ಪಾವಗಡ: ತಾಲ್ಲೂಕಿನಾದ್ಯಂತ ಸಾಕಷ್ಟು ಸಮಸ್ಯೆಗಳಿದ್ದರೂ ಅಧಿಕಾರಿಗಳು ಬೇಜವಬ್ಧಾರಿತನ ಪ್ರದರ್ಶಿಸುತ್ತಿದ್ದಾರೆ. ಜಿಲ್ಲಾಧಿಕಾರಿಗಳು ಹಾಗೂ ಸಂಬಂಧಿಸಿದ ಅಧಿಕಾರಿಗಳು ಸಮಸ್ಯೆ ಬಗೆಹರಿಸುವತ್ತ ಗಮನಹರಿಸದಿದ್ದರೆ ನವೆಂಬರ್-21 ರಂದು ತಾಲ್ಲೂಕು ಬಂದ್ ನಡೆಸಲಾಗುವುದು ಎಂದು ಹಸಿರು ಸೇನೆ ಅಧ್ಯಕ್ಷ ಪುಜಾರಪ್ಪ ಎಚ್ಚರಿಸಿದರು.

6 ತಿಂಗಳಿಂದ ಸರ್ಕಾರ ನೀಡುವ ವೃದ್ಧಾಪ್ಯ ವೇತನ, ಅಂಗ ವಿಕಲ ವೇತನವಿಲ್ಲದೆ ಬಡ ಜನತೆ ಅಂಚೆ ಕಚೇರಿ ತಹಶೀಲ್ದಾರ್ ಕಚೇರಿ ಅಲೆಯುತ್ತಿದ್ದಾರೆ. ಆಧಾರ್ ಮಾಡಿಸಿಕೊಳ್ಳಲು ಆಂಧ್ರ ಸೇರಿದಂತೆ ಬೇರೆಡೆ ಹೋಗಬೇಕಿದೆ. ರೈತರ ಸಾಲ ಮನ್ನಾ ಕೇವಲ ಕಡತಗಳಿಗೆ ಸೀಮಿತವಾಗಿದೆ. ಗ್ರಾಮ ಪಂಚಾಯಿತಿಗಳಲ್ಲಿ ಮನೆ ಇರುವರಿಗೆ, ಹಣ ಕೊಡುವರಿಗೆ ಮನೆ ಹಾಕಿ ಕೊಡುತ್ತಿದ್ದಾರೆ. ಸರ್ಕಾರ ಕೊಡುವ 1.5 ಲಕ್ಷ ರೂಪಾಯಿ ಪಾಯ ಹಾಕಿಸಲೂ ಸಾಲುತ್ತಿಲ್ಲ  ಎಂದು ಪಟ್ಟಣದಲ್ಲಿ ಸೋಮವಾರ ನಡೆದ ಸಭೆಯಲ್ಲಿ ಆರೋಪಿಸಿದರು.

ಜೆಡಿಎಸ್ ಪಕ್ಷದ ವಕ್ತಾರ ಅಕ್ಕಲಪ್ಪ ಮಾತನಾಡಿ, ಕುಮಾರಸ್ವಾಮಿ ಅವರು ಮುಖ್ಯಮಂತ್ರಿಯಾಗಿದ್ದಾಗ ಸಾಲ ಮನ್ನಾಗೆ ಅಗತ್ಯವಿರುವ ಅನುದಾನ ಮೀಸಲಿಟ್ಟಿದ್ದರು. ಈಗಿನ ಸರ್ಕಾರ ಕೂಡಲೇ ಸಾಲ ಮನ್ನಾ ಅನುದಾನವನ್ನು ರೈತರ ಖಾತೆಗೆ ವರ್ಗಾಯಿಸಬೇಕು. ರೈತರ ಬಗ್ಗೆ ಬಿಜೆಪಿ ಸರ್ಕಾರ ತಾತ್ಸಾರ ಮನೋಭಾವ ಪ್ರದರ್ಶಿಸಬಾರದು. ಜೆಡಿಎಸ್ ತಾಲ್ಲೂಕು ಘಟಕ ರೈತರು ನಡೆಸಲಿರುವ ಬಂದ್ ಗೆ ಬೆಂಬಲ ನೀಡಲಿದೆ ಎಂದರು.

ರೈತ ಮುಖಂಡ ಗಂಗಾಧರ್ ಮಾತನಾಡಿ,  ಸರ್ಕಾರ, ಜನಪ್ರತಿನಿಧಿಗಳ ಅಸಮರ್ಥತೆಯಿಂದ ಬಡ ಜನತೆಗೆ ಅನ್ಯಾಯವಾಗುತ್ತಿದೆ. ಸಾಕಷ್ಟು ಮಂದಿ ರೈತರ ಖಾತೆಗೆ ಸಾಲ ಮನ್ನಾ ಹಣ ಬಂದಿಲ್ಲ  ಎಂದು ದೂರಿದರು.

