Publicstory. in

ತುಮಕೂರು: ಜ.9ರಂದು ಮೂಡಲಪಾಯ ಯಕ್ಷಗಾನ ಪರಂಪರೆ-ಸಮಾವೇಶ ಕನ್ನಡ ಭವನದಲ್ಲಿ ಜನವರಿ 9ರಂದು ಬೆಳಿಗ್ಗೆ 10.30 ಗಂಟೆಗೆ ನಡೆಯಲಿದ್ದು, ಕಾನೂನು ಸಚಿವ ಜೆ.ಸಿ.ಮಾಧುಸ್ವಾಮಿ ಉದ್ಘಾಟಿಸಲಿದ್ದಾರೆ.

ಬೆಂಗಳೂರಿನ ಕರ್ನಾಟಕ ಜಾನಪದ ಪರಿಷತ್ ಅಧ್ಯಕ್ಷ ಟಿ. ತಿಮ್ಮೇಗೌಡ ಅಧ್ಯಕ್ಷತೆ ವಹಿಸಲಿದ್ದಾರೆ. ಕರ್ನಾಟಕ ಯಕ್ಷಗಾನ ಅಕಾಡೆಮಿ ಅಧ್ಯಕ್ಷ ಪ್ರೊ.ಎಂ.ಎ.ಹೆಗಡೆ, ಮಂಡ್ಯ ಕರ್ನಾಟಕ ಸಂಘ ಅಧ್ಯಕ್ಷ ಪ್ರೊ. ಬಿ. ಜಯಪ್ರಕಾಶ್, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷೆ ಬಾ.ಹ.ರಮಾಕುಮಾರಿ ಸೇರಿದಂತೆ ಮತ್ತಿತರರು ಭಾಗವಹಿಸಲಿದ್ದಾರೆ.

ಕಾರ್ಯಕ್ರಮದಲ್ಲಿ ಮಧ್ಯಾಹ್ನ 12.30 ಗಂಟೆಗೆ ಮೂಡಲಪಾಯ ಯಕ್ಷಗಾನದ ಪುನರ್ ಚೇತನದ ಸಾಧ್ಯತೆಗಳ ಬಗ್ಗೆ ಹಿರಿಯ ಜಾನಪದ ವಿದ್ವಾಂಸ ಡಾ. ಚಂದ್ರು ಕಾಳೇನಹಳ್ಳಿ ಹಾಗೂ ಮೂಡಲಪಾಯ ಯಕ್ಷಗಾನದ ಪ್ರಾದೇಶಿಕತೆಯ ಅನನ್ಯತೆ ಕುರಿತು ಡಾ. ಚಿಕ್ಕಣ್ಣ ಯಣ್ಣೆಕಟ್ಟೆ ಅವರು ವಿಷಯ ಮಂಡನೆ ಮಾಡಲಿದ್ದಾರೆ.

ನಂತರ ಮಧ್ಯಾಹ್ನ 2.30 ಗಂಟೆಗೆ ಈಡಿಗರ ದಾಸರಹಳ್ಳಿ ಭಾ. ರಮಾನಂದ ತಂಡದವರಿಂದ ಮೂಡಲಪಾಯ ಯಕ್ಷಗಾನ “ಇಂದ್ರಜಿತ್ ಕಾಳಗ” ಪ್ರದರ್ಶನ ನಡೆಯಲಿದೆ.

ಸಂಜೆ 4 ಗಂಟೆಗೆ ನಡೆಯುವ ಸಮಾರೋಪ ಸಮಾರಂಭದಲ್ಲಿ ಕರ್ನಾಟಕ ಯಕ್ಷಗಾನ ಅಕಾಡೆಮಿ ಅಧ್ಯಕ್ಷ ಪ್ರೊ. ಎಂ.ಎ. ಹೆಗಡೆ ಕಾರ್ಯಕ್ರಮದ ಅಧ್ಯಕ್ಷತೆವಹಿಸಿ ಪುಸ್ತಕ(ಅರಳಗುಪ್ಪೆ ಕಲ್ಮನೆ ಎ.ಎಸ್. ನಂಜಪ್ಪ ಅವರ “ ಮೂಡಲಪಾಯ ಯಕ್ಷಗಾನ ಭಾಗವತಿಕೆಯ ಪ್ರವೇಶಿಕೆ”) ಬಿಡುಗಡೆ ಮಾಡಲಿದ್ದಾರೆ.

