ಸಮಾರಂಭದಲ್ಲಿ ಹಿರಿಯ ವಕೀಲರಾದ ಎನ್.ಬಸವರಾಜು ಅವರನ್ನು ಸನ್ಮಾನಿಸಲಾಯಿತು. ಕಾಲೇಜಿನ ಅಧ್ಯಕ್ಷರಾದ ಷಫಿ ಅಹಮದ್, ಹಿರಿಯ ನ್ಯಾಯಾಧೀಶರಾದ ರಾಘವೇಂದ್ರ ಶೆಟ್ಟಿಗಾರ್, ಪ್ರೊ. ಪರುಷರಾಮ್, ಡಾ.ಎಸ್. ರಮೇಶ್ ಇದ್ದಾರೆ.

Publicstory

ತುಮಕೂರು: ಕಾನೂನು ಪರೀಕ್ಷೆಗಳ ಮುಂದೂಡಿಕೆ ಇಲ್ಲ ಎಂದು ಕರ್ನಾಟಕ ರಾಜ್ಯ ಕಾನುನು ವಿಶ್ವವಿದ್ಯಾನಿಲಯದ ಸಿಂಡಿಕೇಟ್ ಸದಸ್ಯರು, ಹಿರಿಯ ವಕೀಲರಾದ‌ ಎನ್. ಬಸವರಾಜು ತಿಳಿಸಿದರು.

ನಗರದ ಸುಫಿಯಾ ಕಾಲೇಜಿನಲ್ಲಿ ಶುಕ್ರವಾರ ಸುಫಿಯಾ ಕಾನೂನು ಮಹಾ ವಿದ್ಯಾಲಯ, ಎಚ್.ಎಂ.ಎಸ್ ಪಾಲಿಟೆಕ್ನಿಕ್ ಕಾಲೇಜು, ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ ಸಂಯುಕ್ತಾಶ್ರಯದಲ್ಲಿ ನಡೆದ “ಮಾನವ ಹಕ್ಕುಗಳ ದಿನಾಚರಣೆ” ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಡಾ.‌ಪರುಷರಾಮ್ ಅವರನ್ನು ಸನ್ಮಾನಿಸಲಾಯಿತು.

ಡಿಸೆಂಬರ್-15 ರಂದು ಕಾನೂನು ಪರೀಕ್ಷೆಗಳು ಆರಂಭವಾಗಲಿದ್ದು, ಯಾವುದೇ ಕಾರಣಕ್ಕೂ ಪರೀಕ್ಷೆಗಳನ್ನು ಮುಂದೂಡುವುದಿಲ್ಲ. ಪರೀಕ್ಷೆ ರದ್ದುಪಡಿಸುವುದಿಲ್ಲ ಎಂದು ಅವರು ತಿಳಿಸಿದರು.

ಹಿರಿಯ ಸಿವಿಲ್ ನ್ಯಾಯಾದೀಶ ಹಾಗೂ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ರಾಘವೇಂದ್ರ ಶೆಟ್ಟಿಗಾರ್ ಮಾತನಾಡಿ, ಬೇರೆಯವರ ಹಕ್ಕನ್ನು ಸಂರಕ್ಷಿಸಿದರೆ ನಮ್ಮ ಹಕ್ಕನ್ನೂ ರಕ್ಷಿಸಿಕೊಳ್ಳಬಹುದು. ಬೇರೆಯವರ ಹಕ್ಕನ್ನು ಕಸಿದುಕೊಂಡಲ್ಲಿ ಅವರ ಹಕ್ಕು ಉಲ್ಲಂಘನೆಯಾಗುತ್ತದೆ. ನಂತರದಲ್ಲಿ ನಮ್ಮ ಹಕ್ಕು ಸಹ ಉಲ್ಲಂಘನೆಯಾಗುವ ಸಾಧ್ಯತೆ ಇರುತ್ತದೆ. ಹೀಗಾಗಿ ಇತರರಿಗೆ ಸಮಸ್ಯೆ ಮಾಡದೆ ಬದುಕುವುದನ್ನು ರೂಢಿಸಿಕೊಳ್ಳಬೇಕು ಎಂದರು.

