ಅಪಘಾತ, ಅವಘಡ, ಆಕಸ್ಮಿಕಕ್ರೈಂ

ಬಸ್ ಡಿಕ್ಕಿ : 3 ಕೋಣಗಳು ಸಾವು ; ಬೈಕ್ ಸವಾರನಿಗೆ ತೀವ್ರ ಗಾಯ

Publicstory/prajayoga

ತುರುವೇಕೆರೆ: ಕೆಎಸ್ಆರ್ಟಿಸಿ ಸಾರಿಗೆ ಬಸ್ ಡಿಕ್ಕಿ ಹೊಡೆದು ಮೂರು ಕೋಣಗಳು ಸ್ಥಳದಲ್ಲೇ ಮೃತಪಟ್ಟಿದ್ದು, ಬೈಕ್ ಸವಾರನಿಗೆ ತೀವ್ರ ಗಾಯವಾಗಿರುವ ಘಟನೆ  ತಾಲೂಕಿನ ಬಾಣಸಂದ್ರದಲ್ಲಿ ಇಂದು ರಾತ್ರಿ ನಡೆದಿದೆ.

ಬೈಕ್ ಸವಾರ ಶಿವಕುಮಾರ್ ಗಾಯಗೊಂಡ ವ್ಯಕ್ತಿ.
ಕೆ.ಬಿ.ಕ್ರಾಸ್ ಕಡೆಯಿಂದ ತುರುವೇಕೆರೆಗೆ ಬಸ್ ಸಾಗಿ ಬರುತ್ತಿತ್ತು. ತೋಟಕ್ಕೆ ಮೇಯಲು ಹೋಗಿದ್ದ 6 ಕೋಣಗಳು ಮನೆಗೆ ವಾಪಸ್ಸಾಗುತ್ತಿದ್ದ ವೇಳೆ ಈ ದುರ್ಘಟನೆ ಸಂಭವಿಸಿದ್ದು, ಸ್ಥಳದಲ್ಲೇ ಮೂರು ಮೃತಪಟ್ಟಿವೆ. ಚಾಲಕನ ನಿಯಂತ್ರಣ ತಪ್ಪಿದ ಬಸ್, ಕೋಣಗಳಿಗೆ ಡಿಕ್ಕಿಹೊಡೆದ ನಂತರ ಬೈಕ್ ಸವಾರನಿಗೆ ಗುದ್ದಿದೆ. ತೀವ್ರತರ ಗಾಯಗೊಂಡ ಶಿವಕುಮಾರ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಬಾಣಸಂದ್ರ ರಸ್ತೆಯಲ್ಲಿ ಹಂಪ್ಸ್‌ಗಳು ಇಲ್ಲದಿರುವುದು ಅಪಘಾತಗಳಿಗೆ ಕಾರಣವಾಗಿದೆ. ಶೀಘ್ರವಾಗಿ ರಸ್ತೆ ಉಬ್ಬುಗಳ ನಿರ್ಮಾಣ ಮಾಡಬೇಕೆಂದು ಸ್ಥಳೀಯರು ಆಗ್ರಹಿಸಿದರು.

Comment here