ಲಕ್ಷ್ಮೀಕಾಂತರಾಜು ಎಂಜಿ

ಚೇಳೂರು: ಅದೊಂದು ಸುಂದರ‌ ಗುಡ್ಡ ಇರುವ ಪ್ರದೇಶ. ಗುಡ್ಡವೇರಿ ವೀಕ್ಷೀಸಿದರೆ ಎಳೆಂಟು ಕಿಮೀ ವ್ಯಾಸದ ಪ್ರಕೃತಿ ಕಣ್ಮನ ಸೆಳೆಯುತ್ತದೆ. ಇಂಥಹ ಸುಂದರ ತಾಣದಲ್ಲಿ ಶ್ರೀರಂಗನಾಥ ಸ್ವಾಮಿ ನೆಲೆಸಿ ಗುಡ್ಡದ ಶ್ರೀ ರಂಗನಾಥಸ್ವಾಮಿಯು ಅನಾದಿ‌ ಕಾಲದಿಂದಲೂ ಇಲ್ಲಿ ನೆಲೆಸಿದ್ದಾನೆ.

ಹೌದು. ಗುಬ್ಬಿ ತಾಲ್ಲೂಕು ಚೇಳೂರು ಹೋಬಳಿಯ ಹೂವಿನಕಟ್ಟೆಯಲ್ಲಿರುವ ಗುಡ್ಡದ ಮೇಲೆ ಶ್ರೀ ಗುಡ್ಡದ ರಂಗನಾಥಸ್ವಾಮಿ ನೆಲೆಸಿ ಅಪಾರ ಸಂಖ್ಯೆಯ ಭಕ್ತ ಸಮೂಹವೊಂದಿ ಈ ಭಾಗದ ಪ್ರಮುಖ ದೈವ ಕೇಂದ್ರವಾಗಿದೆ.

ದೂರದಿಂದ ಕಾಣುವ ಶಾಲಾ ಸಮುಚ್ಛಯ

ಈ ದೇವಸ್ಥಾನಕ್ಕೆ ಸ್ಥಳೀಯ ಭಕ್ತರನ್ನ ಹೊರತು ಪಡಿಸಿಯೂ ದೂರದ ಬೆಂಗಳೂರು ಸೇರಿದಂತೆ ಎಲ್ಲ ಕಡೆಯೂ ಭಕ್ತ ವರ್ಗವಿದ್ದು ಪ್ರತಿ ಶನಿವಾರ ಇಲ್ಲಿ‌ ಪ್ರಮುಖ ಪೂಜೆಯಿದ್ದು ಸಾಕಷ್ಟು ಸಂಖ್ಯೆಯಲ್ಲಿ ದೇವರ ಪೂಜೆಯಲ್ಲಿ ಪಾಲ್ಗೊಳ್ಳುತ್ತಾರೆ

ಭಕ್ತರು ತಮ್ಮ ಬೇಡಿಕೆಗಳನ್ನ ಈಡೇರಿಸಿದ ಮೇಲೆ ಈ ಗುಡ್ಡದ ರಂಗನಾಥಸ್ವಾಮಿಯವರಿಗೆ ಹರಿಕೆ ರೂಪದಲ್ಲಿ ಕಾಣಿಕೆ ಹಾಗೂ ಇಲ್ಲಿ ಬಂದು ಸಾರ್ವಜನಿಕರಿಗೆ ಊಟದ ವ್ಯವಸ್ಥೆಯನ್ನೂ ಮಾಡುತ್ತಾರೆ.

ಈ‌ ದೇವಾಲಯವು ಮುಜರಾಯಿ ಇಲಾಖೆಗೆ ಒಳಪಟ್ಟಿದ್ದು ಇಲಾಖೆ ಹಾಗೂ ಭಕ್ತರ ನೆರವಿನಿಂದ ದೇವಸ್ಥಾನವು ನಿರೀಕ್ಷೆಗಿಂತ ಹೆಚ್ಚು ಅಭಿವೃದ್ಧಿಯಾಗಿದೆ

ರಂಗನಾಥಸ್ವಾಮಿಯ ಕೇಂದ್ರವೀಗ ಶಿಕ್ಷಣ ಕೇಂದ್ರವೂ ಹೌದು

ನೋಡಲು ಚೆಂದ ಈ ಕ್ಯಾಪಸ್

ಸುಂದರ ಬೆಟ್ಟದಲ್ಲಿ‌ ಗುಡ್ಡದ ರಂಗನಾಥಸ್ವಾಮಿ ನೆಲೆಸಿರುವ ಜೊತೆಗೆ ಇಲ್ಲಿ ಈಗ ಶಿಕ್ಷಣ ಕೇಂದ್ರವಾಗಿ ಮಾರ್ಪಟ್ಟಿದೆ. ಈ ಬೆಟ್ಟದ ತಪ್ಪಲಿನಲ್ಲಿ ಮೊರಾರ್ಜಿ‌‌‌ದೇಸಾಯಿ ವಸತಿ ಶಾಲೆಯು ಕಳೆದ ಹತ್ತು ವರ್ಷಗಳ ಹಿಂದೆ ಆರಂಭವಾಗಿ ಈ ಶಾಲೆಯಲ್ಲಿ‌ ಸ್ಥಳೀಯ ಹಾಗೂ ಹೊರಗಿನ ವಿದ್ಯಾರ್ಥಿಗಳು ಇಲ್ಲಿ ಅಧ್ಯಯನ‌ ಮಾಡುತ್ತಿರುವದರಿಂದ ಇದೊಂದು ಕ್ಯಾಪಂಸ್ ಮಾದರಿಯಾಗಿ ಮಾರ್ಪಟ್ಟಿದೆ.

