ತುಮಕೂರು ತಾಲ್ಲೂಕಿನಲ್ಲಿ ಹೊನ್ನೇನಹಳ್ಳಿಯಲ್ಲಿ ಎರಡು ಸಮುದಾಯಗಳ ನಡುವೆ ನಡೆದ ಹೊಡೆದಾಟ ಈಗ ಅಪ್ಪಟ ರಾಜಕೀಯ ಬಣ್ಣ ಬಳಿದುಕೊಂಡಿದೆ. ಘಟನೆಗೆ ಸಂಬಂಧಿಸಿದಂತೆ ಹಾಲಿ, ಮಾಜಿ ಶಾಸಕರ ನಡುವೆ ವಾಕ್ಸಮರಕ್ಕೂ ಕಾರಣವಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಮಾಜಿ ಶಾಸಕ ಬಿ.ಸುರೇಶಗೌಡ ಎರಡು ಪತ್ರಗಳನ್ನು ಬರೆದಿದ್ದಾರೆ. ಈ ಪತ್ರಗಳಿಗೆ ಅಷ್ಟೇ ಗಟ್ಟಿಯಾಗಿ ಉತ್ತರಿಸಿರುವ ಶಾಸಕ ಬಿ.ಸಿ‌.ಗೌರಿಶಂಕರ್, ಹಲವು ಪ್ರಶ್ನೆಗಳನ್ನು ಕೇಳಿದ್ದಾರೆ. ಪತ್ರ ಕೆಳಗಿನಂತಿದೆ.

ಸನ್ಮಾನ್ಯ ಮಾಜಿ ಶಾಸಕರಾದ ಬಿ. ಸುರೇಶ್ ಗೌಡರಿಗೆ ನಾನು ಮೊದಲನೆಯದಾಗಿ ಗೌರವಪೂರ್ವಕ ವಾದಂತಹ ವಂದನೆಗಳನ್ನು ಹೇಳುತ್ತೇನೆ. ಯಾಕೆಂದರೆ ಅವರು ಸಾಮಾಜಿಕ ಜಾಲತಾಣದಲ್ಲಿ ಒಂದು ವಿಡಿಯೋ ಮಾಡಿ ಕೊನೆಯಲ್ಲಿ ನನ್ನನ್ನು ಕೆಲ ವಿಷಯಗಳಿಗೆ ವಿನಂತಿಸಿದ್ದಾರೆ. ಹಾಗಾಗಿ ಅವರಿಗೆ ಧನ್ಯವಾದಗಳು. ಈಗಲಾದರೂ ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ನಂಬಿಕೆ & ಸೌಜನ್ಯ ಬಂದಿರುವುದಕ್ಕೆ ಸಂತೋಷವಾಗುತ್ತಿದೆ.

ನನ್ನ ಮೇಲೆ ಆಧಾರರಹಿತ ಆರೋಪ ಮಾಡುವ ನೀವು ಮೊದಲು ನಿಮ್ಮ ಆತ್ಮಾವಲೋಕನ ಮಾಡಿಕೊಳ್ಳಿ.
ಕಾರಣವಿಷ್ಟೇ ನಿಮ್ಮನ್ನು ಕೂಡಾ ಈ ಕ್ಷೇತ್ರದ ಜನ ಆಯ್ಕೆ ಮಾಡಿ ಶಾಸಕರನ್ನಾಗಿ ಮಾಡಿ ಅಧಿಕಾರ ನೀಡಿದ್ದು ಬರೋಬ್ಬರಿ 10 ವರ್ಷಗಳ ಕಾಲ.

ಒಬ್ಬ ತತ್ವಜ್ಞಾನಿ ಹೇಳುತ್ತಾರೆ “ದುರುದ್ದೇಶದ ರಾಜಕಾರಣಿ ಕೊನೆ ಹಂತದಲ್ಲಿ ಶರಣಾಗತಿಯಾಗುತ್ತಾನೆ”. ಎಂದು
ಈಗ ಅದು ನಿಮ್ಮ ವಿಷಯದಲ್ಲಿ ಸಾಭೀತಾಗಿದೆ.

ಮಾಜಿ ಶಾಸಕರೇ, ಈಗಾಗಲೇ ನಾನು ಅಧಿಕಾರ ವಹಿಸಿಕೊಂಡು ಎರಡು ವರ್ಷ ಮುಗಿದಿದೆ. ಇಲ್ಲಿಯವರೆವಿಗೂ ಪದೇಪದೇ ಪ್ರತಿ ವಿಷಯದಲ್ಲೂ ಆರೋಗ್ಯಕರ ಚರ್ಚೆ ಮಾಡದೆ, ಅಭಿವೃದ್ಧಿ ಚರ್ಚೆ ಮಾಡದೇ, ಸಲಹೆ ನೀಡದೇ ಯಾವಾಗಲೂ ನನ್ನ ಮೇಲೆ ಇಲ್ಲಸಲ್ಲದ ಆಧಾರರಹಿತ ಆರೋಪ ಮಾಡುತ್ತಾ, ನಿಮ್ಮ ಅಧಿಕಾರದ ದಾಹಕ್ಕೆ ಜನಗಳನ್ನು ದುರ್ಬಳಕೆ ಮಾಡಿಕೊಂಡಿರುವುದು ಕ್ಷೇತ್ರದ ಜನರಿಗೆ ಗೊತ್ತಿರುವ ವಿಷಯವೇ ಆಗಿದೆ. ನೀವು ಮಾಡಿರುವ ಷಡ್ಯಂತ್ರ ಒಂದೋ ಎರಡೋ ..?

