Publicstory
ತುಮಕೂರು: ರಾಜ್ಯದ ಜನಚಳವಳಿಗೆ ವಿಶಿಷ್ಟ ಕೊಡುಗೆ ನೀಡಿರುವ ಕೆ. ದೊರೈರಾಜ್ ಹಾಗೂ ಕೆ.ಎನ್. ಉಮೇಶ್ ಅವರಿಗೆ ಇದೇ ಭಾನುವಾರ ಜುಲೈ 10ರಂದು ಸಂಜೆ 4 ಗಂಟೆಗೆ ನಗರದ ಐಎಂಎ ಸಭಾಂಗಣದಲ್ಲಿ ಅಭಿನಂದನಾ ಸಮಾರಂಭ ಆಯೋಜಿಸಲಾಗಿದೆ.
ತುಮಕೂರು ನಾಗರಿಕ ವೇದಿಕೆ ಆಯೋಜಿಸಿರುವ ಕಾರ್ಯಕ್ರಮದಲ್ಲಿ ನಾಗರಿಕ ಸಮಾಜದಲ್ಲಿ ಚಳವಳಿಯ ಸಾಧಕ ಬಾಧಕ ಕುರಿತ ಸಂವಾದವು ನಡೆಯಲಿದೆ.
ಚಳವಳಿಯ ತಮ್ಮ ಅನುಭವಗಳನ್ನು ಈ ಇಬ್ಬರು ಮುಖಂಡರು ಹಂಚಿಕೊಳ್ಳುವರು.
ಸಮಾರಂಭವನ್ನು ಕಸಾಪ ಮಾಜಿ ಅಧ್ಯಕ್ಷೆ ಬಾ.ಹ.ರಮಾಕುಮಾರಿ ಉದ್ಘಾಟಿಸುವರು. ಅಧ್ಯಕ್ಷತೆಯನ್ನು ಬೆಂಗಳೂರು ಉತ್ತರ ವಿ.ವಿ. ಪರೀಕ್ಷಾಂಗ ಕುಲಪತಿ ಪೊ. ಡೊಮೆನಿಕ್ ವಹಿಸುವರು. ಸುಫಿಯಾ ಕಾನೂನು ಕಾಲೇಜಿನ ಪ್ರಾಂಶುಪಾಲರಾದ ಡಾ. ಎಸ್.
ರಮೇಶ್ ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು ಎಂದು ನಾಗರಿಕ ವೇದಿಕೆ ಮುಂದಾಳು ಎಸ್. ರಾಘವೇಂದ್ರ ತಿಳಿಸಿದ್ದಾರೆ.
