ತಿಪಟೂರು ಯುವಕನಿಗೆ ಕೊರೊನಾ ಸೋಂಕು

ತಿಪಟೂರು: ಇಲ್ಲಿನ ಗಾಂಧಿ ನಗರದ ಮದಿನ ವೃತ್ತದಲ್ಲಿರುವ ಯುವಕನ್ನೊಬ್ಬನಿಗೆ ಬುಧವಾರ ಕೊರೊನಾ ಸೋಂಕು ದೃಢಪಟ್ಟಿದೆ.

ಇದರೊಂದಿಗೆ ತಿಪಟೂರಿನಲ್ಲಿ ಸೋಂಕಿತರ ಸಂಖ್ಯೆ ಎರಡಕ್ಕೇರಿದೆ.‌ಈಚೆಗೆ ಮುಂಬೈಗೆ ಹೋಗಿ ಬಂದಿದ್ದ ಲಾರಿ‌‌ ಚಾಲಕನಿಗೆ ಸೋಂಕು ತಗುಲಿತ್ತು.

ಈ ಯುವಕ ಉತ್ತರ ಪ್ರದೇಶದಲ್ಲಿ ನಡೆದ ತಬ್ಲೀಗಿ ಸಮಾವೇಶಕ್ಕೆ ಹೋಗಿದ್ದನು.‌ ಈಚೆಗೆ ತುಮಕೂರಿಗೆ ವಾಪಸ್ ಆಗಿದ್ದ ಈತನನ್ನು ಕ್ವಾರಂಟೈನ್ ಮಾಡಲಾಗಿತ್ತು. ಈತನೊಂದಿಗೆ ಇನ್ನೂ ಆರು ಮಂದಿ ತೆರಳಿದ್ದರು.