ನಾನು ಮೊದಲನೆಯದಾಗಿ ಸನ್ಮಾನ್ಯ ಮಾಜಿ ಶಾಸಕರಿಗೆ ಪ್ರಜಾಪ್ರಭುತ್ವದ ವ್ಯಾಖ್ಯಾನವನ್ನು ಹೇಳಿ ಕೊಡಬೇಕಾಗಿದೆ. ಇಲ್ಲಿವರೆಗೂ ತಿಳಿದುಕೊಂಡಿರುವುದು ಪ್ರಜಾಪ್ರಭುತ್ವವೆಂದರೆ “ಪ್ರಜೆಗಳಿಂದ ಪ್ರಜೆಗಳಿಗಾಗಿ ಪ್ರಜೆಗಳಿಗೋಸ್ಕರ” ಎಂಬುದು ಇದು ಕೇವಲ ಚುನಾವಣಾ ಆಯ್ಕೆ ಸಂಧರ್ಭದಲ್ಲಷ್ಚೇ, ಆದರೆ ನಿಜವಾಗಿಯೂ ಪ್ರಜಾಪ್ರಭುತ್ವವೆಂದರೆ “ಬಾಬಾಸಾಹೇಬ್ ಡಾ. ಬಿ.ಆರ್ ಅಂಬೇಡ್ಕರ್” ಅವರ ದೃಷ್ಟಿಯಲ್ಲಿ “ರಕ್ತರಹಿತ ವಾದಂತಹ ಸಾಮಾಜಿಕ ಕ್ರಾಂತಿಯೇ ಪ್ರಜಾಪ್ರಭುತ್ವ ವ್ಯವಸ್ಥೆಯಾಗಿದೆ” ನಿಮಗೆ ಈ ಪದಗಳು ಅರ್ಥವಾಗೊಲ್ಲಾ ಯಾಕೆಂದರೇ, ನೀವು ಮಾಡಿದ್ದೆಲ್ಲಾ ರಕ್ತಸಹಿತ ರಾಜಕಾರಣವನ್ನೇ.. ನೀವು ಬಯಸಿದ್ದು ಮುಗ್ದ ಜನಗಳ ರಕ್ತವನ್ನೆ, ಅದಕ್ಕೆ ಉದಾಹರಣೆ ಹೊನ್ನೇನಳ್ಳಿ ಘಟನೆ ಇನ್ನೂ ಅನೇಕ ಇದೆ ಸಮಯ ಬಂದಾಗ ಹೇಳುತ್ತೇನೆ.

ನಿಮ್ಮ ಪ್ರತಿಯೊಂದು ಹೆಜ್ಜೆಯೂ ಕೂಡಾ ದ್ವೇಷ, ಪ್ರಚೋದನೆಗೆ ಕುಮ್ಮಕ್ಕೂ ನೀಡುವುದೇ ಆಗಿದೆ. ಕ್ಷೇತ್ರದ ಸ್ವಾಸ್ಥ್ಯ ಕೆಡಿಸುವುದೇ ಆಗಿದೆ. ಪಟ್ಟಿ ಮಾಡುತ್ತಾ ಹೋಗುತ್ತೇನೆ ನೀವೇ ನಿಮ್ಮ ವಿಡಿಯೋದಲ್ಲಿ ಹೇಳಿರುವಂತೆ ರಾಜಕಾರಣದಿಂದ ದೂರ ಉಳಿಯಲು ಸಿದ್ಧರಾಗಿ..

1. ಈ ಹಿಂದೆ ಮಂಚಕಲ್ ಕುಪ್ಪೆಯ ಆನಂದ ಬಿಹಾರಿ ಹೋಟೆಲ್ ನಲ್ಲಿ ತಿಂದ ಊಟದ ಹಣವನ್ನ ನೀಡಲಾರದೇ ಮಾಲಿಕನ ಮೇಲೆ ಮಾರಾಣಾಂತಿಕ ಹಲ್ಲೆ ಮಾಡಿದ್ದ ಕ್ಯಾತ್ಸಂದ್ರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ರೌಡಿಶೀಟರ್ ಗಳನ್ನು ಆ ಕೇಸ್ ನಿಂದ ಬಿಡಿಸಿ ನಿಮ್ಮ ಜೊತೆ ಇಟ್ಟಕೊಂಡು ರೌಡಿಸಂ & ಜೂಜಿನ ಹಡ್ಡೆ ನಡೆಸುತ್ತಿರುವವರು ಯಾರು…?

2. ಭಾರತ ದೇಶ ಕಂಡಂತಹ ಶ್ರೇಷ್ಠ ರಾಜಕೀಯ ಮುತ್ಸದಿ ಮತ್ತು ಮಾಜಿ ಪ್ರಧಾನಿಗಳು ಆದಂತಹ ದೇವೇಗೌಡರ ಲೋಕಸಭಾ ಚುನಾವಣಾ ಸಂದರ್ಭದಲ್ಲಿ ನೀವು ಹಳ್ಳಿಯಲ್ಲಿ ಭಾಷಣ ಮಾಡುತ್ತಾ, ಮಾಜಿ ಪ್ರಧಾನಿಯ ಕೊರಳ ಪಟ್ಟಿಗೆ ಕೈಹಾಕಿ, ದೊಣ್ಣೆ ಹಿಡಿದು ಊರ ಒಳಗೆ ಬರದಂತೆ ನೋಡಿಕೊಳ್ಳಿ, ಎಂದು ಮಾಡಿದ ಭಾಷಣದ ತುಣುಕು ನಿಮ್ಮ ಸಂಸ್ಕೃತಿ ಮತ್ತು ನಿಮ್ಮ ಮನಸ್ಥಿತಿಯನ್ನು ಹೇಳುತ್ತದೆ.
ಇನ್ನೂ ಹ್ಯಾಂಡ್ ಪೋಸ್ಟ್ ವಡ್ಡರಹಳ್ಳಿ ಜಾತ್ರೆಯಲ್ಲಿ ನೀವು ವೇದಿಕೆ ಮೇಲೆ ನನ್ನ ಬಗ್ಗೆ ಮಾತನಾಡುವಾಗ ಶಾಸಕರನ್ನ ಪ್ರಶ್ನೆ ಮಾಡುವಾಗ ಯಾವ ರೀತಿ ಪದಬಳಕೆ ಮಾಡಬೇಕೆಂಬ ಅರಿವು, ಕನಿಷ್ಟ ಜ್ಞಾನ ನಿಮಗಿರಲಿಲ್ಲವೇ….?