ತುಮಕೂರು ವಿಶ್ವವಿದ್ಯಾಲಯದ ಸಮಾಜ ಕಾರ್ಯ ವಿಭಾಗದ ಮುಖ್ಯಸ್ಥ ಡಾ. ಕೆ.ಜಿ ಪರಶುರಾಮ್ ಮಾತನಾಡಿ, 74 ವರ್ಷಗಳ ಹಿಂದೆ ಶೇ19 ರಷ್ಟು ಸಾಕ್ಷರತೆ ಇತ್ತು ಆಗಲೂ ಸಹ ಮಾನವ ಹಕ್ಕುಗಳ ಉಲ್ಲಂಘನೆಯಾಗುತತಿತ್ತು. ಇದೀಗ ಸಾಕ್ಷರತೆ ಪ್ರಮಾಣ ಶೇ100 ರ ಸಮೀಪ ಇದೆ. ಸಾಕ್ಷರತೆ ಪ್ರಮಾನ ಹೆಚ್ಚುತ್ತಿದ್ದರೂ ಮಾನವ ಹಕ್ಕುಗಳ ಉಲ್ಲಂಘನೆ ಹೆಚ್ಚುತ್ತಿದೆ. ಇದ್ಕೆ ಮಾನವೀಯ ಮೌಲ್ಯಗಳು ಕುಸಿಯುತ್ತಿರುವುದು ಪ್ರಮುಖ ಕಾರಣ ಎಂದರು.

ಸ್ವತಂತ್ರದ ಬಗ್ಗೆ 162 ದೇಶಗಳ ನಡೆದ ಸಮೀಕ್ಷೆಯಲ್ಲಿ ನ್ಯೂಯಾರ್ಕ್ ದೇಶ ಪ್ರಥಮ ಸ್ಥಾನದಲ್ಲಿದ್ದರೆ ಭಾರತ 111 ನೇ ಸ್ಥಾನದಲ್ಲಿದೆ. ಉತ್ತರ ಕೊರಿಯ, ಇರಾನ್, ಚೀನಾದಂತಹ ದೇಶಗಳು ಹೊಂದಿರುವ ಶಸ್ತ್ರಸ್ತ್ರಾಗಳು, ಯುದ್ದಕ್ಕೆ ಸಿದ್ಧವಾಗಿರುವ ಪರಿಯನ್ನು ಅವಲೋಕಿಸಿದಾಗ, ಅಮೇರಿಕಾ, ಸುಮಾಲಿಯಾ ದೇಶಗಳ ನಡುವಿನ ಮಾನವ ಹಕ್ಕುಗಳ ಸ್ಥಿತಿಗತಿಗಳ ಬಗ್ಗೆ ಹೋಲಿಕೆ ಮಾಡಿದಲ್ಲಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಮಾನವ ಹಕ್ಕುಗಳ ವಸ್ತುಸ್ಥಿತಿಯ ಬಗ್ಗೆ ತಿಳಿದುಕೊಳ್ಳಬಹುದು ಎಂದರು.

ಸುಫಿಯಾ ಕಾಲೇಜು ಕಾನೂನು ಸೇವೆಗೆ ಅಗತ್ಯವಿರುವ ಮಾನವ ಸಂಪನ್ಮೂಲ ಪೂರೈಸುತ್ತಿದೆ ಎಂದು ತುಮಕೂರು ವಿಶ್ವವಿದ್ಯಾಲಯದ ಸಮಾಜ ಕಾರ್ಯ ವಿಭಾಗದ ಮುಖ್ಯಸ್ಥ ಡಾ. ಕೆ.ಜಿ ಪರಶುರಾಮ್ ಶ್ಲಾಘನೆ ವ್ಯಕ್ತಪಡಿಸಿದರು.

ಎಚ್.ಎಂ.ಎಸ್. ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಷಫೀ ಅಹಮದ್ ಮಾತನಾಡಿ, ಸ್ವಾರ್ಥಕ್ಕಾಗಿ ಬದುಕದೆ ದೇಶಕ್ಕಾಗಿ ಏನಾದರೂ ಕೊಡುಗೆ ನೀಡಬೇಕು ಎಂಬ ಆಶಯ ಪ್ರತಿಯೊಬ್ಬರಲ್ಲಿಯೂ ಇರಬೇಕು. ಡಾ.ಬಿ.ಆರ್. ಅಮಬೇಡ್ಕರ್ ಅವರು ಸಂವಿಧಾನದ ಮೂಲಕ ದೇಶದ ಜನತೆಗೆ ಸಮಾನತೆ, ಜಾತ್ಯಾತೀತತೆ, ಜೊತೆಗೆ ಮೂಲಭೂತ ಹಕ್ಕುಗಳನ್ನು ನೀಡಿದ್ದಾರೆ. ಅವುಗಳನ್ನು ಸಂರಕ್ಷಿಸಿಕೊಳ್ಳುವುದು ಪ್ರತಿಯೊಬ್ಬರ ಕರ್ತವ್ಯ ಎಂದರು.
ಎಚ್.ಎಂ.ಎಸ್. ಪಾಲಿಟೆಕ್ನಿಕ್ ಕಾಲೇಜಿನ ಪ್ರಾಂಶುಪಾಲ ಟಿ.ಎ. ರಹಮತ್ ಉಲ್ಲಾ ಖಾನ್ ಮಾತನಾಡಿದರು.

