Tumkuru: ಸಾರ್ವಜನಿಕ ಶಿಕ್ಷಣ ಇಲಾಖೆ ಆವರಣದಲ್ಲಿ ದೊಡ್ಡ ಗುಂಡಿ ತೋಡಿರುವುದು ಹಲವು ಅನುಮಾನಗಳನ್ನು ಹುಟ್ಟುಹಾಕಿದೆ.
ಕೆಲ ದಾಖಲೆಗಳನ್ನು ಮುಚ್ಚಲು ಈ ಗುಂಡಿ ತೆಗೆಯಲಾಗಿತ್ತು ಎಂದು ಹೇಳಲಾಗುತ್ತಿದೆ. ಆದರೆ ಇಲಾಖೆಯ ಸಿಬ್ಬಂದಿ ಹೇಳುವಂತೆ ಕಸವನ್ನು ಹೂತುಹಾಕಲು ಗುಂಡಿ ತೆಗೆದಿದ್ದೆವು ಎಂದು ತಿಳಿಸಿದ್ದಾರೆ.
ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕಿ ಕಾಮಾಕ್ಷಮ್ಮ ಸೂಚನೆ ಮೇರೆಗೆ ಈ ಗುಂಡಿ ತೋಡಲಾಗಿತ್ತು ಎಂದು ತಿಳಿದು ಬಂದಿದೆ.
ಮಾಹಿತಿ ತಿಳಿದ ತುಜಮಕೂರು ಜಿಲ್ಲಾ ಪಂಚಾಯಿತಿ ಸಿಇಒ ಶುಭಾ ಕಲ್ಯಾಣ್ ಕಳೆದ ರಾತ್ರಿಯೇ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು.
ಗುಂಡಿ ತೋಡಿರುವ ಉದ್ದೇಶವೇನು ಎಂಬ ಸಿಇಒ ಪ್ರಶ್ನೆಗೆ ಡಿಡಿಪಿಐ ಮತ್ತು ಇಲಾಖೆಯ ಸಿಬ್ಬಂದಿ ಉತ್ತರಿಸಲು ಹಿಂದೆ ಮುಂದೆ ನೋಡಿದರು ಎಂದು ತಿಳಿದುಬಂದಿದೆ.
ಈ ಹಿನ್ನೆಲೆಯಲ್ಲಿ ಸ್ಥಳದಲ್ಲಿ ಸಿಸಿಟಿವಿ ಅಳವಡಿಸಿ ಸೋಮವಾರದವರೆಗೆ ಗುಂಡಿ ಮುಚ್ಚದಂತೆ ಶುಭಕಲ್ಯಾಣ್ ಅವರು ಡಿಡಿಪಿಐಗೆ ಸೂಚನೆ ನೀಡಿದ್ದಾರೆ.