ಮುಖಂಡ ಅಶ್ವಥಪ್ಪ, ಪಾತಣ್ಣ, ಹನುಮಂತರಾಯಪ್ಪ, ಶಿವಕುಮಾರ್, ಸಿದ್ದಪ್ಪ, ನರಸಪ್ಪ, ಈರಣ್ಣ, ಗಿರಿಯಪ್ಪ, ಮೂಡಲಪ್ಪ, ತಿಮ್ಮಣ್ಣ, ಚನ್ನಗಿರಪ್ಪ  ಉಪಸ್ಥಿತರಿದ್ದರು.

ತುಮಕೂರು: ರಾಮರಡ್ಡಿ ಅಳವಂಡಿ ಅವರ ಹೆಸರು ಪ್ರಜಾವಾಣಿ ಪತ್ರಿಕೆಯ ಓದುಗರಿಗಲ್ಲದೇ ಇತರರಿಗೂ  ಚಿರಪರಿಚಿತ. ಇವರನ್ನು ನೋಡಿದವರು ಕಡಿಮೆ ಇರಬಹುದು. ಆದರೆ  ಅವರು ಹೆಸರನ್ನು ಹೆಚ್ಚು ಜನರು ಕೇಳಿದ್ದಾರೆ.

ತುಮಕೂರು ಜಿಲ್ಲೆಯ ಪ್ರಜಾವಾಣಿ ವರದಿಗಾರರಾಗಿ ಐದು ವರ್ಷದ ಹಿಂದೆ ಬಂದ ಅವರು ಇಲ್ಲಿ ಮಾಡಿದ ಕೆಲಸ ಅಗಾಧ. ಸ್ವಚ್ಛ, ಸುಂದರ ಪತ್ರಿಕೋದ್ಯಮಕ್ಕೆ ಅವರು ಎತ್ತಿದ ಕೈ. ಮಿತಭಾಷಿ. ಒಳ್ಳೆಯ ಕೆಲಸಗಾರರು ಸಹ. ಪ್ರಜಾವಾಣಿಗೆ ವಿದಾಯ ಹೇಳಿ ಅವರು ತಮ್ಮ ಹುಟ್ಟೂರು ಉತ್ತರ ಕರ್ನಾಟಕದ ಗಂಡು ಮೆಟ್ಟಿದ ನಾಡಿಗೆ ವಾಪಸ್ ಆಗುತ್ತಿದ್ದಾರೆ., ಅವರು ತುಮಕೂರು ಜಿಲ್ಲೆಗೆ ನ್ಯಾಯ ಒದಗಿಸಿದ್ದಾರೆ. ಜಿಲ್ಲೆಯ ಪರ ಪಕ್ಷಪಾತಿಯಾಗಿ ಕೆಲಸ ಮಾಡಿ ಈಗ ಅವರೂರಿಗೆ ಹೊರಟಿದ್ದಾರೆ.

ಒಂದು ಘಟನೆಯನ್ನು ನಾವಿಲ್ಲಿ ನೆನಪು ಮಾಡಿಕೊಳ್ಳಲೇಬೇಕು. ಅದೊಂದು ಮುಂಜಾನೆ ಐದು ಗಂಟೆ ಸಮಯ.  ಐದಾರು ದಿನಗಳ ಕಾಲ ಅವರಿಗೆ ಕರೆ ಬರುತ್ತಲೇ ಇತ್ತು, ಆರೇಳು ವರ್ಷದ ಒಬ್ಬ ಹುಡುಗನನ್ನು ಮನೆ ಮನೆ ಕಸ ಎತ್ತಲು ಬಿಡುತ್ತಿದ್ದಾರೆ, ಏನಾದರೂ ಮಾಡಿ ಇದನ್ನು ತಪ್ಪಿಸಿ ಎಂದು.

ಎರಡು ದಿನ ಎರಡು ರಸ್ತೆಗಳನ್ನು ಕಾದರು. ಮೂರನೇ ದಿನ ಆ ಹುಡುಗ ತುಮಕೂರಿನ ಎಸ್.ಎಸ್,ಪುರಂನ ರಸ್ತೆಯೊಂದರಲ್ಲಿ ಮನೆ ಮನೆ ಕಸ ಎತ್ತುತ್ತಿದ್ದ.  ಆತನನ್ನು ಮಾತನಾಡಿಸಿದರು. ಆತ ಏನ್ನೆಲ್ಲವನ್ನು ಹೇಳಿದ. ತಾಯಿ ಇಲ್ಲದ ಬಗ್ಗೆಯೂ ತಿಳಿಸಿದ.