3. ನನಗೆ ರಾಜಕಾರಣ ಮತ್ತು ಅಧಿಕಾರಿ ವರ್ಗಗಳಲ್ಲಿ ಹೀಗೆ ನಡೆದುಕೊಳ್ಳಬೇಕೆಂದು ಪಾಠ ಮಾಡುವ ಮೊದಲು, ನಿಮ್ಮಯ ಹೀನ ಸಂಸ್ಕೃತಿಯನ್ನು, ಹೀನ ಭಾಷೆಯನ್ನು ಒಮ್ಮೆ ಜ್ಞಾಪಿಸಿಕೊಳ್ಳಿ. ಈ ಹಿಂದೆ ಒಬ್ಬ ಪೊಲೀಸ್ ಪೇದೆಯನ್ನು ಅವರ ಜಾತಿಯ ಹೆಸರನ್ನಿಡಿದು ಕುರುಬ ಪೊಲೀಸ್ ಎಂದಿದ್ದು ನೆನಪಿದೆಯಾ..? ಒಂದು ಸಮುದಾಯಕ್ಕೆ ನೀವು ತೋರಿದ ಅಗೌರವವನ್ನ ಆ ಸಮುದಾಯ ಜೀರ್ಣಿಸಿ ಕೊಳ್ಳಲಾಗಲಿಲ್ಲ. ಹೆತ್ತೇನಹಳ್ಳಿ ಜಾತ್ರಾ ಸಂಧರ್ಭದಲ್ಲಿ ಒಬ್ಬ ಮಹಿಳಾ AC ಅಧಿಕಾರಿಯ ಜೊತೆ ಹೇಗೆ ವರ್ತಿಸಿದ್ದೀರಿ ಹೇಳಿ.? ಆದರೆ ನಾ ಅಧಿಕಾರಿಗೆ ತಾಕೀತು ಮಾಡಿದ್ದು ಧ್ವನಿ ಇಲ್ಲದ ಮಹಿಳೆ & ದಲಿತ ಸಮಾಜದ ನ್ಯಾಯಕ್ಕಾಗಿ ಎಂಬುದು ನೆನಪಿರಲಿ.

4. ಮೊನ್ನೆ ಮೊನ್ನೆ ತಾನೆ ನೀವು ಕೊರೋನಾ ಸೋಂಕಿತ ತುಮಕೂರು ವ್ಯಕ್ತಿಯನ್ನು ನನ್ನ ಅಧಿಕಾರ ಬಳಸಿ ನಾಗವಲ್ಲಿ ಕುಂಬಿಪಾಳ್ಯದಲ್ಲಿ ಶವಸಂಸ್ಕಾರ ಮಾಡಿಸಿದ್ದೇನೆಂದು ಆರೋಪಿಸಿ ಅದರಲ್ಲೂ ವಿಫಲರಾಗಿದ್ದೀರಿ. ನಿಮ್ಮ ಪಕ್ಷದ ಉಸ್ತುವಾರಿ ಸಚಿವರೇ ನಿಮಗೆ ಛೀಮಾರಿ ಹಾಕಿದ್ದನ್ನ ಮರೆತಿದ್ದೀರಾ..?
ನಿಮಗೆ ಅಧಿಕಾರದ ಹಪಾಪಿತನ ಇದ್ದರೆ ಬಹಿರಂಗವಾಗಿ ಹೇಳಿ..?
“ನಾನು ಅಧಿಕಾರಕ್ಕಾಗಿ ಏನು ಬೇಕಾದರೂ ಮಾಡುತ್ತೇನೆ ನನಗೆ ನನ್ನ ಭವಿಷ್ಯ ಮುಖ್ಯ ನನ್ನ ಕಾರ್ಯಕರ್ತರೇನಾದರೇನು.? ಜನಗಳೇನಾದರೇನು.? ಎಂದು” ನಾನೆ ಅಧಿಕಾರ ಬಿಟ್ಟುಕೊಡುತ್ತೇನೆ.

5. ನೀವೇ ಮಾಡಿಸಿಕೊಂಡ ಟಿವಿ ಸಂದರ್ಶನದಲ್ಲಿ ಅಧಿಕಾರಕ್ಕೆ ಅಂದುಕೊಂಡವನಲ್ಲಾ ಎಂದು ದೊಡ್ಡದಾಗಿ ಹೇಳುತ್ತೀರಲ್ಲಾ ನಿಮಗೆ ಈ ಮಾತು ಹೇಳುವುದಕ್ಕೆ ನೈತಿಕತೆ ಇದೇಯಾ.? ಅಧಿಕಾರದ ಹುಚ್ಚು ನಿಮಗೆ, ಹಾಗಾಗಿ ನಿಮ್ಮ ಹುಚ್ಚು ಹೆಚ್ಚಾಗಿ ಈ ರೀತಿ ವರ್ತನೆ ಮಾಡುತ್ತಿದ್ದೀರಾ..? ಹೊನ್ನೇನಳ್ಳಿ ಘಟನೆಯಲ್ಲಿ ಸೌಜನ್ಯಕ್ಕಾದರೂ ಹೆಣ್ಣುಮಗಳ ಪರವಾಗಿ ಒಂದು ವಾಕ್ಯವನ್ನು ಹೇಳಿಲಿಲ್ಲಾ. ದಲಿತರ ಪರವಾಗಿ ಒಂದು ಮಾತಿರಲಿಲ್ಲಾ. ನಿಮಗೆ ನಿಮ್ಮ ಸ್ವಾರ್ಥ ಮುಖ್ಯ. ನೀವು ಹಸುವಿನ ಮುಖವಾಡ ತೊಟ್ಟು ಹುಲಿಯ ಕ್ರೌರ್ಯವನ್ನು ಪ್ರದರ್ಶಿಸುತ್ತಿದ್ದೀರಾ. ಇದರಲ್ಲೇ ಗೊತ್ತಾಗುತ್ತದೆ ನೀವೂ ಮಹಿಳಾ ವಿರೋಧಿ, ದಲಿತ ವಿರೋಧಿ & ಸಮಯಸಾಧಕ ರಾಜಕಾರಣಿ ಎಂದು.

