಸುಬ್ರಾಯ ಅವರುಗಳು ಪ್ರಶಾಂತ್ ಅವರನ್ನು ಅಭಿನಂದಿಸಿದ್ದಾರೆ.

ಪ್ರೊಫೆಸರ್ ಪ್ರಶಾಂತ್ ಕಾಳಪ್ಪ ಅವರ ಸಂಶೋಧನಾ ಪರಿಭಾಷೆಗಳು ಅಂತಾಷ್ಟ್ರೀಯ ಮಟ್ಟದಲ್ಲಿ ಪಾಲಿಮರ್ ವಿಜ್ಞಾನದಲ್ಲಿ ದೊಡ್ಡ ಕೊಡುಗೆಗಳನ್ನು ನೀಡಿವೆ. ಇದು ಜಾಗತಿಕವಾಗಿ  ಭಾರತೀಯರಿಗೆ ಹೆಮ್ಮೆಯ ವಿಚಾರವೆನಿಸಿದೆ.

ಬಹುಕ್ರಿಯಾತ್ಮಕ ನ್ಯಾನೊಕಂಪೊಸಿಟ್ ಗಳನ್ನು ಮಾಸ್ಟರ್ ಬ್ಯಾಕ್ ತಂತ್ರಕ್ಕೆ ಅಳವಡಿಸುವ ವಿಷಯದ ಮೊದಲ ಪ್ರವರ್ತಕರು ಇವರು. ಇದು ಕನ್ನಡಿಗರ ಹೆಮ್ಮೆಯಾಗಿದೆ.

ಸ್ಮಾರ್ಟ್ ಪಾಲಿಮರ್ಸ್, 3D ಪ್ರಿಂಟಿಂಗ್ ಮತ್ತು ನ್ಯಾನೊ ಮೆಟೀರಿಯಲ್ಸ್ ಇವುಗಳನ್ನು ಮೂಲಭೂತವಾಗಿ ಒಳಗೊಳ್ಳುವ ಅನ್ವಯಿಕ ಅಂಶಗಳ ಮೇಲೆ ಇವರ ಸಂಶೋಧನೆಗಳು ಬೆಳಕು ಚೆಲ್ಲುತ್ತವೆ.

ಇವರ 110 ಕ್ಕೂ ಹೆಚ್ಚು ಸಂಶೋಧನಾ ಬರಹಗಳು ಅಂತರರಾಷ್ಟ್ರೀಯ ಜರ್ನಲ್ ಗಳಲ್ಲಿ ಪ್ರಕಟವಾಗಿ ಜಾಗತಿಕ ಮನ್ನಣೆಗಳಿಸಿವೆ. ಈವರಗೂ 5 ಸಂಶೋಧನಾ ವಿದ್ಯಾರ್ಥಿಗಳಿಗೆ ಸಂಶೋಧನ ಮಾರ್ಗದರ್ಶನ ನೀಡಿದ್ದಾರೆ.

ಪ್ರತಿಭಾವಂತರಾಗಿರುವ ಪ್ರಶಾಂತ್ ಕಾಳಪ್ಪರವರು ಡಾ.ಬಿ ಎಸ್ ಶೇರಿಗಾರ ಅವರ ಮಾರ್ಗದರ್ಶನದಲ್ಲಿ  ಪಿ.ಹೆಚ್.ಡಿ ಪ್ರಬಂಧ ಮಂಡಿಸಿ ಕುವೆಂಪು ವಿಶ್ವವಿದ್ಯಾಲಯದಲ್ಲಿ  ಡಾಕ್ಟರೇಟ್ ಪದವಿ ಗಳಿಸಿದ್ದಾರೆ.

ದಕ್ಷಿಣ ಕೊರಿಯಾದ Chonbuk National University ಯಲ್ಲಿ ಪೊಸ್ಟ್ ಡಾಕ್ಟರಲ್ ಪ್ರಬಂಧ ಮಂಡನೆ,  ಫ್ರಾನ್ಸ್ ದೇಶದ ಮೈನ್ಸ್ ಟೆಲಿಕಾಮ್ ಇನಸ್ಟಿಟ್ಯೂಟ್ ನಲ್ಲಿ ಪ್ರೊಫೆಸರ್ ಆಗಿ ಸೇವೆ ಸಲ್ಲಿಸಿ ಬೋಧನಾ ಕ್ಷೇತ್ರದಲ್ಲೂ ಜಾಗತಿಕ ಮಟ್ಟದಲ್ಲಿ ಛಾಪು ಮೂಡಿಸಿದ ಕೀರ್ತಿ ಇವರದಾಗಿದೆ.

