ಕೋವಿಡ್ ನಿಂದ ತಾಯಿ ಸಾವು ಕೇಳಿದ ಮಗಳು ಹೃದಯಾಘಾತಕ್ಕೆ ಬಲಿ

ತುಮಕೂರು: ಕೋವಿಡ್ ನಿಂದ ತಾಯಿ ಸಾವಿಗೀಡಾದ ಸುದ್ದಿ ಕೇಳಿದ ತಕ್ಷಣ ಎದೆ ಒಡೆದು ಮಗಳು ಸಾವಿಗೀಡಾದ ಘಟನೆ ತುಮಕೂರು ನಗರದಲ್ಲಿ ಇಂದು ನಡೆದಿದೆ.

ಮಲ್ಲಿಕಾ _(45) ಕೊರನಾದಿಂದ ಬಳಲುತ್ತಿದ್ದು ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಮಧ್ಯ ರಾತ್ರಿ ಸಾವಿಗೀಡಾಗಿದ್ದರು.

ಮಗಳಿಗೆ ಕೊರನಾ ಇರಲಿಲ್ಲ. ಮನೆಯಲ್ಲಿಯೇ ಇದ್ದಳು. ಇಂದು ಬೆಳಿಗ್ಗೆ 10 ಗಂಟೆ ಸುಮಾರಿಗೆ ತಾಯಿ ಸಾವಿ‌ನ ಸುದ್ದಿ ಮನೆಗೆ ಮುಟ್ಟಿದೆ. ಮಧ್ಯಾಹ್ನ 1 ಗಂಟೆ ಸುಮಾರಿ ಏಕಾಏಕಿ ತೀವ್ರ ಎದೆ ನೋವಿನಿಂದ ಕಿರುಚುತ್ತಿದ್ದ ಮಗಳನ್ನು ಆಸ್ಪತ್ರೆ ಗೆ ಕರೆದೊಯ್ಯುವ ಮಾರ್ಗ ಮಧ್ಯೆದಲ್ಲಿ ಸಾವಿಗೀಡಾದರು.

ಮಗಳನ್ನು ಜಾಗೃತಿ (19) ಎಂದು ಗುರುತಿಸಲಾಗಿದೆ.

ಅಮ್ಮನಿಗೆ ಕೊರೊನಾ ಪಾಸಿಟಿವ್ ಬಂದಿತ್ತು. ಆಸ್ಪತ್ರೆಗೆ ಸೇರಿಸಿದ್ದವು. ಅಕ್ಕನಿಗೆ ಕೊರೊನಾ ಇರಲಿಲ್ಲ. ಮನೆಯಲ್ಲಿಯೇ ಇದ್ದಳು.

ಆಕೆ ವಿಶೇಷ ಚೇತನಳಾಗಿದ್ದು, ಅಮ್ಮಾನೊಂದಿಗೆ ಅವಿನಾಭಾವ ಸಂಬಂಧ ಇತ್ತು. ಅಮ್ಮ ಎಂದರೆ ಆಕೆಗೆ ವಿಶೇಷ ಪ್ರೀತಿ. ನಿನ್ನೆಯಷ್ಟೇ ಅಕ್ಕನೊಂದಿಗೆ ಆಡಿಕೊಂಡು ಟಿವಿ ನೋಡಿದ್ದೆ ಎಂದು ಮೃತಳ ಸಹೋದರ ಪಬ್ಲಿಕ್ ಸ್ಟೋರಿ ಜತೆ ಮಾತನಾಡಿ ನೋವು ತೋಡಿಕೊಂಡರು.