ಕೊರೊನಾ: ತುಮಕೂರಿನಲ್ಲಿ ಸಾವಿನ ಸಂಖ್ಯೆ ಏರಿಕೆ: ಇಂದು ಇಬ್ಬರು ಯುವಕರ ಸಾವು

Tumkuru: ಕೊರೊನ ಸೊಂಕಿಗೆ ಇಂದು ಇಬ್ಬರು ಬಲಿಯಾಗಿದ್ದು ತುಮಕೂರು ಜಿಲ್ಲೆಯಲ್ಲಿ ಸೋಂಕಿನಿಂದ ಮೃತಪಟ್ಟವರ ಸಂಖ್ಯೆ 105ಕ್ಕೆ ಏರಿಕೆಯಾಗಿದೆ.

ಜಿಲ್ಲೆಯಲ್ಲಿಂದು 109 ಕೋವಿಡ್-19 ಪ್ರಕರಣಗಳು ದೃಢಪಟ್ಟಿವೆ. ಇದುವರೆಗೆ 3420 ಮಂದಿಗೆ ಸೋಂಕು ತಗುಲಿದ್ದು 2359 ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ.

ಒಟ್ಟು 959 ಸಕ್ರಿಯ ಪ್ರಕರಣಗಳು ದಾಖಲಾಗಿವೆ. ತುಮಕೂರು ನಗರದಲ್ಲಿ 38, ತುರುವೇಕೆರೆಯಲ್ಲಿ 22, ತಿಪಟೂರಿನಲ್ಲಿ 13 ಪ್ರಕರಣಗಳು ಇಂದು ಹೊಸದಾಗಿ ಪತ್ರೆಯಾಗಿವೆ.

ಕೊರಟಗೆರೆ 10 ಪ್ರಕರಣಗಳು, ಶಿರಾ 8 ಪ್ರಕರಣಗಳು ದೃಢಪಟ್ಟಿವೆ. ತುಮಕೂರು ನಗರದ ಸಂತೇಪೇಟೆಯ 29 ವರ್ಷದ ಯುವಕ, ಪಾವಗಡ ತಾಲೂಕು ಶೈಲಾಪುರ ಗ್ರಾಮದ 35 ವರ್ಷದ ಯುವಕ ಕೋವಿಡ್-19ಗೆ ಬಲಿಯಾಗಿದ್ದಾರೆ.