Publicstory. in
ತುರುವೇಕೆರೆ: ಸ್ಥಳೀಯ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ತಾಲ್ಲೂಕಿನ ಮತದಾರರು ಶೇ.61 ರಷ್ಟು ಜೆಡಿಎಸ್ ಪಕ್ಷಕ್ಕೆ ಮತ ನೀಡಿದ್ದಾರೆ ಎಂದು ಮಾಜಿ ಶಾಸಕ ಎಂ.ಟಿ.ಕೃಷ್ಣಪ್ಪ ತಿಳಿಸಿದರು.
ಪಟ್ಟಣದ ಎಪಿಎಂಸಿ ಆವರಣದಲ್ಲಿ ನಡೆದ ಸುದ್ದಿ ಗೋಷ್ಠಿಯಲ್ಲಿ ಮಾತನಾಡಿದ ಅವರು, ತಾಲ್ಲೂಕಿನ 27 ಗ್ರಾಮ ಪಂಚಾಯಿತಿಯ 400 ಅಭ್ಯರ್ಥಿಗಳಲ್ಲಿ ಸುಮಾರು 245 ಜೆಡಿಎಸ್ ಬೆಂಬಲಿತ ಸದಸ್ಯರು ಆಯ್ಕೆಯಾಗಿದ್ದಾರೆ. ಹಡವನಹಳ್ಳಿ 8, ಅಮ್ಮಸಂದ್ರ 7, ದಂಡಿನಶಿವರ9, ಹುಲ್ಲೆಕೆರೆ5, ಕೊಂಡಜ್ಜಿ 9, ಸಂಪಿಗೆ 6, ಸಂಪಿಗೆಹೊಸಳ್ಳಿ 10, ಬಾಣಸಂದ್ರ 10,
ಲೋಕಮ್ಮನಹಳ್ಳಿ 8, ಮುನಿಯೂರು 5, ಆನೆಕೆರೆ 14, ಕೊಡಗಿಹಳ್ಳಿ 8, ಮಾದಿಹಳ್ಳಿ 10, ತಾಳಕೆರೆ 9, ದೆಬ್ಬೇಘಟ್ಟ 6, ಅರೇಮಲ್ಲೇನಹಳ್ಳಿ 7, ತಮಡಗ 11, ಮಾವಿನಕೆರೆ 6, ಗೋಣಿತುಮಕೂರು 10, ಮುತ್ತಗದಹಳ್ಳಿ 12, ಮಾಯಸಂದ್ರ 13, ಸೊರವನಹಳ್ಳಿ 11, ವಡವನಘಟ್ಟ 9, ಮಣೆಚಂಡೂರು 9, ಶಟ್ಟಗೊಂಡನಹಳ್ಳಿ 5 ಸ್ಥಾನಗಳನ್ನು ಪಡೆದಿದೆ.
ಸಿ.ಎಸ್ ಪುರ ಹೋಳಿಯ 7 ಪಂಚಾಯಿತಿ ಜೆಡಿಎಸ್ ಅಧಿಕಾರ ಹಿಡಿಯಲಿದೆ. ಚಂಗಾವಿ 8, ಮಾವನಹಳ್ಳಿ, 8, ಇಡಗೂರು 9, ಸಿಎಸ್ ಪುರ 9, ಹಿಂಡಿಸ್ಕೆರೆ 10, ಕಲ್ಲೂರು 9 ಪಂಚಾಯಿತಿಗಳಲ್ಲಿ ಅಧಿಕಾರ ಹಿಡಿಯಲಿದ್ದೇವೆ ಕ್ಷೇತ್ರದ ಎಲ್ಲ ಮತದಾರಿಗೂ ಕೃತಜ್ಙತೆಗಳನ್ನು ಸಲ್ಲಿಸುವುದಾಗಿ ತಿಳಿಸಿದರು.
ಸುದ್ದಿ ಗೋಷ್ಠಿಯಲ್ಲಿ ತಾಲ್ಲೂಕು ಪಂಚಾಯಿತಿ ಸದಸ್ಯರಾದ ಸ್ವಾಮಿ, ರವಿ ಎಪಿಎಂಸಿ ಅಧ್ಯಕ್ಷ ಮಧು, ಸದಸ್ಯರಾದ ನಾಗರಾಜು, ಮುಖಂಡರಾದ ವೆಂಕಟಾಪುರದ ಯೋಗೀಶ್, ಡಾ.ಚೇತನ್, ರಂಗನಾಥ್, ನರಸೇಗೌಡ, ನರಸಿಂಹಮೂರ್ತಿ, ನಂಜೇಗೌಡ, ಗಂಗಣ್ಣ, ಬಸವರಾಜು ಇತರರು ಇದ್ದರು.
