ತುರುವೇಕೆರೆ: ತಾಲ್ಲೂಕಿನ ಜನಸಾಮಾನ್ಯರ, ಬಡವರ, ಅಸಹಾಯಕರ ಹಿತ ದೃಷ್ಟಿಯಿಂದ 11 ಲಕ್ಷ ರೂಪಾಯಿಗಳ ವೆಚ್ಚದ ಕೋವಿಡ್ ಜೀವರಕ್ಷಕ ಔಷಧಿಗಳನ್ನು ಸ್ವಂತ ಹಣದಲ್ಲಿ ಔಷಧಿ ಕಂಪನಿಗಳಿಂದ ಖರೀದಿಸಿ ಪಟ್ಟಣದ ಸಾರ್ವಜನಿಕ ಆಸ್ಪತ್ರೆಗೆ ನೀಡಲಾಗುತ್ತಿದೆ ಎಂದು ಶಾಸಕ ಮಸಾಲ ಜಯರಾಂ ಹೇಳಿದರು.
ಪಟ್ಟಣದ ಸಾರ್ವಜನಿಕ ಆಸ್ಪತ್ರೆ ಆವರಣದಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಕೋವಿಡ್ ಜೀವರಕ್ಷಕ ಔಷಧಿಗಳ ಉಚಿತ ವಿತರಣಾ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಎರಡು ಸಾವಿರ ಪಿಪಿಇಕಿಟ್ ಕವರ್ಗಳು, 5 ಸಾವಿರ ಜಿನ್ ಮಾತ್ರೆ, ಐದು ಸಾವಿರ ಮಿಟಮಿನ್ ಮಾತ್ರೆ, 4 ಸಾವಿರ ಮಾಸ್, ಸ್ಯಾನಿಟೈಸರ್, ಬೆಡಶೀಟ್, ಎರಡುವರೆ ಸಾವಿರ ಕೈಗವಸ, ಶೂಕವರ್, 2 ಸಾವಿರ ಹೆಡ್ ಕ್ಯಾಪ್, ಇಜೆಕ್ಷನ್, ಮೂರು ವಿದಧ ಮಾತ್ರೆಗಳು ಹಾಗು ಇನ್ನಿತರ ವಸ್ತುಗಳನ್ನು ನೀಡಲಾಯಿತು.
ತಾಲ್ಲೂಕಿನ ಕೋವಿಡ್ ರೋಗಿಗಳಿಗೆ ಔಷಧಿ, ಇಂಜೆಕ್ಷನ್ ಹಾಗು ಇತರೆ ಸೌಲಭ್ಯಗಳಿಲ್ಲವೆಂಬ ಕೊರಗು ಇರಬಾರದು. ಇಲ್ಲಿನ ಆಸ್ಪತ್ರೆಯ ವೈದ್ಯಾಧಿಕಾರಿಗಳು ಇನ್ನು ಏನೇನು ಜೀವರಕ್ಷಕ ಸೌಕರ್ಯಗಳು ಬೇಕು ಎಂಬುದರ ಬಗ್ಗೆ ನನ್ನ ಗಮನಕ್ಕೆ ತನ್ನಿ ಮತ್ತಷ್ಟು ಕೊಡಿಸುವುದಾಗಿ ಭರವಸೆ ನೀಡಿದರು.