ಪ್ರಸ್ತುತ ಇವರು ಆದಿಚುಂಚನಗಿರಿ ವಿಶ್ವವಿದ್ಯಾಲಯದ ಸಂಶೋಧನಾ ಮತ್ತು ನೈಸರ್ಗಿಕ ವಿಜ್ಞಾನ ವಿಭಾಗದ ಪ್ರೊಫೆಸರ್ ಆಗಿ  ಸೇವೆ ಸಲ್ಲಿಸುತ್ತಿದ್ದಾರೆ.

ಫ್ರಾನ್ಸಿನ University of Picardie Jules Verneದಲ್ಲಿ ಇಂಡೋಫ್ರೆಂಚ್ ಪ್ರಾಜೆಕ್ಟ್ ನಲ್ಲಿಯೂ ಸೇವೆ ಸಲ್ಲಿಸಿ ದೇಶಕ್ಕೆ ಕೀರ್ತಿ ತಂದಿದ್ದಾರೆ.

ಇವರಿಗೆ ಸಂದ ರಾಯಲ್ ಸೊಸೈಟಿ ಆಫ್ ಕೆಮೆಸ್ಟ್ರಿಯ ಫೆಲೊಶಿಪ್ ಗೌರವ  ಕನ್ನಡನಾಡಿಗೆ ಸಿಕ್ಕ ಮತ್ತೊಂದು ಮುಕುಟಮಣಿಯಾಗಿದೆ.

ರಾಯಲ್ ಸೊಸೈಟಿ ಆಫ್ ಕೆಮೆಸ್ಟ್ರಿ ಲಂಡನ್ನಿನಲ್ಲಿ 1841 ರಲ್ಲಿ ಸ್ಥಾಪನೆಯಾಗಿದ್ದು ಇದರ ಮೂಲ ಧ್ಯೇಯ ಪ್ರಾಪಂಚಿಕ ಮಟ್ಟದಲ್ಲಿ ಪ್ರಮುಖವಾಗಿ ಕೆಮಿಕಲ್ ಸೈನ್ಸ್ ವಿಷಯದಲ್ಲಿ ರುವ ವೃತ್ತಿಪರರಿಗೆ, ಸಂಶೋಧಕರಿಗೆ ಪ್ರೋತ್ಸಾಹ ನೀಡುವುದಾಗಿದೆ.

ರಾಯಲ್ ಸೊಸೈಟಿ ಆಫ್ ಕೆಮೆಸ್ಟ್ರಿ ಶೈಕ್ಷಣಿಕವಾಗಿ ಮಾತ್ರವಲ್ಲದೆ ಕೈಗಾರಿಕೆ, ಸರಕಾರಿ ಮಟ್ಟದ ಯೋಜನಾ ಸಲಹೆಗಳು- ಸೇವೆಗಳನ್ನು ಪ್ರೋತ್ಸಾಹ ಮಾಡುತ್ತಾ ಹೊಸ ಕ್ರಿಯಾಯೋಜನೆಗಳು, ವಿಜ್ಞಾನವಿಭಾಗದ ಮುಂದುವರೆದ ವಿನೂತನ ಸಂಶೋಧನೆಗಳನ್ನು ಪ್ರೋತ್ಸಾಹಿಸುತ್ತಾ ಪ್ರತಿಭಾನ್ವಿತರನ್ನು ಗುರುತಿಸಿ ಮುನ್ನೆಲೆಗೆ ತರುತ್ತಿದೆ.

ಬೆಂಗಳೂರು: ಗಾಂಧೀಜಿ ಅವರನ್ನು ಓದದೇ ವಿಮರ್ಶಿಸಬೇಡಿ ಎಂದು ಗಾಂಧಿ ಪ್ರತಿಷ್ಠಾನದ ಅಧ್ಯಕ್ಷರಾದ ನಾಡೋಜ ಡಾ. ವೂಡೇ ಪಿ ಕೃಷ್ಣ ಅವರು ಕಟುವಾಗಿ ಹೇಳಿದರು.