ಸುಫಿಯಾ ಕಾನೂನು ಮಹಾ ವಿದ್ಯಾಲಯದ ಪ್ರಾಂಶುಪಾಲ ಡಾ.ಎಸ್. ರಮೇಶ, ಉಪ ಪ್ರಾಂಶುಪಾಲ ಓಬಯ್ಯ, ಉಪನ್ಯಾಸಕರಾದ ಸಿ.ಕೆ.ಮಹೇಂದ್ರ, ಮಂಜುನಾಥ್, ಶ್ರೀನಿವಾಸ್ ಉಪಸ್ಥಿತರಿದ್ದರು.

ಹೆಣ್ಣು ನೋಡುವ ಭಾಗ್ಯವೂ ಕಲಾ ವಿಭಾಗದ ನೋವು….

ನಮ್ಮಗ ಆರ್ಟ್ಸ್ (ಕಲಾ ವಿಭಾಗ) ಓದಿರೋದು ನೋಡಿ ಮತ್ತೇ – ಈ ಮಾತನ್ನು ದೊಡ್ಡಮ್ಮ ಪದೇಪದೇ ಹೇಳುತ್ತಿದ್ದರೆ ಕುಡಿಯುತ್ತಿದ್ದ ಕಾಫಿ ಗಂಟಲಲ್ಲೇ ಸಿಗಾಕಿಕೊಳ್ಳುತ್ತಿತ್ತು.

ನೋಡಿ ಮತ್ತೇ ಆಮ್ಯಾಲೆ  ಇಲ್ಲ ಅನ್ ಬ್ಯಾಡ್ದು ಮೊದಲೇ ನಿಮ್ಮ ಹುಡುಗಿಗೆ ಹೇಳಿ ಬಿಡಿ ಎಂದು ದೊಡ್ಡಮ್ಮ ಹೇಳ್ತಲೇ ಇದ್ರು, ಹಾಗೇ ಹೇಳಕ್ಕೆ ಅವರಿಗೂ ಭಯವೂ ಇದೆ. ಕೊನೆಗೂ ಕಾಫಿ ಕುಡಿದು ಈಚೆ ಬಂದುದ್ದಾಯಿತು. ಈಗಾಗಲೇ ಈ ಹುಡುಗಿ ನೋಡುತ್ತಿರುವುದು ಇಪ್ಪತ್ತನೆಯದು ಇರಬೇಕು,

ನೋಡಲು ಸುಂದರವಾಗಿದ್ರು ಹುಡ್ಗ ಆರ್ಟ್ಸ್ ಓದಿರುವುದು ಹುಡ್ಗಿ  ಕೊಡೋದಿಲ್ಲ ಅಂದೋರೆ ಹೆಚ್ಚು, ಇಂಗ್ಲಿಷ್ ಎಂ ಎ ಮಾಡಿದ್ರೂ ಸಹ ಜನರಿಗೆ ಅದ್ಯೇಕೆ ಸೈನ್ಸ್ ಮೇಲೆ ಅಷ್ಟೊಂದು ಪ್ರೀತಿ. ಕಲಾ ವಿಭಾಗದಲ್ಲಿ ಇಂಗ್ಲಿಷ್ ಓದಿದ್ರೂ ಇಂಗ್ಲಿಷ್ ಬರೋಲ್ಲ ಅಥವಾ ದಡ್ಡ ಅನ್ನೋದ್ ಎಲ್ಲರ ತೀರ್ಮಾನವಾಗಿಬಿಟ್ಟಿದೆ. ಹೆಣ್ಣುನೋಡುವ ಶಾಸ್ರ್ತಕ್ಕೆ ಮೊದಲೇ ಎಷ್ಟೋ ಜನ ಅಯ್ಯೋ ಆಟ್ಸ್ ನಲ್ಲಿ ಇಂಗ್ಲಿಷ್ ಎಂ,ಎ.ನಾ ಬೇಡ ಎಂದವರೇ ಹೆಚ್ಚು.