ಕೋವಿಡ್ ರೋಗ ಲಕ್ಷಣ ಬಂದ ತಕ್ಷಣ ಕೂಡಲೇ ಮನೆಯಲ್ಲಿಯೇ ಉಳಿಯದೇ ಆಸ್ಪತ್ರೆಗೆ ದಾಖಲಾಗಿ. ಅನಾವಶ್ಯಕವಾಗಿ ಓಡಾಡಬೇಡಿ ನಿಮ್ಮೊಂದಿಗೆ ನಾನಿದ್ದೇನೆ. ಔಷಧಿಗಳಿಗೆ ಎಷ್ಟೇ ಖಚರ್ಾದರೂ ಪರವಾಗಿಲ್ಲ ನಾನು ನನ್ನ ಸ್ವಂತ ಹಣದಿಂದ ಕೊಡಲು ಸಿದ್ದನಿದ್ದನೆ. ನನಗೆ ತಾಲ್ಲೂಕಿನ ಜನತೆಯ ಆರೋಗ್ಯ, ಜೀವ ಮುಖ್ಯವೆಂದು ಕಳಕಳಿಯ ಮನವಿ ಮಾಡಿದರು.
ಹೀಗಾಗಲೇ ತಾಲ್ಲೂಕಿನ ನೂರಾರು ಜನರಿಗೆ ಬೆಂಗಳೂರು, ತುಮಕೂರು, ಮೈಸೂರು ಇನ್ನಿತರ ಕಡೆಗಳಲ್ಲಿ ಬೇಡ್ ಮತ್ತು ಆಮ್ಲಜನಕದ ವ್ಯವಸ್ಥೆ ಮಾಡಿಸಿದ್ದೇನೆ. ಆಸ್ಪತ್ರೆಯ ವೈದ್ಯರು, ಸಿಬ್ಬಂದಿಗಳು ಕೋವಿಡ್ ನಿಯಂತ್ರಣಕ್ಕೆ ತಮ್ಮ ಶಕ್ತಿ ಮೀರಿ ಪ್ರಯತ್ನ ನಡೆಸುತ್ತಿದ್ದಾರೆ. ಅವರೊಂದಿಗೆ ರೋಗಿಗಳು ಸೌಜನ್ಯತೆಯಿಂದ ನಡೆದುಕೊಂಡು ತಮ್ಮ ಆರೋಗ್ಯ ಕಾಪಾಡಿಕೊಳ್ಳಿ.
ತಾಲ್ಲೂಕಿನ ಮುಸ್ಲಿಂಭಾಂದವರು ಕೋವಿಡ್ ಸೋಂಕಿನಿಂದ ಸಾವನ್ನಪ್ಪಿದವರನ್ನು ಯಾವುದೇ ಜಾತಿ, ಮತ, ಧರ್ಮಗಳ ಬೇಧವೆಣಿಸದೆ ನಿಸ್ವಾರ್ಥ ಸೇವಾ ಮನೋಭಾವನೆಯಿಂದ, ತಮ್ಮ ಪ್ರಾಣದ ಹಂಗು ತೊರೆದು ಶವ ಸಂಸ್ಕಾರ ಮಾಡುತ್ತಿದ್ದಾರೆ ಅವರಿಗೆ ನಾನು ತಾಲ್ಲೂಕಿನ ಪರವಾಗಿ ಕೃತಜ್ಞತೆ ಸಲ್ಲಿಸುವೆ ಹಾಗು ಇವರಿಗೆ ನೆರವು ನೀಡಲು ಸಿದ್ದನಿದ್ದೇನೆ ಎಂದರು.
ಈ ಸಂದರ್ಭದಲ್ಲಿ ಪಟ್ಟಣ ಪಂಚಾಯಿತಿ ಅಧ್ಯಕ್ಷ ಅಂಜನ್ಕುಮಾರ್, ಸದಸ್ಯ ಚಿದಾನಂದ್ ವೈದ್ಯಾಧಿಕಾರಿ ಡಾ.ಶ್ರೀಧರ್, ಟಿಎಚ್ಒ ಡಾ.ಸುಪ್ರಿಯಾ, ಮುಖಂಡರುಗಳಾದ ಕೊಂಡಜ್ಜಿವಿಶ್ವನಾಥ್, ವಿ.ಟಿ.ವೆಂಕಟರಾಮ್, ವಿ.ಬಿ.ಸುರೇಶ್, ಸೋಮಣ್ಣ, ಮುದ್ದೇಗೌಡ, ವೈದ್ಯರುಗಳಾದ ಡಾ.ನವೀನ್, ಡಾ.ಪವನ್ ಮತ್ತು ಸಿಬ್ಬಂದಿಗಳು ಉಪಸ್ಥಿತರಿದ್ದರು