6. ರಾಜ್ಯದ 224 ವಿಧಾನಸಭಾ ಕ್ಷೇತ್ರಗಳಲ್ಲಿ ಯಾವುದೇ ಒಂದು ಸೋತಂತಹ ಕ್ಷೇತ್ರದಲ್ಲಿ ಯಾವ ರಾಜಕಾರಣಿಗಳು ಕೂಡಾ ನಿಮ್ಮಷ್ಟು ಹೀನ ಮಟ್ಟಕ್ಕೆ ಇಳಿದಿಲ್ಲಾ. ನಿಮ್ಮನ್ನು ನೀವೇ ಪ್ರಶ್ನಿಸಿಕೊಳ್ಳಿ. ಒಂದು ಕ್ಷೇತ್ರ ಅಭಿವೃದ್ಧಿಗೆ ಸರ್ಕಾರದಿಂದ ಹಣ ತರುವುದೇ ದೊಡ್ಡ ಕಾರ್ಯ, ನಾನು ತಂದ ಹಣವನ್ನು ನೀವು ನಿಮ್ಮ ಸರ್ಕಾರದ ಮೇಲೆ ಒತ್ತಡ ತಂದು ಏನು ಮಾಡಿದ್ದೀರಾ ಎಂದು ನಿಮಗೆ ನೆನಪಾಗುತ್ತಿಲ್ಲವೇ..? ನೀವೂ ಪ್ರಜಾಪ್ರಭುತ್ವದ ವ್ಯಾಖ್ಯಾನದ ಪಾಠ ನನಗೆ ಹೇಳುತ್ತಿರಲ್ಲಾ ನಿಮಗೆ ಮಾನವೀಯತೆಯೇ ಇಲ್ಲವೇ..?

7. ಜಾತಿ-ಜಾತಿ ಮಧ್ಯೆ ವ್ಯಕ್ತಿಗಳ ಮಧ್ಯೆ ಸಂಘರ್ಷವನ್ನು ಸೃಷ್ಟಿಸಿ ರಾಜಕಾರಣ ಮಾಡುವ ನೀವು ನನ್ನ ಮೇಲೆ ಆರೋಪ ಮಾಡುತ್ತೀರಾ..? ನಿಮ್ಮ ಕಾಲದಲ್ಲಿ ಎಷ್ಟು ಜನ ಅಮಾಯಕರ ಮೇಲೆ & ಹೋರಾಟಗಾರರ ಮೇಲೆ ಪೊಲೀಸ್ ಇಲಾಖೆ ಮೇಲೆ ಒತ್ತಡ ತಂದು ರೌಡಿಶೀಟರ್ ಮಾಡಿಸಿದ್ದೀರಾ ನೆನಪಿಲ್ಲವೇ..? ಏನೂ ಕಾಣದ ಮಂಗನ ರೀತಿ ವರ್ತಿಸಿ ನಮ್ಮನ್ನು ಮಂಗ ಮಾಡಬೇಡಿ ನಿಮ್ಮ ಕಾಲದಲ್ಲಿ ಮಾಡಿದ್ದೆ ದ್ವೇಷದ ರಾಜಕಾರಣ. ನಿಮಗೆ ವ್ಯಕ್ತಿಗೌರವ ಇದೆಯಾ ಸಮುದಾಯ ಗೌರವ ಇದೇಯಾ..? ಇದ್ಯಾವುದೂ ಇಲ್ಲಾ.

ಜನಗಳ ಮಧ್ಯೆ ರಾಜಕಾರಣದ ವಿಷಬೀಜ ಬಿತ್ತಿ ಆದರಿಂದ ಫಲ ನಿರೀಕ್ಷಿಸಬೇಡಿ, ನಿಮ್ಮ ಬಲ ಪ್ರದರ್ಶನ, ಬುದ್ಧಿ ಪ್ರದರ್ಶನ ನನ್ನ ವಿರುದ್ಧ ಮಾಡಿ. ಅದು ಬಿಟ್ಟು ಜನಸಾಮಾನ್ಯರ ಮೇಲೆ ಬೇಡಾ ನೀವು ಮಾಡುತ್ತಿರುವುದೇ ಹೇಸಿಗೆ ಹುಟ್ಟಿಸೋ ಕೆಲಸ ಗೌಡ್ರೇ. ನಾನು ಈ ಕ್ಷೇತ್ರದ ಶಾಸಕ ಎನ್ನುವುದಕ್ಕಿಂತ ಹೆಚ್ಚಾಗಿ ಮನೆಮಗ ಎನ್ನುವುದರಲ್ಲಿ ಹೆಮ್ಮೆ ಇದೆ .. ನೀವು ಮಾಡುವುದೆಲ್ಲಾ ಮಾಡಿ ಎಲ್ಲದಕ್ಕೂ ಸಿದ್ಧ ನಾನು. ನನ್ನ ಜನಗಳಿಗೆ ತೊಂದರೆಯಾದರೇ ಜನಗಳೇ ಉತ್ತರಿಸುತ್ತಾರೆ. ಕೊನೆಯದಾಗಿ ಮಾಜಿಯವರೇ ಕ್ಷೇತ್ರ ನೆಮ್ಮದಿಯಾಗಿರಲು ಬಿಡಿ. ಇದು ನಿಮಗೆ ಶೋಭೆಯಲ್ಲಾ.