ಮರುದಿನ ಪ್ರಜಾವಾಣಿ ಪತ್ರಿಕೆಯಲ್ಲಿ ಈ ಹುಡುಗನ ಕುರಿತು ವರದಿ ಪ್ರಕಟವಾಯಿತು. ಈ ವರದಿ ಓದಿದ ಮಕ್ಕಳ ಕಲ್ಯಾಣ ಸಮಿತಿ ಈ ವರಧಿ ಆಧಾರದಲ್ಲಿ ಸುಮೋಟೊ ದೂರು ದಾಖಲಿಸಿಕೊಂಡಿತ್ತು.  ಹುಡುಗನನ್ನು ಪತ್ತೆ ಹಚ್ಚಿತ್ತು. ಹುಡುಗನನ್ನು ಬಳಸಿಕೊಂಡ ಕಸ ಎತ್ತುವ ಟೆಂಡರ್ ಕರೆದಿದ್ದ ಗುತ್ತಿಗೆದಾರನಿಗೂ ನೋಟಿಸ್ ಹೋಯಿತು. ಹಾಗೇ, ಅಳವಂಡಿ ಅವರಿಗೂ ನೋಟಿಸ್ ನೀಡಿತು.

ಅಳವಂಡಿ ಅವರು ಹೇಳಿದ ಹೇಳಿಕೆ, ದಾಖಲಿಸಿಕೊಂಡಿದ್ದ ವಿವರಗಳು ಆ ಹುಡುಗನಿಗೆ ನ್ಯಾಯ ಒದಗಿಸಿತು. ಹುಡುಗನನ್ನು ಹಾಸ್ಟೆಲ್, ಶಾಲೆಗೆ ಸೇರಿಸಿ ನ್ಯಾಯಮಂಡಳಿ ಆದೇಶಿಸಿತು. ಅದರಂತೆ ಆತನನ್ನು ಶಾಲೆಗೆ ಸೇರಿಸಲಾಯಿತು. ಆತನ ಹೆಸರಿಗೆ ಹದಿನೈದು ಸಾವಿರ ಹಣವನ್ನು ಠೇವಣೆಯಾಗಿ ಇಡಿಸಲಾಯಿತು.ಈ ವರದಿ ಬಗ್ಗೆಯೂ ಸಮಿತಿ ಶಾಘ್ಲಿಸಿತು. ಇಂಥ ಅನೇಕ ಮಾನವೀಯ ವರದಿಗಳು ಅಳವಂಡಿ ಅವರಿಂದ ಮೂಡಿಬಂದಿವೆ, ಈಗ ಹುಡುಗ ಪದವಿಯಲ್ಲಿ ಓದುತ್ತಿರಬಹುದೇನೋ? ಇದೇ ಹೊತ್ತಲ್ಲಿ ಅಳವಂಡಿ ಅವರು ತುಮಕೂರು ತೊರೆದು  ಹೋಗುತ್ತಿದ್ದಾರೆ. ಅವರಿಗೆ ಒಳ್ಳೆಯದಾಗಲಿ ಎಂದು ‘ಪಬ್ಲಿಕ್ ಸ್ಟೋರಿ’ ಆಶಿಸುತ್ತಿದೆ.

ತುಮಕೂರು: ಭಾನುವಾರ ಮುಂಜಾನೆ ತುಮಕೂರು ಹೊರವಲಯದ NH 4 ನಲ್ಲಿ ರಂಗಾಪುರ ಮಾಜಿ ಸಚಿವ ಸೂಗಡು ಶಿವಣ್ಣರವರ ಮನೆ ಹತ್ತಿರ ಬೀಕರ ರಸ್ತೆ ಅಪಘಾತದಲ್ಲಿ ಲಾರಿ ಮತ್ತು ಬಸ್  ಮಧ್ಯದಲ್ಲಿ 3 ಜನ ಮೃತ ಪಟ್ಟಿದ್ದಾರೆ.

ಸುಮಾರು ಜನರಿಗೆ ಕಾಲು ಮುರಿದು ಆಸ್ಪತ್ರೆಗೆ   ಸ್ಥಳೀಯರೆ  ದಾಖಲು ಮಾಡಿದ್ದಾರೆ .  ಭೀಕರ ಅಪಘಾತಕ್ಕೆ ಸುತ್ತಮುತ್ತಲಿನ ಜನರು ಬೆಚ್ಚಿಬಿದ್ದಿದ್ದಾರೆ.