ಟಿ. ಸತೀಶ್ ಜವರೇಗೌಡ ಮಂಡ್ಯ

ಅಕಾಲ ಮರಣದ ರಣಭೇರಿ
ಹುಟ್ಟಿಸಿದೆ ಭಯಾನಕ ಕಂಪನ
ವಿಷಮ ಪರಿಸ್ಥಿತಿಯ ತಂದಿಕ್ಕಿದೆ
ಕಂಡುದ್ದೆಲ್ಲವ ಭೋಗಿಸುವ ಜೀವನ
ಬರುಡಾಯಿತು ಹೊಳೆ ಗಿರಿ ಕಾನನ
ಜೀವ ಸರಪಳಿಯ ಅಸಮತೋಲನ
ಹೆಜ್ಜೆಹೆಜ್ಜೆಗೂ ದಹಿಸುವ ಬೆಂಕಿಯ ಬಿತ್ತಿದೆ
ಮಾರಕ ಮಹಾಮಾರಿ ಕೊರೋನ
ಅನುದಿನವೂ ಸಾಗಿದೆ ಸರಣಿ ಶವಯಾನ

ಊರೂರಿಗೂ ಬೀಗಮುದ್ರೆ
ದೂರಾಗಿಸಿದೆ ನಿದ್ರೆ
ದಿಗಿಲಾವರಿಸಿದ ಬದುಕು
ಸೂತಕ ಧರಿಸಿದ ಬೆಳಕು
ಮುಗಿಲು ಸೀಳುವ ಆಕ್ರಂದನ
ರಂಗೇರಿದ್ದ ಚುನಾವಣೆಗಳ ಕದನ
ಗಬ್ಬೆದ್ದ ನದಿತೀರದಲ್ಲಿ
ಧರ್ಮಾಂಧತೆಯ ನಶೆಯೇರಿದ
ಕುಂಭಾಮೇಳಿಗರ ವೀರೋನ್ಮತ್ತ ಸ್ಖಲನ
ಪ್ರಚಾರ ರ್ಯಾಲಿ ಬಾಡೂಟದ ಭೋಜನ
ಇದಕ್ಕಿಲ್ಲ ಬಿಗಿ ಕಾನೂನು ಕಟ್ಟಳೆಯ ಬಂಧನ

ಹೊರಳದ ಇರುಳು
ಕಾಡುವ ದೈತ್ಯ ನೆರಳು
ಕತ್ತರಿಸಲಾಗಿದೆ ಹೊಂಗನಸಿನ ಬೆರಳು
ತತ್ತರಿಸಿದೆ ಸಹಾಯಕ ಬೆಳದಿಂಗಳು
ಹಾಡುತ್ತಿಲ್ಲ ಯಾವ ಹಕ್ಕಿಯ ಕೊರಳು‌‌‌
ಹಸಿದೊಡಲ ಕೈ ಜಾರಿದೆ ತುತ್ತು ಕೂಳು
ಪ್ರಶ್ನಿಸಿದರೆ ದೇಶದ್ರೋಹದ ಪಟ್ಟದುರುಳು

ಕಸಿದಿದೆ ಜೀವದುಸಿರ
ಕಣ್ಣಿಗೆ ಕಾಣದ ವೈರಾಣುವಿನ ದಾಳಿ
ವಿಷವಾಗಿದೆ ಬೀಸುವ ಬಿಸಿಗಾಳಿ
ಬೆವರಿನ ಬಾಳಾಗಿದೆ ದಿವಾಳಿ
ಭೀತಿಯ ಬಲೆಗೆ ಸಿಲುಕಿ
ಕ್ಷಣಕ್ಷಣವೂ ಸಾಯಬೇಕಿದೆ ನರನರಳಿ
ಕತ್ತಲಲ್ಲಿ ದಿಕ್ಕು ತಪ್ಪಿದೆ ಮಹಾವಲಸೆ
ಬತ್ತಿಹೋಗಿದೆ ನಂಬಿಕೆಯ ಕಿರುಪಸೆ