ಇಲ್ಲಿನ ಶೇಷಾದ್ರಿಪುರಂ ಕಾನೂನು ಮಹಾವಿದ್ಯಾಲಯ ಬೆಂಗಳೂರು, ಗಾಂಧೀ ಅಧ್ಯಯನ ಕೇಂದ್ರ ಶೇಷಾದ್ರಿಪುರಂ  ಕಾಲೇಜು,ಕರ್ನಾಟಕ ಗಾಂಧೀ ಸ್ಮಾರಕ ನಿಧಿ, ಗಾಂಧೀ ಶಾಂತಿ ಪ್ರತಿಷ್ಠಾನ ಬೆಂಗಳೂರು ಇವರ ಸಂಯುಕ್ತಾಶ್ರಯದಲ್ಲಿ ಮಂಗಳವಾರ ಗಾಂಧಿ ಭವನದಲ್ಲಿ ಆಯೋಜಿಸಿದ್ದ “ಗಾಂಧೀ ಚಿಂತನೆಗಳು ಪ್ರಸ್ತುತ ಸಮಾಜಕ್ಕೆ ಅನಿವಾರ್ಯ” ವಿಚಾರ ಕುರಿತ ಒಂದು ದಿನದ ವಿಚಾರ ಸಂಕಿರಣ ಮತ್ತು ಸಂವಾದದಲ್ಲಿ ಮಾತನಾಡಿದರು.

” ತಾಂತ್ರಿಕತೆಯ ಆರ್ಭಟದಲ್ಲಿ ಇಂದು ಮನುಷ್ಯ ಸಂಬಂಧಗಳು ಹಾಳಾಗುತ್ತಿವೆ, ಪ್ರಕೃತಿಯೊಂದಿಗೆ ಸಾಮರಸ್ಯ ಕಳಚಿಕೊಳ್ಳುತ್ತಿವೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಇಂದು ಜಾತೀಯತೆ ಮತ್ತು ಮತೀಯತೆಯ ಭೇದಭಾವ ಉಂಟುಮಾಡುತ್ತಿರುವ ಇಂದಿನ ದಿನಗಳಲ್ಲಿ ಗಾಂಧೀಯ ತತ್ವಗಳ ಅನಿವಾರ್ಯತೆ ಇದೆ ಎಂದು ಅಭಿಪ್ರಾಯ ಪಟ್ಟರು.

ಗಾಂಧೀಜಿಯವರು ಹೇಳುತ್ತಾರೆ ” ಸತ್ಯ ಮತ್ತು ಅಹಿಂಸೆಯನ್ನು ನಾನು ಕಂಡು ಹಿಡಿಯಲಿಲ್ಲ. ಅದು ನಮ್ಮ ಭಾರತೀಯ ಸಂಸ್ಕೃತಿಯಲ್ಲಿ ಮಿಳಿತವಾಗಿದೆ ಎಂದು ಹೇಳಿದ್ದಾರೆ.  ಮಹಾತ್ಮ ಗಾಂಧೀಜಿಯವರು ನಮಗೆ ದೊರೆತಿರುವುದು ಬರೀ ರಾಜಕೀಯ ಸ್ವಾತಂತ್ರ್ಯ, ನಾವು ಸಾಮಾಜಿಕವಾಗಿ, ಆರ್ಥಿಕವಾಗಿ ಸ್ವತಂತ್ರವಾಗಿಲ್ಲ ಎಂದು ಹೇಳಿದ್ದರು.  ಗಾಂಧೀಜಿಯವರು ಕಲ್ಪನೆಯ ಸ್ವಾತಂತ್ರ್ಯ ನಮಗೆ ಇನ್ನೂ ಸಿಕ್ಕಿಲ್ಲ ಎಂದರು.

ಗಾಂಧೀಜಿ ಅವರ ಅನೇಕ ವಿಚಾರಧಾರೆಗಳ ಬಗ್ಗೆ ಒತ್ತಿ ಹೇಳಿದ ಅವರು ಗಾಂಧೀಜಿಯವರ ವಿಚಾರಗಳನ್ನು ಓದದೆ ಅವರನ್ನು ವಿಮರ್ಶಿಸಬೇಡಿ ಎಂದರು.

ಸತ್ಯ ಯಾವಗಲೂ ಉಳಿಯುತ್ತದೆ. ನಮ್ಮ ಮಕ್ಕಳ ಮನಸ್ಸನ್ನು ಹಾಳುಮಾಡಬಾರದು. ಗಾಂಧೀ ನಮಗೆ ಯಾಕೆ ಮುಖ್ಯ ಎನ್ನುವುದನ್ನು ಹೇಳುತ್ತಾ, ಅವರ ತತ್ವಗಳಿಂದ ಅವರು ಜೀವಂತವಾಗಿದ್ದಾರೆ.  ಎಂದು ತಿಳಿಸಿದರು.