ವಂದನೆಗಳೊಂದಿಗೆ,

ಇಂತಿ,
ಡಿ. ಸಿ. ಗೌರಿಶಂಕರ್
ಶಾಸಕರು
ತುಮಕೂರು ಗ್ರಾಮಾಂತರ ವಿಧಾನಸಭಾ ಕ್ಷೇತ್ರ.

ತುಮಕೂರು: ಶಿರಾ ನಗರದಲ್ಲಿ ಸ್ಟೀಲ್ ಅಂಗಡಿ ನಡೆಸುತ್ತಿದ್ದ ಒಬ್ಬರಿಗೆ ಮಂಗಳವಾರ ಕೊರೊನಾ ಸೋಂಕು ಪತ್ತೆಯಾಗಿದೆ.

ಈತನ ಅಂಗಡಿ ಪಕ್ಕದಲ್ಲಿ ಮತ್ತೊಂದು ಅಂಗಡಿ ಇದ್ದು, ಆ ಅಂಗಡಿಗೆ ಹೋಗಿ ಬರುತ್ತಿದ್ದ.

ಈ ನಡುವೆ, ಇಬ್ಬರು ಕೊರೊನಾ ಪೀಡಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾದರು.

Publicstory.in

ತುಮಕೂರು: ಎತ್ತಿನ ಹೊಳೆಯ ಬೈರಗೊಂಡ್ಲು ಜಲಾಶಯದ ನಿರ್ಮಾಣಕ್ಕೆ ಭೂಸ್ವಾಧೀನಕ್ಕೊಳಪಡುವ ರೈತರ ಜಮೀನಿಗೆ ಸೂಕ್ತ ಪರಿಹಾರ ದರ ನಿಗಧಿ ಸಂಬಂಧ ಮುಖ್ಯಮಂತ್ರಿಗಳೊಂದಿಗೆ ಚರ್ಚಿಸಿ ತೀರ್ಮಾನಿಸಲಾಗುವುದು ಎಂದು ಕಾನೂನು ಸಚಿವ ಜೆ.ಸಿ. ಮಾಧುಸ್ವಾಮಿ ತಿಳಿಸಿದರು.

ಎತ್ತಿನಹೊಳೆ ಕುಡಿಯುವ ನೀರಿನ ಯೋಜನೆಗಾಗಿ ಕೊರಟಗೆರೆ ತಾಲ್ಲೂಕು ವ್ಯಾಪ್ತಿಯಲ್ಲಿ ಬರುವ ಬೈರಗೊಂಡ್ಲು ಜಲಾಶಯ ನಿರ್ಮಾಣ ಕಾಮಗಾರಿಗೆ ಸಂಬಂಧಿಸಿದಂತೆ ಭೂಸ್ವಾಧೀನ ಕುರಿತು ಜಿಲ್ಲಾಧಿಕಾರಿ ಕಛೇರಿಯಲ್ಲಿ ಜರುಗಿದ ಸಮಾಲೋಚನಾ ಸಭೆಯಲ್ಲಿ ಅವರು ಮಾತನಾಡಿದರು.

ಬೈರಗೊಂಡ್ಲು ಜಲಾಶಯ ನಿರ್ಮಾಣಕ್ಕೆ ಕೊರಟಗೆರೆ ಮತ್ತು ದೊಡ್ಡಬಳ್ಳಾಪುರ ತಾಲ್ಲೂಕಿನ ರೈತರ ಜಮೀನು ಭೂಸ್ವಾಧೀನವಾಗುತ್ತಿದ್ದು, ದೊಡ್ಡಬಳ್ಳಾಪುರ ತಾಲ್ಲೂಕಿನ ರೈತರಿಗೆ ನೀಡುತ್ತಿರುವ ಪ್ರತಿ ಎಕರೆಗೆ 32ಲಕ್ಷ ರೂ.ಗಳ ಪರಿಹಾರ ದರದಂತೆ ಕೊರಟಗೆರೆ ತಾಲ್ಲೂಕಿನ ರೈತರಿಗೂ ದೊರೆಯಬೇಕೆನ್ನುವುದು ನನ್ನ ಆಶಯವಾಗಿದೆ.

ಈ ನಿಟ್ಟಿನಲ್ಲಿ ಸಭೆಯಲ್ಲಿ ವ್ಯಕ್ತವಾಗಿರುವ ಬೇಡಿಕೆ ಬಗ್ಗೆ ಮುಖ್ಯಮಂತ್ರಿಗಳೊಂದಿಗೆ ಚರ್ಚಿಸಿ ಸರ್ಕಾರದ ಮಟ್ಟದಲ್ಲಿ ಸೂಕ್ತ ನಿರ್ಧಾರ ಕೈಗೊಳ್ಳಲಾಗುವುದು. ಯೋಜನೆ ಪೂರ್ಣಗೊಳಿಸಲು ಜನಪ್ರತಿನಿಧಿಗಳು ಹಾಗೂ ಆ ಭಾಗದ ರೈತರು ಸಹಕರಿಸಬೇಕೆಂದು ಮನವಿ ಮಾಡಿದರು.

