Y.N.Hosakote: ವೈಎನ್ ಹೊಸಕೋಟೆ: ಹೋಬಳಿಯ ಮಾರಮ್ಮನಹಳ್ಳಿ ಗ್ರಾಮದಲ್ಲಿ ಗುರುವಾರದಂದು ಶ್ರೀ ಗುರು ತಿಪ್ಪೇರುದ್ರಸ್ವಾಮಿ ರಥೋತ್ಸವ ವಿಜೃಂಭಣೆಯಿಂದ ನೆರವೇರಿತು.
ದೇವರ ಗದ್ದುಗೆ
ಕರ್ನಾಟಕದಲ್ಲಿ ಏಕಕಾಲಕ್ಕೆ ನಾಯಕನಹಟ್ಟಿ, ವದನಕಲ್ಲು, ಮಾರಮ್ಮನಹಳ್ಳಿ ಕೊಂಡ್ಲಹಳ್ಳಿ ಮತ್ತು ಎರಡುಕೆರೆ ಗ್ರಾಮಗಳಲ್ಲಿ ಪಾಲ್ಗುಣ ಮಾಸದ ಚಿತ್ತಾ ನಕ್ಷತ್ರ ದಿನ ರಥೋತ್ಸವ ನಡೆಯುವುದು ಸಂಪ್ರದಾಯವಾಗಿದೆ.
ನಾಯಕನಹಟ್ಟಿ ಮತ್ತು ಮಾರಮ್ಮನಹಳ್ಳಿಗಳಲ್ಲಿ ಶ್ರೀ ಗುರು ತಿಪ್ಪೇರುದ್ರಸ್ವಾಮಿ ಸಮಾಧಿಗಳಿವೆ.
ಎಂದಿನಂತೆ ರಥವನ್ನು ಭಕ್ತರು ಭಕ್ತಿಭಾವದಿಂದ ಎಳೆದರು. ಬಾಳೆಹಣ್ಣು ಮತ್ತು ಮೆಣಸನ್ನು ತೂರಿ ಭಕ್ತಿ ಸಮರ್ಪಿಸಿದರು. ರಥದ ಗಾಲಿಗಳಿಗೆ ತೆಂಗಿನಕಾಯಿ ಒಡೆದು ಪೂಜೆ ಸಲ್ಲಿಸಿದರು.
ನಂದಿಕೋಲು ಕುಣಿತ ದೊಂದಿಗೆ ಪ್ರಾರಂಭವಾಗಿ ಗ್ರಾಮದ ಹೊರವಲಯದ ಹೊರ ಮಠದವರೆಗೆ ರಥ ಸಾಗಿ ಹಿಂತಿರುಗಿತು.