ಹುಡ್ಗ ಬುದ್ದಿವಂತ ಆಗಿದ್ರೆ ಆಟ್ಸ್ ಓದಿದ ನಂತರ ಇಂಗ್ಲಿಷ್ ಎಂ,ಎ, ಏಕೆ ಮಾಡ್ತಿದ್ದ ಸೈನ್ಸ್ ತಗೊಂಡ್ ಓದುತ್ತಿದ್ದ ಎಂದವರೇ ಹೆಚ್ಚು.

ಮದುವೆ ಕನಸುಗಲೆಲ್ಲ ನುಚ್ಚು ನೂರಾಗಿವೆ,  ಪಾಪ! ಉಳಿದವರ ಗತಿ ಏನಾಗಬೇಡ.

ಒಮ್ಮೆ ಈಗಾಯ್ತು ನೋಡಿ. ಅಪ್ಪ ಹೇಳಿದ್ರು, ನೀನು ಬರೋದ್ ಬೇಡ, ಹೊರಗಡೆ ಶಾಂಪಿಂಗ್ ಮಾಲ್ ಗೆ ಹೋಗು, ನಾವು ಹುಡ್ಗಿ ನೋಡಿ ಬರ್ತೀತಿ. ಅವರು ಒಪ್ಪಿದ್ದರೆ ಬರುವೆಯಂತೆ ಅಂದ್ರು!

ನನಗೋ ಬೇಸರ, ಥೂ ಹೀಗೂ ಉಂಟೆ, ಯಾಕಾದ್ರು ಆರ್ಟ್ ಓದಿದನ್ನೋ ಅಂತ ನೋವು, ಸಮಾಜಶಾಸ್ತ್ರ ಎಂದರೆ ಪ್ರೀತಿ. ಹೀಗಾಗಿ ಸಮಾಜಶಾಸ್ರ್ರ ಓದಬೇಕು ಅಂತಾಲೆ ಕಲಾ ವಿಭಾಗ ಆಯ್ಕೆ ಮಾಡಿಕೊಂಡವನು, ಆದರೆ ಸಾಹಿತ್ಯದ ಗೀಳಿಗೆ ಬಿದ್ದು ಇಂಗ್ಲಿಷ್ ಕೈ ಹಿಡಿದವನು ನಾನು. ಜನರಿಗೆ ಕೆಲಸವೂ ಮುಖ್ಯವಾಗುತ್ತಿಲ್ಲ. ಸರ್ಕಾರಿ ಕೆಲಸದಲ್ಲಿ ಇದ್ದರೆ, ಭ್ರಷ್ಟ ನೌಕರನಾಗಿದ್ದರೆ, ದುಡ್ಡಿದ್ದರೆ ಈ ಎಲ್ಲಾ ಪ್ರಶ್ನೆಗಳು ಬರುತ್ತಿರಲಿಲ್ಲವೇ ಎಂದು ಕಾಡಿದುಂಟು. ಆದರೆ ಎಲ್ಲರಿಗೂ ಸರ್ಕಾರಿನೌಕರಿಯೇ ಸಿಗುತ್ತದೆಯೇ ? ಸಾಪ್ಟ್ ವೇರ್ ಕಂಪನಿಯೊಂದರಲ್ಲಿ ಕೈ ತುಂಬಾ ಸಂಬಳ ಎಣಿಸುತ್ತಿದ್ದರೂ ಯಾಕೆ ಜನರು ಈ ರೀತಿ ಹೇಳುತ್ತಿದ್ದಾರೆ ? ಹೀಗೆ ನಾನಾ ಪ್ರಶ್ನೆಗಳು ತಲೆಯಲ್ಲಿ ಕೊರೆಯುತ್ತಿರಬೇಕಾದರೆ ಅಪ್ಪ ಫೋನ್ ಮಾಡಿದ್ರು, ಬೇಗ ಬಾ, ಹುಡುಗಿ ಮನೆಯೋರು ಒಪ್ಪಿದ್ದಾರೆ, ನನಗೂ ಖುಷಿ,