ಆಸ್ಪತ್ರೆಗಳ ಅಲೆದಲೆದು ಸೋತಿವೆ
ಬಸವಳಿದ ಬಡವರ
ಒಡಕು ಪಾದದ ಕಾಲುಗಳು
ಮೃತ್ಯುವಿನ ಚೂಪು ಸರಳು ಇರಿದಿದೆ ಕರುಳು
ಸರತಿ ಸಾಲಿನಲ್ಲಿ ಮಲಗಿವೆ ಶವಗಳು
ಅಂತಿಮ ಯಾತ್ರೆಯಲ್ಲೂ
ಕಾಯಬೇಕಾದ ಗೋಳು
ರಾಜಕೀಯ ದಾಳಕ್ಕೆ ಎಲ್ಲರೂ ಒತ್ತೆಯಾಳು

ಅತ್ತ ಭ್ರಷ್ಟ ವ್ಯವಸ್ಥೆಯ ಚೆಲ್ಲಾಟ
ಇತ್ತ ಸಾವಿನೊಂದಿಗೆ ಮಂದಿಯ ಸೆಣಸಾಟ
ಉಲ್ಬಣಿಸಿದೆ ಕಡುಸಂಕಷ್ಟದ ಸ್ಫೋಟ
ಪ್ರಕ್ಷುಬ್ಧ ಭಾರವಾದ ಹೃದಯ
ಕಣ್ಣಲ್ಲಿ ಆರದ ಭೀಕರ ಗಾಯ
ತುಕ್ಕು ಹಿಡಿಯುತ್ತಿದೆ ನಿಂತಲ್ಲೇ ತೇರು
ಸ್ಮಶಾನದಲ್ಲೂ ವ್ಯಾಪಾರ ಜೋರು
ಸಮಯ ಸಾಧಕರು ದಂಧಾಕೋರರು
ಗದ್ದುಗೆಯಲ್ಲೇ ಠಿಕಾಣಿ ಹೂಡಿದವರು
ಆಮಿಷಗಳೊಡ್ಡಿ ಚುಕ್ಕಾಣಿ ಹಿಡಿದವರು
ಎಲ್ಲ ಮರೆತು ಪರಸ್ಪರ ಒಂದಾಗಿದ್ದಾರೆ
ಖಜಾನೆಯ ಲೂಟಿಗೆ ಮುಂದಾಗಿದ್ದಾರೆ

ಕಾರ್ಮೋಡ ದಟ್ಟೈಸಿ ದಿಗ್ಭ್ರಮೆಯ ಹುಟ್ಟಿಸಿ
ಹಗಲಿರುಳು ಮಗ್ಗಲಲ್ಲೇ ಉರಿಯುವ ಚಿತೆಗಳು
ಆರುತ್ತಿವೆ ದುಡಿಯುವ ಹಣತೆಗಳು
ಕಳೆಗುಂದಿವೆ ಮಿಡಿಯುವ ಕವಿತೆಗಳು
ಮೇರೆ ಮೀರಿದೆ
ಉಕ್ಕುವ ದುಃಖ ಮುಕ್ಕುವ ಶೋಕ
ಜೀವ ಹಿಂಡುವ ಅಕ್ಷರಸ್ಥರ ಪಾತಕ
ಅನಾಥವಾದ ಮನೆಗಳು
ಖದೀಮರ ಪಾಲಾದ ಗೊನೆಗಳು
ಹೊರಗೆ ರಾಜಕೀಯ ಗಲಭೆ
ಒಳಗೆ ಎದೆಯ ಮೇಲೆ ನೋವಿನ ಶಿಲುಬೆ