ತ್ತಿನಹೊಳೆ ಯೋಜನೆಗೆ ಸಂಬಂಧಿಸಿದಂತೆ ಯೋಜನೆಗೆ ಭೂಸ್ವಾಧೀನವಾಗುವ ಜಿಲ್ಲೆಯ ತಿಪಟೂರು, ಚಿಕ್ಕನಾಯಕನಹಳ್ಳಿ ತಾಲ್ಲೂಕು ಸೇರಿದಂತೆ ಇತರೆ ಕಡೆ ರೈತರಿಗೆ ನೋಟೀಸ್ ನೀಡಿರುವುದಿಲ್ಲ.
ನಿಯಮಾನುಸಾರ ರೈತರಿಗೆ ಭೂ-ಪರಿಹಾರ ನೀಡುವುದು ತಡವಾದರೂ ಸಹ ಮೊದಲು ನೋಟೀಸ್ ನೀಡಬೇಕು ಎಂದು ಸಂಬಂಧಿಸಿದ ಅಧಿಕಾರಿಗಳಿಗೆ ಸೂಚನೆ ನೀಡಿದರು.

ಮಾಜಿ ಉಪ ಮುಖ್ಯಮಂತ್ರಿ ಹಾಗೂ ಶಾಸಕ ಡಾ: ಜಿ. ಪರಮೇಶ್ವರ್ ಮಾತನಾಡಿ ಬೈರಗೊಂಡ್ಲು ಜಲಾಶಯವು ದೊಡ್ಡಬಳ್ಳಾಪುರ ಹಾಗೂ ಕೊರಟಗೆರೆ ತಾಲ್ಲೂಕಿನ ಪ್ರದೇಶಗಳಲ್ಲಿ ನಿರ್ಮಾಣವಾಗುತ್ತಿದ್ದು, ಪಕ್ಕದ ತಾಲ್ಲೂಕಿನ ರೈತರಿಗೆ ನೀಡುವ ಪರಿಹಾರ ಧನದ ಪ್ರಮಾಣದಲ್ಲಿಯೇ ನಮ್ಮ ತಾಲ್ಲೂಕಿನ ರೈತರಿಗೂ ಪರಿಹಾರವನ್ನು ಸರ್ಕಾರ ನೀಡಬೇಕು.

ಕಳೆದ ಸರ್ಕಾರದಲ್ಲಿ ಮುಖ್ಯಮಂತ್ರಿಗಳ ಅಧ್ಯಕ್ಷತೆಯಲ್ಲಿ ಸಭೆ ನಡೆಸಿ ಎತ್ತಿನ ಹೊಳೆ ಯೋಜನೆಯನ್ನು ವಿಶೇಷ ಪ್ರಕರಣವೆಂದು ಪರಿಗಣಿಸಿ ಭೂಪರಿಹಾರ ದರವನ್ನು ನಿಗಧಿಪಡಿಸುವ ಬಗ್ಗೆ ಜಿಲ್ಲಾಧಿಕಾರಿಗಳಿಂದ ಸೂಕ್ತ ಪ್ರಸ್ತಾವನೆ ಪಡೆದು ಕ್ಯಾಬಿನೆಟ್‍ನಲ್ಲಿ ಪ್ರಸ್ತಾಪ ಮಾಡಬೇಕೆಂದು ತೀರ್ಮಾನಿಸಲಾಗಿತ್ತು.

ಅದರಂತೆ ಜಲಾಶಯ ನಿರ್ಮಾಣದಿಂದ ಈ ಭಾಗಕ್ಕೆ ನೀರಾವರಿ ಸೌಲಭ್ಯ ದೊರೆಯಲಿದೆ ಎಂದು ಜನಪ್ರತಿನಿಧಿಗಳೆಲ್ಲರು ರೈತರ ಮನವೊಲಿಸಿದ್ದಾಗಿದೆ. ಜಲಾಶಯದ ಕಾಮಗಾರಿಗಾಗಿ ಬೈರಗೊಂಡ್ಲು ಗ್ರಾಮ ಸುತ್ತಮುತ್ತಲಿನ 5 ಹಳ್ಳಿಗಳು ಮುಳುಗಡೆಯಾಗಿ ಸ್ಥಳಾಂತರಗೊಳ್ಳಲಿದೆ.

ಹೆಚ್ಚುವರಿಯಾಗಿ 350 ಕೋಟಿ ರೂ.ಗಳ ಭೂ ಪರಿಹಾರವನ್ನು ನಮ್ಮ ಭಾಗದ ರೈತರಿಗೆ ದೊರೆಯಬೇಕು. ಪ್ರತಿ ಎಕರೆಗೆ 32 ಲಕ್ಷ ರೂ. ಭೂ ಪರಿಹಾರ ಒದಗಿಸುವ ಕುರಿತು ಮುಖ್ಯಮಂತ್ರಿಗಳ ಮನವೊಲಿಸಬೇಕೆಂದು ಅವರು ಸಚಿವರಿಗೆ ಮನವಿ ಮಾಡಿದರು.

ಬೈರಗೊಂಡ್ಲು ಸುತ್ತಮುತ್ತಲಿನ ಗ್ರಾಮಗಳ ರಸ್ತೆ, ಚರಂಡಿ, ಮತ್ತಿತರ ಮೂಲಭೂತ ಸೌಕರ್ಯದ ಕಾಮಗಾರಿಗಳಿಗಾಗಿ 150 ಕೋಟಿ ರೂ.ಗಳ ಮಂಜೂರಾತಿ ನೀಡಲಾಗಿತ್ತು.ಈ ಪೈಕಿ ಮೊದಲನೇ ಹಂತದಲ್ಲಿ 50 ಕೋಟಿ ರೂ. ಬಿಡುಗಡೆ ಮಾಡಿ ಕಾಮಗಾರಿಗಳನ್ನು ಕೈಗೊಳ್ಳಲಾಗಿದೆ.

