ಚಿಕ್ಕನಾಯಕನಹಳ್ಳಿ : ಸೋಮವಾರದಂದು ಪಟ್ಟಣದ ಖಾಸಗಿ ಬಸ್ ನಿಲ್ದಾಣದ ಹತ್ತಿರ ಪ್ರಾರಂಭಿಸಲಾಗಿರುವ ಜನೌಷಧಿ ಕೇಂದ್ರದ ಉದ್ಘಾಟನೆಯನ್ನು ದೊಡ್ಡಗುಣಿ ಹಿರೇಮಠದ ಶ್ರೀಶ್ರೀಶ್ರೀ ರೇವಣಸಿದ್ದೇಶ್ವರ ಶಿವಾಚಾರ್ಯ ಸ್ವಾಮಿಗಳು ನೆರವೇರಿಸಿದರು. ಈ ಸಂದರ್ಭದಲ್ಲಿ ಮಾಜಿ ಶಾಸಕ ಮತ್ತು ಮಾಜಿ ಸಚಿವರೂ ಆದ ಜೆ ಸಿ ಮಾಧುಸ್ವಾಮಿಯವರು ಉಪಸ್ಥಿತರಿದ್ದರು.
ಉದ್ಘಾಟನೆಯ ನಂತರ, ಜನೌಷಧಿ ಕೇಂದ್ರ ಪ್ರಾರಂಭಿಸಿರುವ ಯುವ ವರ್ತಕ ಚಂದನ್ ದೊಡ್ಡಗುಣಿ’ಯವರನ್ನು ದೊಡ್ಡಗುಣಿ ಹಿರೇಮಠದ ಶಿವಾಚಾರ್ಯ ಸ್ವಾಮಿಗಳು ಆಶೀರ್ವದಿಸಿದರು. ಮುಂದಿನ ಬೆಳವಣಿಗೆಗೆ ಸಕಲವೂ ಒಳ್ಳೆಯದಾಗಲಿ ಎಂದು ಜೆ ಸಿ ಮಾಧುಸ್ವಾಮಿಯವರು ಹಾರೈಸಿದರು.
ಜನೌಷಧಿ ಕೇಂದ್ರ ವಿಶೇಷ ::
ಭಾರತ ಸರ್ಕಾರದ ರಾದಾಯನಿಕಗಳು ಮತ್ತು ರಸಗೊಬ್ಬರಗಳ ಸಚಿವಾಲಯ, ಫಾರ್ಮಾಸ್ಯುಟಿಕಲ್ಸ್ ಇಲಾಖೆ ಮತ್ತು ಫಾರ್ಮಾಸ್ಯುಟಿಕಲ್ಸ್ ಅಂಡ್ ಮೆಡಿಕಲ್ ಡಿವೈಸಸ್ ಬ್ಯೂರೊ ಆಫ್ ಇಂಡಿಯಾ(Pmbi) ಮಾನ್ಯತೆ ಪಡೆದಿರುವ ಈ ಜನೌಷಧಿ ಕೇಂದ್ರದಲ್ಲಿ 1759 ಬಗೆಯ ಉತ್ತಮ ಗುಣಮಟ್ಟದ ಔಷಧಗಳು ಹಾಗೂ 280 ರೀತಿಯ ಶಸ್ತ್ರಚಿಕಿತ್ಸಾ ಸಲಕರಣೆಗಳು ಶೇಕಡಾ 50% ರಿಂದ 90% ಪ್ರತಿಶತದವರೆಗಿನ ಕಡಿಮೆ ಬೆಲೆಯಲ್ಲಿ ದೊರೆಯಲಿವೆ.
ಅಗ್ಗದ ಬೆಲೆಯಲ್ಲಿ ಲಭ್ಯವಿರುವ ಪ್ರಧಾನಮಂತ್ರಿ ಭಾರತೀಯ ಜನೌಷಧ ಕೇಂದ್ರ’ದ ಈಯೆಲ್ಲ ಲಾಭಗಳನ್ನು ತಾಲ್ಲೂಕಿನ ಎಲ್ಲರೂ ಹೆಚ್ಚುಹೆಚ್ಚಾಗಿ ಪಡೆದುಕೊಳ್ಳಬೇಕು ಎಂದು ಜನೌಷಧಿ ಕೇಂದ್ರ ನಡೆಸುತ್ತಿರುವ ಚಂದನ್ ದೊಡ್ಡಗುಣಿ ಅವರು ಪತ್ರಿಕೆಯ ಮೂಲಕ ಸಾರ್ವಜನಿಕರಲ್ಲಿ ಮನವಿ ಮಾಡಿದರು.