ಇದೇ ಬೆಟ್ಟದ ಮತ್ತೊಂದು ಭಾಗದ ತಪ್ಪಲಿನಲ್ಲಿ‌ ಕಿತ್ತೂರು ಚೆನ್ನಮ್ಮ‌ವಸತಿ ಶಾಲೆಯು ಆರಂಭವಾಗಲು ಕ್ಷಣಗಣನೆ ಆರಂಭವಾಗಿದೆ.‌ಕಟ್ಟಡದ ಕಾಮಗಾರಿ‌ ಅಂತಿಮ ಹಂತಕ್ಕೆ ಬಂದಿದ್ದು ಬಹುಶಃ ಮುಂದಿನ ಶೈಕ್ಷಣಿಕ‌ ವರ್ಷದಿಂದ ಆರಂಭವಾಗುವ ಲಕ್ಷಣಗಳಿವೆ.

ಗುಬ್ಬಿ ತಾಲ್ಲೂಕಿನ ಒಂದೇ ಗ್ರಾಮಕ್ಕೆ ಎರೆಡು ವಸತಿ ಶಾಲೆಗಳು ಮಂಜೂರಾಗಿ ಗುಡ್ಡದ ರಂಗನಾಥಸ್ವಾಮಿ‌‌ ನೆಲೆಸಿದ ಬೆಟ್ಟದ ತಪ್ಪಲಿನಲ್ಲಿ ನಡೆಯುತ್ತಿದ್ದು ಈ ದೇವಸ್ಥಾನವೀಗ ಕೇವಲ‌ ಧಾರ್ಮಿಕ ಕೇಂದ್ರವಾಗಿರದೇ ಶೈಕ್ಷಣಿಕ ಕೇಂದ್ರವಾಗಿ‌ ಮಾರ್ಪಟ್ಟಿರುವುದು ವಿಶೇಷವಾಗಿದೆ.

ನಮ್ಮೂರಿನ‌ ರಂಗನಾಥ ಸ್ವಾಮಿ ಗುಡ್ಡದ ಮೇಲೆ ಉದ್ಬವವಾಗಿರುವುದಕ್ಕೆ ಅನೇಕ ದಂತ ಕತೆಗಳಿವೆ. ಅಪಾರ ಮಹಿಮೆ ಹೊಂದಿರುವ ರಂಗನಾಥಸ್ವಾಮಿಯು ಸಕಲ ಭಕ್ತರ ಹಿತ ಕಾಯುತ್ತಾನೆ. ಇದರ ನಡುವೆ ಇದೇ ಕೇಂದ್ರದಲ್ಲಿ ವಸತಿ‌ ಶಾಲೆಗಳು ಆರಂಭವಾಗಿ ಇದೊಂದು ಶೈಕ್ಷಣಿಕ‌ ಕೇಂದ್ರವೂ ಆಗಿದೆ

ಗರಿಕಡ್ಡಿ ಶಿವಣ್ಣ
ಮಾಜಿ ತಾಪಂ ಅಧ್ಯಕ್ಷರು. ಹೂವಿನಕಟ್ಟೆ

ಹೂವಿನಕಟ್ಟೆ ಎಂದರೀಗ…

ನಮ್ಮೂರಿನಲ್ಲಿ ಎರಡು ವಸತಿ‌ ಶಾಲೆಗಳಿದ್ದು ಅಲ್ಲಿ ಹೊರ ತಾಲ್ಲೂಕು ಹಾಗೂ ಜಿಲ್ಲೆಗಳ ವಿದ್ಯಾರ್ಥಿಗಳು ಬಂದು ಇಲ್ಲಿ ಅಧ್ಯಯನ ಮಾಡುತ್ತಿರುವುದರಿಂದ ನಮ್ಮ‌ಹೂವಿನಕಟ್ಟೆಯು ಇಂದು ಶಾಲೆಗಳಿಂದ ಗುರುತಿಸಿಕೊಳ್ಳುವಂತಾಗಿದೆ.

ರಂಗನಾಥ್,ವಿಎಸ್ ಎಸ್ ಎನ್ ಕಾರ್ಯದರ್ಶಿ. ಹೂವಿನಕಟ್ಟೆ.

