ಪಾವಗಡ: ತಾಲ್ಲೂಕಿನ ಕೊಡಮಡುಗು ಬಳಿಯ ಸುಂಕಾರ್ಲಕುಂಟೆ ರಸ್ತೆಯಲ್ಲಿ ತೂರು ಬಿಲ್ಲೆ ಜೂಜು ಆಡುತ್ತಿದ್ದ 14 ಮಂದಿಯನ್ನು ಪಟ್ಟಣ ಠಾಣೆ ಸಬ್ ಇನ್ ಸ್ಪೆಕ್ಟರ್ ಜಿ.ಕೆ.ರಾಘವೇಂದ್ರ ತಂಡ ಶುಕ್ರವಾರ ಬಂಧಿಸಿದೆ.
ಆರೋಪಿಗಳಿಂದ 51700 ರೂಪಾಯಿ ನಗದು, 12 ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ.
ಪ್ರಕರಣದ ತೂರುಬಿಲ್ಲೆ ಜೂಜಾಟದ ಪಣಕ್ಕೆ ಇಟ್ಟಿದ್ದ ಹಣ ಮತ್ತು ಆರೋಪಿಗಳನ್ನು ವಶಪಡಿಸಿಕೊಳ್ಳಲು ಶ್ರಮಿಸಿದ ಡಿ ವೈ ಎಸ್ ಪಿ ಎಂ.ಪ್ರವೀಣ್, ಸಬ್ ಇನ್ ಸ್ಪೆಕ್ಟರ್ ಜಿ.ಕೆ.ರಾಘವೇಂದ್ರ, ಸಿಬ್ಬಂದಿ ಆರ್.ಜೆ.ಮಂಜುನಾಥ್, ರಾಮಕೃಷ್ಣ, ನಾಗಭೂಷಣರೆಡ್ಡಿ, ಭೋಗನರಸಿಂಹ ಅವರನ್ನು ಪೊಲೀಸ್ ಅಧೀಕ್ಷಕರಾದ ಡಾ.ಕೆ.ವಂಶಿಕೃಷ್ಣ ಅವರು ಅಭಿನಂದಿಸಿದ್ದಾರೆ.