ಇನ್ನುಳಿದ 100 ಕೋಟಿ ರೂ.ಗಳನ್ನು ತಡೆಹಿಡಿಯದೆ ಬಿಡುಗಡೆ ಮಾಡಿ ಆ ಭಾಗದಲ್ಲಿ ಮೂಲಭೂತ ಸೌಕರ್ಯಗಳ ಅಭಿವೃದ್ಧಿ ಕಾಮಗಾರಿಯನ್ನು ಮುಂದುವರೆಸಬೇಕು. ಕೊರಟಗೆರೆ ತಾಲ್ಲೂಕಿನಲ್ಲಿ ಯೋಜನೆಯ ಕಾಮಗಾರಿಗಳನ್ನು ಕೈಗೊಳ್ಳುವಾಗ ಜನಪ್ರತಿನಿಧಿಗಳ ಗಮನಕ್ಕೆ ತರದೆ ಟೆಂಡರ್‍ದಾರರು ಕಾಮಗಾರಿ ಕೈಗೊಳ್ಳುತ್ತಿದ್ದಾರೆ. ಅವುಗಳ ಆರಂಭದ ಸಂದರ್ಭದಲ್ಲಿ ಸ್ಥಳೀಯ ಜನಪ್ರತಿನಿಧಿಗಳ ಗಮನಕ್ಕೆ ತಂದು ಕಾಮಗಾರಿ ಆರಂಭಿಸಿದರೆ ಸೂಕ್ತ ಎಂದು ಅವರು ತಿಳಿಸಿದರು.

ಲಡಾಖ್ : ಚೀನಾ ಹಾಗು ಭಾರತ ನಡುವೆ ನಡೆದ ಸಂಘರ್ಷದಲ್ಲಿ ಭಾರತದ ಮೂವರು ಯೋಧರನ್ನ ಚೀನಾ ಯೋಧರು ಹತ್ಯೆ ಮಾಡಿದ್ದಾರೆ. ಸಂಘರ್ಷದಲ್ಲಿ ಕರ್ನಲ್  ರಾಂಕ್ ಅಧಿಕಾರಿ ಹಾಗು ಭಾರತೀಯ ಸೇನೆಯ ಇಬ್ಬರು ಸೈನಿಕರು ಹುತಾತ್ಮರಾಗಿದ್ದಾರೆ.

ಲಡಾಖ್‌ನ ಗಾಲ್ವಾನ್ ಕಣಿವೆಯಲ್ಲಿ ಉಭಯ ದೇಶಗಳ ನಡುವೆ ಸಂಘರ್ಷ ಸೃಷ್ಟಿಯಾಗಿತ್ತು. ಈ ವೇಳೆ ಚೀನಾ ಹಾಗು ಭಾರತ ಯೋಧರ ನಡುವೆ ಮಾರಾಮಾರಿಯಾಗಿದ್ದು, ಮೂವರು ಭಾರತೀಯ ಯೋಧರು ಹುತಾತ್ಮರಾಗಿದ್ದಾರೆ. ಚೀನಾದ ಸೇನೆಗೂ ಹಾನಿಯಾಗಿದೆ ಎಂದು ಸೇನಾ ಮೂಲಗಳು ಹೇಳಿವೆ.

ಹೀಗಾಗಿ ಸದ್ಯದ ಉದ್ವಿಘ್ನ ಸ್ಥಿತಿಯನ್ನ ನಿಯಂತ್ರಿಸಲು ಚೀನಾ ಹಾಗು ಭಾರತ ಹಿರಿಯ ಅಧಿಕಾರಿಗಳು ಸ್ಥಳದಲ್ಲೇ ಸಭೆ ನಡೆಸುತ್ತಿದ್ದಾರೆ.

ಭಾರತ–ಚೀನಾ ಗಡಿಯಲ್ಲಿ ಉದ್ವಿಗ್ನಗೊಂಡಿರುವ ಪರಿಸ್ಥಿತಿಯನ್ನು ತಿಳಿಗೊಳಿಸುವ ಸಲುವಾಗಿ ಉಭಯ ದೇಶಗಳ ಮೇಜರ್ ಜನರಲ್ ಮಟ್ಟದ ಮಾತುಕತೆ ಆರಂಭವಾಗಿದೆ.

ಬೆಂಗಳೂರು : ಕೊರೋನಾ ವೈರಸ್ ಗೆ ಎ.ಎಸ್.ಐ ಓರ್ವರು ಬಲಿಯಾಗಿದ್ದಾರೆ.

ಕೊರೊನಾ ವೈರಸ್ ದಿನದಿಂದ‌ ದಿನಕ್ಕೆ ಹೆಚ್ಚಾಗುತ್ತಿದೆ.  ಸಾವಿನ ಸಂಖ್ಯೆ ಸಹ ಗಣನೀಯವಾಗಿ ಏರುತ್ತಿದೆ.    ಬೆಂಗಳೂರಿನಲ್ಲಿ 33 ಮಂದಿ ಕೊರೋನಾ ಗೆ ಬಲಿಯಾಗಿದ್ದಾರೆ. ಪೊಲೀಸ್ ಅಧಿಕಾರಿಯೊಬ್ಬರು ಕೊರೊನಾ ಸೋಂಕಿನಿಂದ ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 34 ಕ್ಕೆ ಏರಿಕೆಯಾಗಿದೆ.

ಮಧುಮೇಹ ಸಮಸ್ಯೆಯಿಂದ ಬಳಲುತ್ತಿದ್ದ ವಿ.ವಿ ಪುರಂ ಸಂಚಾರಿ ಪೊಲೀಸ್ ಎ.ಎಸ್.ಐ ಜೂನ್ 13 ರಂದು ಮನೆಯಲ್ಲಿ ನಿಧನರಾಗಿದ್ದರು. ಅವರ ಗಂಟಲು ದ್ರವ ಪ್ರಯೋಗಾಲಯಕ್ಕೆ ಕಳುಹಿಸಿಕೊಡಲಾಗಿತ್ತು. ಇಂದು ವರದಿಯಲ್ಲಿ ಕೊರೊನಾ ಸೋಂಕು ಇದ್ದ ಬಗ್ಗೆ ಖಚಿತವಾಗಿದೆ.

