ಏಕಾದಶಿ ಆಚರಣೆಗೆ ಕಾರಣವೆನೆಂಬ ಪುರಾಣ ಕಥೆ ಇದು ಓದಿ ತಿಳಿದುಕೊಳ್ಳಿ…

ಮುರ ರಾಕ್ಷಸ:
“ಮುರ” ಹೆಸರಿನ ರಾಕ್ಷಸನು ಧೇವತೆಗಳಿಗೆ ತೊಂದರೆ ಕೊಡುತ್ತಿರುತ್ತಾನೆ.

ಆಗ ದೇವತೆಗಳು ವಿಷ್ಣುವಿಗೆ ಮುರ ರಾಕ್ಷಸನು ಕೊಡುತ್ತಿರುವ
ತೊಂದರೆಯನ್ನು ತಿಳಿಸಿ ವಿಷ್ಣುವಿನ ಸಹಾಯವನ್ನು ಬೇಡುತ್ತಾರೆ.

ಆಗ
ಶ್ರೀ ವಿಷ್ಣು ದೇವತೆಗಳಿಗೆ ನೀವೆಲ್ಲರು ಒಟ್ಟಾಗಿ ರಾಕ್ಷಸನ ಸಂಗಡ ಯುಧ್ಧ
ಮಾಡಿ, ನಾನು ನಿಮಗೆ ಸಹಾಯ ಮಾಡುತ್ತೇನೆ ಏಂದು ಹೇಳುತ್ತಾರೆ.

ಆಗ
ದೇವತೆಗಳು ಒಟ್ಟಾಗಿ ವಿಷ್ಣುವಿನ ಸಹಾಯದೊಂದಿಗೆ ಮುರ ನೊಡನೆ
ಯುಧ್ಧ ಮಾಡುತ್ತಾರೆ. ಆದರೆ ಮುರನು ದೇವತೆಗಳನ್ನು ಸೋಲಿಸಿ
ವಿಷ್ಣುವಿನೊಡನೆ ಒಂದು ಸಾವಿರ ವರ್ಷ ಘೋರ ಯುಧ್ಧ ಮಾಡುತ್ತಾನೆ.

ಈ ಘೋರ ಯುಧ್ಧದ ಪರಿಣಾಮವಾಗಿ ವಿಷ್ಣುವಿಗೆ ಆಯಾಸ
ವಾಗುತ್ತದೆ.

ಆಗ ಶ್ರೀ ವಿಷ್ಣು ವಿಶ್ರಾಂತಿಗಾಗಿ ಹಿಮಾಲಯ
ಪರ್ವತದ ಬದರಿಕಾಶ್ರಮದಲ್ಲಿರುವ ಹಿಮವತಿ ಹೆಸರಿನ ಒಂದು
ಗುಹೆಯಲ್ಲಿ ಮಲಗುತ್ತಾರೆ. ಇದನ್ನು ತಿಳಿದ ಮುರನು ಅಲ್ಲಿಗೆ ಬಂದು
ವಿಷ್ಣು ಮಲಗಿರುವದನ್ನು ನೋಡಿ ವಿಷ್ಣುವನ್ನು ಕೊಲ್ಲಲು ಇದೇ
ಸರಿಯಾದ ಸಮಯವೆoದು ಯೋಚನೆ ಮಡುತ್ತಾನೆ.

ಆಗ ಶ್ರೀ
ವಿಷ್ಣುವಿನ ದೇಹದಿಂದ ಒಂದು ಹೆಣ್ಣು ಶಕ್ತಿ ಹೊರ ಬರುತ್ತದೆ. ಆ ಹೆಣ್ಣು ರೂಪ ಮುರ ನೊಡನೆ
ಯುದ್ದಮಾಡಿ ಮುರನನ್ನು ಸೋಲಿಸುತ್ತದೆ.

ಶ್ರೀ ವಿಷ್ಣು ನಿದ್ದೆ ಇಂದ ಎದ್ದು ಎದುರಿಗೆ ನಿಂತಿರುವ ಹೆಣ್ಣು ರೂಪ ಮುರನನ್ನು ಕೊಂದಿರುವುದನ್ನ ನೋಡಿ ಸಂತೋಷದಿಂದ, ನೀನು ಬಹಳ ಉತ್ತಮವಾದ ಕೆಲಸವನ್ನು ಮಾಡಿರುವೆ ,ನನಗೆ ಬಹಳ ಸಂತೋಷ ವಾಗಿದೆ. ನೀನು ಒಂದು ವರವನ್ನು ಕೇಳು ಏನ್ನುತ್ತಾರೆ.

ಆಗ ಆ ಹೆಣ್ಣು ಈ ದಿನ ಯಾರು
ಉಪವಾಸ ಮಾಡುತ್ತಾರೊ ಅವರ ಪಾಪಗಳನ್ನು ಮನ್ನಿಸಿ ಅವರಿಗೆ
ಸದ್ಗತಿಯನ್ನು ಕರುಣಿಸ ಬೇಕೆಂದು ಬೇಡುತ್ತಾಳೆ.

ಆಗ ಶ್ರೀ
ವಿಷ್ಣು ಸಂತೋಷದಿಂದ ಈ ರೀತಿ ಹೇಳುತ್ತಾರೆ. ನೀನು
ಅವಿರ್ಭವಿಸುರುವುದು ಈ ಪಕ್ಷದ ಹನ್ನೊಂದನೇ ದಿನ. ಆದ್ದರಿಂದ
ನಿನಗೆ ‘ಏಕಾದಶ್ಯಂ’ ಎಂದು ಹೆಸರು ಇಡುತ್ತೇನೆ.

ಇನ್ನು ಮುಂದೆ ಯಾರು
ಪಕ್ಷದ ಹನ್ನೊಂದನೇ ದಿವಸ ಉಪವಾಸ ಮಾಡುತ್ತಾರೊ ಅವರ
ಪಾಪಗಳನ್ನು ಮನ್ನಿಸಿ ಸದ್ಗತಿ ಯನ್ನು ಕರುಣಿಸುತ್ತೇನೆ ಎಂದು
ಹೇಳುತ್ತಾರೆ.

ಅಂದಿನಿಂದ ಏಕಾದಶಿಯ ದಿನ ಉಪವಾಸದ ಆಚರಣೆ
ಪ್ರಾರಂಭ ವಾಯಿತು.”

ಸುದಿನಮಸ್ತು ಧನ್ಯವಾದಗಳು