Publicstory. in
Mangalore: ತವರು ರಾಜ್ಯಗಳಿಗೆ ಹೊರಟ ಉತ್ತರ ಭಾರತದ ವಲಸೆ ಕಾರ್ಮಿಕರನ್ನು ಜಿಲ್ಲಾಡಳಿತ ಬಜ್ಪೆ, ಜೋಕಟ್ಟೆ, ಕಾನ ಮುಂತಾದ ವಿವಿಧ ಪ್ರದೇಶಗಳಲ್ಲಿ ಒಟ್ಟು ಸೇರಿಸಿ ಸರಕಾರಿ ಬಸ್ಸುಗಳಲ್ಲಿ ಕೊಂಡೊಯ್ಯುತ್ತವೆ.
ಈ ಕುರಿತು ಹರಡುವ ಮಾಹಿತಿಗಳನ್ನು ನಂಬಿ ಸಾವಿರಾರು ವಲಸೆ ಕಾರ್ಮಿಕರು ಕಾಲ್ನಡಿಗೆ ಸಹಿತ ವಿವಿಧ ವಾಹನಗಳಲ್ಲಿ ಇಂತಹ ಸ್ಥಳಗಳಿಗೆ ತಲುಪುತ್ತಿದ್ದಾರೆ.
ಆ ರೀತಿ ನೊಂದಾವಣೆ ಇಲ್ಲಧ ಬಂದವರಲ್ಲಿ ಹೆಚ್ಚಿನವರು ಪ್ರಯಾಣಕ್ಕೆ ಅವಕಾಶ ಸಿಗದೆ ನಿರಾಶರಾಗಿ ತಮ್ಮ ವಸತಿಗಳಿಗೆ ವಾಪಾಸಾಗುತ್ತಿದ್ದಾರೆ.
ಹೀಗೆ ಬಂದು ಪ್ರಯಾಣಕ್ಕೆ ಅವಕಾಶ ಸಿಗದೆ ನೂರಕ್ಕೂ ಹೆಚ್ಚು ಉತ್ತರ ಪ್ರದೇಶ, ಬಿಹಾರದ ಕಾರ್ಮಿಕರು ಜೋಕಟ್ಟೆಯಲ್ಲಿ ಸಿಲುಕಿ ಕೊಂಡಿದ್ದಾರೆ.
ಇದರಲ್ಲಿ ಇಪ್ಪತ್ತೈದಕ್ಕೂ ಹೆಚ್ಚು ಕಾರ್ಮಿಕರು ವಿಮಾನ ನಿಲ್ದಾಣ ವಿಸ್ತರಣೆಯಲ್ಲಿ ಗುತ್ತಿಗೆದಾರರ ಅಡಿ ದುಡಿಯುತ್ತಿದ್ದು, ಗುತ್ತಿಗೆದಾರರು ಎರಡು ತಿಂಗಳ ದುಡಿಮೆಯ ಸಂಬಳವೂ ನೀಡದೆ ವಂಚಿಸಿದ್ದಾಗಿ ಆರೋಪಿಸುತ್ತಾರೆ.
ಹೀಗೆ ಅತಂತ್ರ ಗೊಂಡ ಕಾರ್ಮಿಕರಿಗೆ ಸದ್ಯ “ನಾಗರಿಕ ಹೋರಾಟ ಸಮಿತಿ ಜೋಕಟ್ಟೆ, ಇದರ ವತಿಯಿಂದ ಪಂಚಾಯತ್ ಸದಸ್ಯ ಅಬೂಬಕ್ಕರ್ ಬಾವ ನೇತೃತ್ವದಲ್ಲಿ ಆಹಾರ ವಸತಿ ಏರ್ಪಾಡು ಮಾಡಲಾಗಿದೆ. ಆದರೆ ಇವರ ಪ್ರಾಯಣದ ಕುರಿತು ಯಾವ ಮಾಹಿತಿಯೂ ಈವರಗೆ ಜಿಲ್ಲಾಡಳಿತದಿಂದ ದೊರಕದಿರುವುದರಿಂದ ಕಾರ್ಮಿಕರು ಆತಂಕಿತರಾಗಿದ್ದಾರೆ.
