ತುಮಕೂರು: ತುಮಕೂರು-ನಗರದ ರಾಮಕೃಷ್ಣ ನಗರದಲ್ಲಿರುವ ಡಿ.ಎಫ್.ಓ ಕಚೇರಿಯ ನೆಲದ ಮೇಲೆ ಚೆಲ್ಲಾಪಿಲ್ಲಿಯಾಗಿ ಬಿದ್ದಿರುವ ಕಡತಗಳನ್ನ ಕಂಡು ಶಾಸಕ ಗೌರಿಶಂಕರ ಅಕ್ಷರಶಃ ಕೆಂಡಾಮಂಡಲವಾಗಿದ್ದಾರೆ.
ಡಿಎಫ್ಓ ಕಚೇರಿಯ ನೆಲ ಮಹಡಿ, ಮೊದಲ ಮಹಡಿಯ ಎಲ್ಲೆಂದರಲ್ಲಿ ಕಡತಗಳನ್ನ ಮೂಟೆ ಕಟ್ಟಿ ಇಡಲಾಗಿದೆ. ಸಾರ್ವಜನಿಕರು ಓಡಾಡುವ ಸಾರಿಯಲ್ಲೂ ಫೈಲ್ ಗಳನ್ನ ಇಡಲಾಗಿದೆ. ಈ ಅವ್ಯವಸ್ಥೆ ಕಂಡೆ ತುಮಕೂರು ಗ್ರಾಮಾಂತರ ಶಾಸಕ ಗೌರಿಶಂಕರ ಸಿಟ್ಟು ನೆತ್ತಿಗೇರಿ ಹೋಗಿತ್ತು.
ನರಭಕ್ಷಕ ಚಿರತೆಯನ್ನ ಸೆರೆ ಹಿಡಿಯುವಂತೆ ಪ್ರತಿಭಟಿಸಲು ಹೋಗಿದ್ದ ಶಾಸಕರು ತಾವು ಭೇಟಿ ನೀಡಿದ ವಿಚಾರವನ್ನೇ ಮರೆತು ಕಡತಗಳ ಅವ್ತವಸ್ಥೆ ಕಂಡು ಹರಿಹಾಯ್ದರು. ಅಷ್ಟರಮಟ್ಟಿಗೆ ಫೈಲನ್ನ ಎಲ್ಲೆಂದರಲ್ಲಿ ಎಸೆಯಲಾಗಿತ್ತು.
ಯಾಕ್ರಿ ಹೀಗೆ ಇಟ್ಟಿದ್ರಾ…ಫೈಲ್ ಗಳನ್ನ.. ಇದು ಸರಿ ಏನ್ರಿ….ನೀಟಾಗಿ ಇಟ್ಕೊಳ್ಳೋಕೆ ಆಗಲೇನ್ರಿ. ಎಲ್ಲಾ ಫೈಲ್ ಗಳ ಇದಾವೇನ್ರಿ..ಹಿಂಗಿಟ್ರೆ ಮಿಸ್ ಆಗಲೇನ್ರಿ.. ನಮ್ಮ ಕ್ಷೇತ್ರದ ೧೯೬೫ ಇಸ್ವಿ ಫೈಲ್ ತೋರಿಸ್ರಿ..ಎಂದು ಡಿ.ಎಫ್.ಓ ಗಿರೀಶ್ ಗೆ ತರಾಟೆ ತೆಗೆದುಕೊಂಡರು.
ಶಾಸಕರ ತರಾಟೆಯಿಂದ ಕಕ್ಕಾಬಿಕ್ಕಿಯಾದ ಡಿಎಫ್.ಓ ಗಿರೀಶ್
ಇಲ್ಲ ಸಾರ್ ಸರಿ ಮಾಡ್ತಿವಿ ಎಂದರು.
