ತುಮಕೂರು: ನಗರದ ಶೇಷಾದ್ರಿಪುರಂ ಕಾಲೇಜಿನಲ್ಲಿ ಅಂಬೇಡ್ಕರ್ ಮತ್ತು ಮಹಿಳಾ ಸಬಲೀಕರಣ ಎಂಬ ವಿಷಯ ಕುರಿತು ವಿಶೇಷ ಉಪನ್ಯಾಸ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು. ಮುಖ್ಯ ಅತಿಥಿಯಾಗಿ ಆಗಮಿಸಿದ್ದ ತುಮಕೂರು ವಿಶ್ವವಿದ್ಯಾನಿಲಯದ ಅಧ್ಯಾಪಕರಾದ ಡಾ.ಗುಂಡೇಗೌಡ ರವರು ಮಾತನಾಡಿ ಮಹಿಳೆಯರ ಸಬಲೀಕರಣಕ್ಕೆ ಅಂಬೇಡ್ಕರ್ ರವರ ಕೊಡುಗೆ ಮಹತ್ವವಾದುದು. ಅಂಬೇಡ್ಕರ್ ರವರ ಚಿಂತನೆಗಳು ವಿದೇಶದವರ ಮೇಲೂ ಪ್ರಭಾವ ಬೀರಿ, ಅವರ ಚಿಂತನೆಗಳನ್ನು ವಿದೇಶದವರು ಅಳವಡಿಸಿಕೊಂಡರು.
ಹೆಣ್ಣು ಮಕ್ಕಳಿಗೆ ಮೊದಲು ಶಿಕ್ಷಣವನ್ನು ಕೊಡಬೇಕು ಎಂದು ಒತ್ತಾಸೆಯನ್ನು ಇಟ್ಟುಕೊಂಡು ಕೆಲಸ ಮಾಡಿದರು. ಮಹಿಳೆಯರು ಪುರುಷರಷ್ಟೇ ಸಮಾನರು ಎಂಬುದನ್ನು ಹೆಣ್ಣು ಮಕ್ಕಳು ಮನಗಾಣಬೇಕು ಎಂಬುದನ್ನು ಅಂಬೇಡ್ಕರ್ ಹೇಳಿದರು. ಅಂಬೇಡ್ಕರ್ ರವರ ಆಶಯವನ್ನು ವಿದ್ಯಾರ್ಥಿಗಳು ಪೂರೈಸಬೇಕು, ಕಾನೂನು ಗೌರವಿಸಿ ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಜಗದೀಶ ಜಿ.ಟಿ. ಅಧ್ಯಾಪಕರಾದ ಪ್ರೊ.ಸಿದ್ದಶ ಡಿ.ಜೆ , ಪ್ರೊ.ನಿವೇದಿತಾ, ಪ್ರೊ ರಾಜೇಶ್, ಪ್ರೊ. ಮಂಜುಕುಮಾರ್, ಪ್ರೊ.ಮಾನಸ ಪ್ರೊ.ಯಶೋದ ಮತ್ತು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.