ತುಮಕೂರು ಜಿಲ್ಲೆಯ ಪಾವಗಡ ತಾಲ್ಲೂಕಿನ ಬಹುತೇಕ ವಿಷ್ಣು ದೇಗುಲಗಳಲ್ಲಿ ವೈಕುಂಠ ಏಕಾದಶಿ ಪ್ರಯುಕ್ತ ವಿಶೇಷ ಪೂಜೆ, ಹೋಮ ಹವನಾಧಿಗಳನ್ನು ಏರ್ಪಡಿಸಲಾಗಿತ್ತು.

ಪಟ್ಟಣದ ಸಂತಾನ ವೆಣುಗೋಪಾಲಸ್ವಾಮಿ ದೇಗುಲವನ್ನು ವಿವಿಧ ಬಗೆಯ ಹೂವುಗಳಿಂದ ಅಲಂಕರಿಸಲಾಗಿತ್ತು. ಬೆಳಿಗ್ಗೆ ಅಭಿಷೇಕಾದಿ ಪೂಜೆ ನಂತರ ವೈಕುಂಠ ಧ್ವಾರದಲ್ಲಿ ಉತ್ಸವ ಮೂರ್ತಿಗಳನ್ನಿಟ್ಟು ಪೂಜೆ ಸಲ್ಲಿಸಲಾಯಿತು.

ಭಕ್ತಾದಿಗಳಿಗೆ ವೈಕುಂಠ ಧ್ವಾರದ ಮೂಲಕ ಹಾದು ಹೋಗಲು ಅನುವು ಮಾಡಿಕೊಡಲಾಯಿತು. ತಾಲ್ಲೂಕು ಬ್ರಾಹ್ಮಣ ಸಭಾ ವತಿಯಿಂದ ವೈಕುಂಠ ಏಕಾದಶಿ ಪ್ರಯುಕ್ತ  ಭಕ್ತಾದಿಗಳಿಗೆ ಲಾಡು ಪ್ರಸಾದದ ವ್ಯವಸ್ಥೆ ಮಾಡಲಾಗಿತ್ತು. ಪದಾಧಿಕಾರಿಗಳಾದ ಎಂ.ಎಸ್.ವಿಶ್ವನಾಥ್, ಪಿ.ಎಸ್.ಅನಿಲ್ ಕುಮಾರ್ ಇತರರು ಪೂಜೆಯ ಸಂಪೂರ್ಣ ಜವಬ್ಧಾರಿ ನೋಡಿಕೊಂಡರು.

ಕಿರು ತಿರುಪತಿ ಎಂದು  ಜನಪ್ರಿಯತೆ ಗಳಿಸಿರುವ  ಕೃಷ್ಣಾಪುರದ ಪರಿವಾರ ರಾಮ ದೇವರು, ಲಕ್ಷ್ಮಿ, ವೆಂಕಟೇಶ್ವರ ಸ್ವಾಮಿ ದೇಗುಲದಲ್ಲಿ ಬೆಳಿಗ್ಗೆಯಿಂದಲೇ ಸಾವಿರಾರು ಭಕ್ತಾದಿಗಳು ದರ್ಶನಕ್ಕಾಗಿ ಸರದಿಯಲ್ಲಿ ನಿಂತಿದ್ದರು.  ವೈಕುಂಠ ಧ್ವಾರದಿಂದ ಹಾದು ಬರಲು ಭಕ್ತ ಸಾಗರವೇ ನೆರೆದಿತ್ತು.

ಶ್ರೀದೇವಿ, ಭೂದೇವಿ ಸಮೇತ ವೆಂಕಟೇಶ್ವರ ಸ್ವಾಮಿಗೆ ವಿಧಿ ಪುರಸ್ಸರವಾಗಿ ದೇಗುಲದ ಪ್ರಾಂಗಣದಲ್ಲಿ ಕಲ್ಯಾಣೋತ್ಸವ ನಡೆಸಲಾಯಿತು. ಕಲ್ಯಾಣೋತ್ಸವದಲ್ಲಿ ಭಾಗವಹಿಸಿದ ಭಕ್ತರು ಯಾವಶಕ್ತಿಯಂತೆ ವಧೂ, ವರರಿಗೆ ಕೊಡುಗೆಗಳನ್ನು ಕೊಟ್ಟರು.

ಪಟ್ಟಣದ ಭಜಂತ್ರಿ ಬೀದಿಯ ವೆಂಕಟೇಶ್ವರ ದೇಗುಲದಲ್ಲಿಯೂ ವೈಕುಂಠ ಏಕಾದಶಿ ಆಚರಣೆ ನಡೆಸಲಾಯಿತು.