” ದ್ವೇಷಿಸುವವರನ್ನು ಪ್ರೀತಿಸಬೇಕು ಎಂಬ ಗಾಂಧೀಜಿಯವರ ಉದಾತ್ತ ಚಿಂತನೆಗಳಿಂದ ಅವರು ಮಹಾತ್ಮರಾದರು. ಸಮಾಜ ಕಡೆಗಣಿಸಿದವರನ್ನು ಜೊತೆ ಸೇರಿಸಿಕೊಂಡರು. ಕ್ಷಮೆಕೇಳದೆ ಕ್ಷಮಿಸುವುದು.ತಪ್ಪುಗಳನ್ನು ಒಪ್ಪಿಕೊಳ್ಳುವುದು. ಸರಳವಾಗಿ ಬದುಕುವುದು. ನಾವು ನಾವಾಗಿರುವುದು ಮುಖ್ಯ. ಇಂತಹ ತತ್ವಗಳಿಂದಾಗಿ ಗಾಂಧೀ ನಮಗೆ ಬೇಕು ಎಂದರು.

ಕಾರ್ಯಕ್ರಮವನ್ನು ಉದ್ಘಾಟಿಸಿದ ಗಾಂಧೀ ಸೇವಾರತ್ನ ಪ್ರಶಸ್ತಿ ಪುರಸ್ಕೃತರಾದ ಪ್ರೊ ಜಿ ಬಿ ಶಿವರಾಜು ಅವರು ಮಾತನಾಡಿ, “ಜಗತ್ತಿನ ಎಲ್ಲಾ ಸಮಸ್ಯೆಗಳಿಗೆ ಪರಿಹಾರ ಎಲ್ಲಾದರೂ ಇದೆಯಾ ಎಂದರೆ ಅದು ಗಾಂಧೀಯ ವಿಚಾರದಲ್ಲಿದೆ” ಎಂದರು.

ಇಂದಿನ ಸಮಾಜದ ವಿಪರ್ಯಾಸವೆಂದರೆ ” ಎಲ್ಲವನ್ನು ಪರಿಹಾಸ್ಯ ಮಾಡುವ ಗುಣ ನಮ್ಮ ರಾಷ್ಟ್ರರಕ್ತಕ್ಕೆ ಅಂಟಿದೆ. ಅದನ್ನು ಮೊದಲು ತೊಲಗಿಸಬೇಕು. ಶ್ರೇಷ್ಠ ಮತ್ತು ಪರಿಶುದ್ದ ಮನಸ್ಸಿನ ಹಿರಿಯರ, ಸಂತರ, ಸಾಧಕರ ವ್ಯಕ್ತಿತ್ವವನ್ನು ಮಕ್ಕಳ ಮನಸ್ಸಿನಲ್ಲಿ ಬಿತ್ತಬೇಕು. ನಿಮ್ಮಂತಹ ಮಕ್ಕಳು ಗಾಂಧೀಯ ತತ್ವಗಳನ್ನು, ಮೌಲ್ಯಗಳನ್ನು ತೆಗೆದುಕೊಂಡು ಹೋಗಬೇಕು. ಎಂದು ಮಕ್ಕಳಿಗೆ ಕಿವಿಮಾತನ್ನು ಹೇಳಿದರು. ಗಾಂಧೀ ಸತ್ಯ ಮತ್ತು ಪ್ರೇಮದ ಜ್ವಾಲಾಮುಖಿ ಎಂಬ ಮಾತನ್ನು ಸ್ಮರಿಸಿದರು.

ಕಾರ್ಯಕ್ರಮದಲ್ಲಿ ಶೇಷಾದ್ರಿಪುರಂ ಕಾನೂನು ಕಾಲೇಜಿನ ಆಡಳಿತ ಮಂಡಳಿಯ ಅಧ್ಯಕ್ಷರಾದ ಕೆ ಕೃಷ್ಣಸ್ವಾಮಿ, ಪ್ರಾಂಶುಪಾಲರಾದ ಡಾ. ಪ್ರಣೀತ ಬಿ ಎಸ್, ಸಂಪನ್ಮೂಲ ವ್ಯಕ್ತಿಯಾದ ಡಾ. ಎನ್ ಎಸ್ ಸತೀಶ್,  ಶೇಷಾದ್ರಿಪುರಂ ಕಾಲೇಜಿನ ಗಾಂಧೀ ಅಧ್ಯಯನ ಕೇಂದ್ರದ ಸಂಚಾಲಕರಾದ ಡಾ. ಸಂದೀಪ್.ಸಿ, ಪ್ರೊ ಜಯಶೀಲ ಜಿ.ಎಸ್ ಉಪಸ್ಥಿತರಿದ್ದರು