ತಿರುವನಂತಪುರಂ: ವಿಷದ ನಾಗರ ಹಾವನ್ನು ತಂದು ಮಲಗಿದ್ದ ಹೆಂಡತಿ ಪಕ್ಕ ಬಿಟ್ಟು ಆಕೆಗೆ ಹಾವು ಕಚ್ಚುವುದನ್ನು ನೋಡುತ್ತಾ ನಿಂತಿದ್ದ ಗಂಡ ಈಗ ಜೈಲು ಪಾಲಾಗಿದ್ದಾನೆ.
ಕೇರಳದ ಕೊಲ್ಲಂ‌ನಲ್ಲಿ ಈ ಘಟನೆ ನಡೆದಿದ್ದು ಪತ್ನಿ ಉತ್ರ ಸಾವಿಗೀಡಾಗಿದ್ದಾಳೆ.
ಗಂಡನನ್ನು ಸೂರಜ್ ಎಂದು ಗುರುತಿಸಲಾಗಿದ್ದು, ಖಾಸಗಿ ಬ್ಯಾಂಕ್ ವೊಂದರ ಉದ್ಯೋಗಿ ಎನ್ನಲಾಗಿದೆ.
ಹಾವು ಮನೆಯೊಳಗೆ ಬರಲು ಸಾಧ್ಯವೇ ಇಲ್ಲ. ಅಳಿಯನ ಕಿತಾಪತಿ ಇರಬಹುದೆಂದು ಹೆಂಡತಿ ಮನೆಯವರ ದೂರು ಆಧರಿಸಿ ಪೊಲೀಸರು ಆರೋಪಿಯನ್ನು ವಿಚಾರಣೆ ನಡೆಸಿದಾಗ ಆತ ನಿಜ ಒಪ್ಪಿಕೊಂಡನು ಎಂದು ಪೊಲೀಸರು ತಿಳಿಸಿದ್ದಾರೆ.
ಹಾವು ಖರೀದಿಸಿ ತಂದಿದ್ದಾಗಿ ಆತ ಹೇಳಿದ್ದಾನೆ.
