ತುಮಕೂರು ಲೈವ್

ಪ್ರೀತಿ ಮಾಡುವಂತೆ ಕಾಟ: 6 ವರ್ಷ ಜೈಲು ಶಿಕ್ಷೆ

Publicstory


ತುರುವೇಕೆರೆ: ತಾಲ್ಲೂಕಿನ ಕಸಬಾದ ತೊರೆಮಾವಿನಹಳ್ಳಿ ಗ್ರಾಮದ 16 ವರ್ಷದ ಅಪ್ರಾಪ್ತ ಬಾಲಕಿಯನ್ನು ಪ್ರೀತಿ ಮಾಡುವಂತೆ ಒತ್ತಾಯಿಸಿ, ಬಲತ್ಕಾರಕ್ಕೆ ಯತ್ನಿಸಿದ ಆರೋಪದಡಿ ಜಿಲ್ಲಾ ಸೆಷನ್ ನ್ಯಾಯಾಲಯ ಆರೋಪಿಗೆ ಪೋಸ್ಕೋ ಕಾಯಿದೆಯಡಿ 6 ವರ್ಷ ಜೈಲುವಾಸ ವಿಧಿಸಿದೆ.

ಆರೋಪಿ ತೊರೆಮಾವಿನಹಳ್ಳಿ ಗ್ರಾಮದ ಭೈರೇಶ್(24). ಅದೇ ಗ್ರಾಮದ ಬಾಲಕಿಯನ್ನು ಪ್ರೀತಿ ಮಾಡುವಂತೆ ಪೀಡಿಸಿದ್ದರಿಂದ ಸಂತ್ರಸ್ತೆಯ ಪೋಷಕರು ಠಾಣೆಗೆ ದೂರು ನೀಡಿದ ಹಿನ್ನೆಲೆಯಲ್ಲಿ ಆರೋಪಿ ಭೈರೇಶ್ ನನ್ನು 2018ರಲ್ಲಿ ಪಟ್ಟಣದ ಪೊಲೀಸರು ಕಲಂ 12ರ ಪೋಸ್ಕೋ ಕಾಯಿದೆಯಡಿ ಹಾಗು 114, 506 ಮತ್ತು 34 ಐಪಿಸಿ ಸೆಕ್ಷನ್ ಕಾಯಿದೆಯಡಿ ಬಂಧಿಸಿದ್ದರು.

ತ್ವರಿತ ಜಿಲ್ಲಾ ನ್ಯಾಯಾಲಯ ಸದರಿ ಆರೋಪಿಯ ಆರೋಪ ಸಾಭೀತಾದ ಹಿನ್ನೆಲೆಯಲ್ಲಿ ಆರೋಪಿಗೆ 6 ವರ್ಷ ಜೈಲು ಮತ್ತು 25 ಸಾವಿರ ದಂಡವನ್ನು ವಿಧಿಸಿದೆ.

ಈ ಪ್ರಕರಣದ ಬಗ್ಗೆ ವಾದಿಸಿದ ಗಾಯಿತ್ರಿರಾಜು ಮತ್ತು ಪಟ್ಟಣದ ಪಿಎಸ್ಐ ಪ್ರೀತಂ ಮತ್ತು ಸಿಬ್ಬಂದಿಯನ್ನು ಜಿಲ್ಲಾ ಪೊಲೀಸ್ ವರಿಷ್ಟರು ಶ್ಲಾಘಿಸಿದ್ದಾರೆಂದು ಪಟ್ಟಣದ ಪೊಲೀಸರು ತಿಳಿಸಿದ್ದಾರೆ.

Comment here