ಪಾವಗಡ : ಕೊರೊನಾ ಅನ್ನುವ ಪೆಡಂಭೂತ ನಮ್ಮ ರಾಜ್ಯದ್ದಲ್ಲಿ ಹರಡಿದ್ದಲ್ಲ ಅದು ಅನ್ಯ ರಾಷ್ಟ್ರ , ರಾಜ್ಯಗಳಿಂದ ಹರಡಿರೋ ವೈರಸ್ ಅದನ್ನು ಓಡಿಸುವ ಮನಸ್ಥೈರ್ಯ ವೃದ್ದಿಸಿಕೊಳ್ಳಿ ಎಂದು ಶಾಸಕ ವೆಂಕಟರವಣಪ್ಪ ತಿಳಿಸಿದರು.

ಪಟ್ಟಣದ ಎಸ್.ಎಸ್ ಕೆ ರಂಗ ಮಂದಿರದಲ್ಲಿ ಎಚ್.ವಿ ವೆಂಕಟೇಶ್ ಅಭಿಮಾನಿ ಬಳಗ ಆಯೋಜಿಸಿದ್ದ  ಸನ್ಮಾನ ಸಮಾರಂಭವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಜನತೆ ಕೊರೋನಾ ಬಗ್ಗೆ ಹೆದರುವ ಅವಶ್ಯವಿಲ್ಲ ಧೈರ್ಯವಾಗಿ ಎದುರಿಸುವ ಮನಶಕ್ತಿ ವೃದ್ದಿಸಿಕೊಳ್ಳಬೇಕು ಆಶಾ, ಅಂಗನವಾಡಿ ಕಾರ್ಯಕರ್ತೆಯರು ಗ್ರಾಮೀಣ ಭಾಗದಲ್ಲಿ ರೋಗದ ಬಗ್ಗೆ ಜಾಗೃತಿ ಮೂಡಿಸುವಲ್ಲಿ ಶ್ರಮಿಸಿದ್ದಾರೆ ಎಮದರು.

ಆರೋಗ್ಯ ಇಲಾಖೆ, ಕಂದಾಯ,  ಪೊಲೀಸ್ ಇಲಾಖೆ ಗಳ ಸಿಬ್ಬಂದಿ ಹಗಲಿರುಳು ಕೊರೋನಾ ನಿಯಂತ್ರಿಸಲು ಶ್ರಮಿಸಿದ್ದಾರೆ. ಅವರ  ಸೇವಾ ಕಾರ್ಯ ಶ್ಲಾಘನೀಯ ಎಂದರು.

ಜಿಲ್ಲಾ ಪಂಚಾಯಿತಿ ಸದಸ್ಯ ಎಚ್. ವಿ .ವೆಂಕಟೇಶ್ ಮಾತನಾಡಿ,  ಕೊರೊನಾ  ಹಿನ್ನೆಲೆ ಮೂರು ತಿಂಗಳಿಂದ ಹಗಲು ರಾತ್ರಿಯೆನ್ನದೆ ಶ್ರಮಿಸಿದ ಎಲ್ಲಾ ಇಲಾಖೆಗಳ ಸಿಬ್ಬಂದಿಗಳನ್ನು ಅಭಿನಂದಿಸುವುದು ಎಲ್ಲರ ಕರ್ತವ್ಯ ಎಂದರು.

ಜಿಲ್ಲಾ ಪಂಚಾಯಿತಿ ಸದಸ್ಯ ಎಚ್.ವಿ ವೆಂಕಟೇಶ್ ಅವರ ಜನ್ಮ ದಿನದ ಪ್ರಯುಕ್ತ ಆಯೋಜಿಸಿದ್ದ  ರಕ್ತದಾನ ಶಿಬಿರದಲ್ಲಿ ನೂರಾರು ಮಂದಿ ಅಭಿಮಾನಿಗಳು  ರಕ್ತ ದಾನ ಮಾಡಿದರು.

ಮುಖಂಡ ಟಿ. ನರಸಿಂಹಯ್ಯ, ಮಾಜಿ ಶಾಸಕ ಸೋಮ್ಲನಾಯ್ಕ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಸುದೇಶ್ ಬಾಬು, ಸರ್ಕಲ್ ಇನ್ಸ್ಪೆಕ್ಟರ್ ನಾಗರಾಜು. ಆರೋಗ್ಯಾಧಿಕಾರಿ ತಿರುಪತಯ್ಯ , ಮುಖಂಡರಾದ ಶಂಕರ್ ರೆಡ್ಡಿ, ಪುರಸಭಾ ಸದಸ್ಯರಾದ ರಾಜೇಶ್, ಬಾಲ ಸುಬ್ರಮಣ್ಯಂ, ವೇಲು, ರವಿ, ಶಾ ಬಾಬು ಉಪಸ್ಥಿತರಿದ್ದರು.

ತುಮಕೂರು: ಹಾಸ್ಟೆಲ್ ನಲ್ಲಿ ಅಡುಗೆ ಅನಿಲ ಸಿಡಿದು ನಾಲ್ವರಿಗೆ ಗಂಭೀರ ಗಾಯಗಳಾಗಿರುವ ಘಟನೆ ತುಮಕೂರು ಹೊರ ವಲಯದ ಸಿದ್ದಾರ್ಥ ಮೆಡಿಕಲ್ ಕಾಲೇಜು ಹಿಂಭಾಗ ನಡೆದಿದೆ.

ಗಾಯಗೊಂಡ ನಾಲ್ವರಿಗೆ ತುಮಕೂರಿನ ಜಿಲ್ಲಾಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಸಾಗಿಸಲಾಗಿದೆ.