ಕ್ರೈಂ

ಸರಗಳ್ಳರ ಬಂಧನ ;  ಗ್ರಾಮಸ್ಥರೇ ಕಳ್ಳರನ್ನು ಹಿಡಿದದ್ದು ಹೇಗೆ ಗೊತ್ತಾ?

Publicstory/prajayoga

ತುರುವೇಕೆರೆ : ತಾಲೂಕಿನ ಹಾಲುಗೊಂಡನಹಳ್ಳಿಯಲ್ಲಿ ಹಾಡುಹಗಲಲ್ಲೇ ಮಹಿಳೆಯೊಬ್ಬರ ಚಿನ್ನದ ಮಾಂಗಲ್ಯ ಸರ ಕಸಿದು  ಪರಾರಿಯಾಗುತ್ತಿದ್ದ   ಸರಗಳ್ಳರನ್ನು  ಗ್ರಾಮಸ್ಥರೇ ಹಿಡಿದು ಪೊಲೀಸರಿಗೊಪ್ಪಿಸಿದ ಘಟನೆ ನಡೆದಿದೆ.

ತಾಲೂಕಿನ ದಂಡಿನಶಿವರ ಠಾಣಾ ವ್ಯಾಪ್ತಿಯ  ಹಾಲುಗೊಂಡನಹಳ್ಳಿ ಗ್ರಾಮದ ಸುಜಾತ ಎಂಬ ಮಹಿಳೆ ಗ್ರಾಮದ ದೇಗುಲಕ್ಕೆ ತೆರಳುತ್ತಿದ್ದರು. ಆ ವೇಳೆ ಪಲ್ಸರ್ ಬೈಕಿನಲ್ಲಿ ಹಿಂಬಾಲಿಸಿದ ಯುವಕರಿಬ್ಬರು ಮಹಿಳೆಯಿಂದ ಸರ ಕಸಿದು ಪರಾರಿಯಾಗಲು ಮುಂದಾಗಿದ್ದರು.  ಸರ ಕಳೆದುಕೊಂಡ ಮಹಿಳೆ ಕೂಗಿಕೊಂಡ ಹಿನ್ನಲೆಯಲ್ಲಿ ಅಲ್ಲಿಯೇ ಇದ್ದ ಗ್ರಾಮಸ್ಥರಾದ ಕುಮಾರ್ ಮತ್ತಿತರರು ಪಲ್ಸರ್ ಬೈಕ್ ಅಡ್ಡಗಟ್ಟಿ ಇಬ್ಬರು ಸರಗಳ್ಳರನ್ನು ಹಿಡಿದಿದ್ದಾರೆ. ಆನಂತರ ಸರಗಳ್ಳರನ್ನು ದಂಡಿನಶಿವರ ಪೋಲೀಸರಿಗೊಪ್ಪಿಸಿದ್ದಾರೆ.

ಸರಗಳ್ಳರು  ಹಾಸನ ಜಿಲ್ಲೆಯ ದಿಡಗ ಸಮೀಪದ ಹುಲ್ಲೇನಹಳ್ಳಿ ವಾಸಿಗಳಾದ ಯೋಗೀಶ್ (23) ಹಾಗೂ ರಾಜೇಶ್ (23) ಎಂದು   ಪೋಲೀಸರು ಮಾಹಿತಿ ನೀಡಿದ್ದಾರೆ.
ಪ್ರಕರಣ ಕುರಿತಂತೆ ಸಿಪಿಐ. ಗೋಪಾಲನಾಯ್ಕ ಹಾಗೂ ಪಿಎಸ್ಐ ರಾಮಚಂದ್ರ ಸ್ಥಳೀಯರಿಂದ ಮಾಹಿತಿ ಪಡೆದಿದ್ದಾರೆ. ಸರ ಕಳೆದುಕೊಂಡ ಮಹಿಳೆ ಸುಜಾತ ನೀಡಿದ ದೂರಿನ ಮೇರೆಗೆ ದಂಡಿನಶಿವರ ಪೋಲೀಸರು ಪ್ರಕರಣ ದಾಖಲಿಸಿ ಕ್ರಮಕ್ಕೆ ಮುಂದಾಗಿದ್ದಾರೆ.

Comment here