ಕೂಡಲೇ ಹುಡುಗಿಯ ಮನೆ ಹಿಂಬದಿಯ ಶಾಂಪಿಂಗ್ ಕಾಂಪ್ಲೆಕ್ಸ್ಸ ನಲ್ಲಿದ್ದ ನಾನು ಕಾರಿನಲ್ಲಿ ಹೊರಟೆ .  ಮೊದಲೇ ಫೋಟೊದಲ್ಲಿ ಹುಡುಗಿ ನೋಡಿದ್ದ ಕಾರಣ ಏನೇನೋ ಆಸೆಗಳಿದ್ದವು. ಕೊನೆಗೂ ಕಲಾ ವಿಭಾಗವೇ ಗೆದ್ದಿತ್ತು. ಇಂಥ ಚೆಂದನೆಯ ಹುಡುಗಿ ಡಾಕ್ಟರಿಗೂ ಸಿಗುತ್ತಿರಲಿಲ್ಲ ಎಂದು ಮನಸ್ಸು ಉಯ್ಯಾಲೆಯಾಡಿತು,

ಕೊನೆಗೂ ಹೆಣ್ಣಿನಮನೆ  ಕದ ತಟ್ಟಿದೆ. ಎಲ್ಲವೂ ಸರಿಯಾಯಿತು.  ಆದರೆ ಹುಡುಗಿ ಬೇರೆಯವಳೇ ಆಗಿದ್ದಳು. ನಮ್ಮ ದೊಡ್ಡ ಮಗಳಿಗೆ ಸೈನ್ಸ್ ಓದಿರೋರೋ ಹುಡುಗನೇ ಬೇಕಂತೆ, ಇವಳು ಚಿಕ್ಕ ಮಗಳು, ಅವಳಿಗಿಂತ ಒಂದು ವರ್ಷ ಚಿಕ್ಕವಳಷ್ಟೇ. ಇಬ್ಬರೂ ಒಮ್ಮೆಗೆ ಮದುವೆ ಮಾಡುವ ಮನಸ್ಸು ಇದೆ. ನೀವು ಒಪ್ಪಿಕೊಂಡರೆ ಆಗಬಹುದು ಎಂದರು, ಯಾಕೋ ನನಗೆ ಸರಿ ಬರಲಿಲ್ಲ. ತಲೆ ತಿರುಗಿದಂತಾಯಿತು, ಅಪ್ಪಾ ಏನ್ ಹೇಳಿದ್ರೋ ಗೊತ್ತಾಗಲಿಲ್ಲ. ಸುಮ್ಮನೇ ಕೂತೆ. ನಂತರ ಎಲ್ಲರೂ ಹುಡುಗಿ ನೋಡುವ ಶಾಸ್ತ್ರ ಮುಗಿಸಿ ಹೊರಬಂದೆವು. ಕಾರಿನಲ್ಲಿ ಅಪ್ಪ ನಗುತ್ತಿದ್ದರು. ಹುಡುಗಿ ಮತ್ತಷ್ಟು ಚಿಕ್ಕವಳು, ದೊಡ್ಡವಳಷ್ಟು ಚೆನ್ನಾಗಿಲ್ಲದಿರಬಹುದು. ಇನ್ನೊಂದು ವರ್ಷ ಕಳೆದರೆ ಇವಳೇ ಅವಳಿಗಿಂತ ಚೆನ್ನಾಗಿ ಕಾಣ್ತಳೆ, ಖಾಸಗಿ ಕೆಲಸ ಮಾಡೋನಿಗೆ, ಆಟ್ಸ್  ಓದಿರೋನಿಗೆ ಇದಕ್ಕಿಂತ ಹುಡುಗಿ ಸಿಗಲಾರಳು. ಮನೆಯ ಕಡೆಯೂ ಚೆನ್ನಾಗಿದ್ದಾರೆ. ಇಬ್ಬರೇ ಹೆಣ್ಣು ಮಕ್ಕಳು, ಮುಂದೆ ಅವನಿಷ್ಟ ಎಂದರು. ನಾನೇನು ಮಾತನಾಡಲಿಲ್ಲ.

ಬೆಳಿಗ್ಗೆ ಆಫೀಸಿನ ಕಚೇರಿಯಲ್ಲಿ ಮುಖ ನೋಡಿಕೊಂಡವನಿಗೆ ನಾನು ಅಷ್ಟೇನು ಚೆನ್ನಾಗಿಲ್ಲ ಎನಿಸಿತು. ಯಾಕೋ ಕಲಾ ವಿಭಾಗ ಕಣ್ಣ ಮುಂದೆ ಓಡಿದಂತಾಯಿತು.  ಅಪ್ಪನಿಗೆ ಫೋನ್ ಮಾಡಿ ಹೇಳಿದೆ, ಹುಡುಗಿ ಓಕೆ ಅಪ್ಪಾ ಅಂತಾ!