ಡಾ.ಗಿರಿಜಾ
ನೋವು ತುಂಬಿದ ಕಂಗಳಲ್ಲಿ
ಜೀವದ ಆಸೆ ಬತ್ತಿಹೋಗಿ
ಆಗಸದಿ ನೋಡುತ್ತಾ ಮಲಗಿಹ
ಅವಳ ವೇದನೆ ನೋಡಿ
ಹೆಚ್ಚೇನೂ ಹೇಳಲಾರೆ…..
ಮೈ ಮನಸ್ಸಿಗಾದ ಗಾಯ
ತ್ರಾಣವಿಲ್ಲದ ಜೀವ
ಬದುಕಲು ಹೋರಾಡುವ
ಪುಟ್ಟ ಕಂದನ ನೋಡಿ
ಹೆಚ್ಚೇನೂ ಹೇಳಲಾರೆ…..
ಅವಳ ಆರ್ತನಾದ ಕೇಳಿಸದೆ
ಕಿವುಡಾಗಿಹ
ಅವಳಂತರಂಗವನ್ನರಿಯದೆ
ಚೇಡಿಸುವ
ಹಾಸ್ಯ ಬರಿತ ಮಾತಾಡಿ ಮನ ನೋಯಿಸುವ ಮಂದಿಯ ನೋಡಿ
ಹೆಚ್ಚೇನೂ ಹೇಳಲಾರೆ…..
ಕೂಗಿ ಹೇಳಲು ಬಹಳಷ್ಟು ಇದೆ
ಕೇಳುವ ಮಂದಿ
ದನಿ ಗೂಡಿಸಿಹರು
ಬದಲಾವಣೆಯ ಹಾದಿಯಲ್ಲಿ
ಮುನ್ನಡೆಯುತ್ತಿಹರು
ಹೊಸ ಬದುಕು, ಹೊಸ ನೋಟ
ಹೊಸ ಅಲೆಯ ಸೃಜಿಸುತ್ತಾ
ನಡೆಯುತಿಹರು
ಭರವಸೆಯ ನಾಳೆಗಾಗಿ
ಹೆಚ್ಚೇನೂ ಹೇಳಲಾರೆ…..
ಗಿರಿಜಾ
