ತುಮಕೂರು: ಚಿರತೆಯೊಂದು ಮೇಯಲು ಹೋಗಿದ್ದ ಎಮ್ಮೆ ಮೇಲೆ ದಾಳಿ ನಡೆಸಿ ಕೊಂದು ಹಾಕಿದೆ.
ಹೆಬ್ಬೂರು ಬಳಿಯ ಬಳ್ಳಗೆರೆ ಸಮೀಪದ ಶ್ರೀಕಂಠನ ಪಾಳ್ಯದಲ್ಲಿ ಘಟನೆ ನಡೆದಿದೆ.
ಹೆಬ್ಬೂರು ಹೋಬಳಿಯಲ್ಲಿ ನಾಲ್ಕೈದು ತಿಂಗಳಿನಿಂದಲೂ ಚಿರತೆಗಳ ಹಾವಳಿ ಹೆಚ್ಚಿದ್ದು, ಈಗಾಗಲೇ ಇಬ್ಬರು ಬಾಲಕರು ಬಲಿಯಾಗಿದ್ದಾರೆ.
ಈಚೆಗಷ್ಟೇ ಚಿರತೆಯೊಂದನ್ನು ಅರಣ್ಯ ಸಿಬ್ಬಂದಿ ಸೆರೆ ಹಿಡಿದಿದ್ದರು. ಈಗ ಸಾಕು ಪ್ರಾಣಿಯ ಮೇಲಿನ ದಾಳಿ ಈ ಭಾಗದ ಜನರನ್ನು ಆತಂಕಕ್ಕೆ ತಳ್ಳಿದೆ. ಚಿರತೆ ಹಿಡಿಯಲು ಅರಣ್ಯ ಸಿಬ್ಬಂದಿ ಕೂಡಲೇ ಮುಂದಾಗಬೇಕು ಎಂದು ಬಳ್ಳಗೆರೆ ದಯಾನಂದ್ ಒತ್ತಾಯಿಸಿದ್ದಾರೆ.
