ಜನಮನ

ಥಾಮ್ಸನ್ ರಾಯಿಟರ್ಸ್ ವರದಿಯೂ ಭಾರತದಲ್ಲಿ ಹೆಣ್ಣಿನ ಸ್ಥಾನ‌

ನಾಗಶ್ರೀ. ಪಿ. ಎಸ್


ಸ್ತ್ರೀ ಅಥವಾ ಮಹಿಳೆ ಎಂಬ ಪದವು ಸಂಸ್ಕೃತ ಪದವಾಗಿದೆ, ಈ ಪದಕ್ಕೆ ಕನ್ನಡದಲ್ಲಿ ಹೆಣ್ಣು ಎಂಬ ಅರ್ಥವಿದೆ.

ಇದು ನಾಗರಿಕ ಗೌರವದ ಮತ್ತು ಪುರುಷ ಪದದ ಸಮಾನ ಪದ ವಾಗಿದ್ದು ವಯಸ್ಕ ಹೆಣ್ಣನ್ನು ಸೂಚಿಸಲು ಬಳಸುತ್ತಾರೆ.

ಆದಿಯಿಂದಲೂ ಸೃಷ್ಟಿಯ ಮೂಲ ಸ್ತ್ರೀಯಾಗಿದ್ದ್ದಾಳೆ. ಭಾರತ ಸಂಸ್ಕೃತಿಯಲ್ಲಿ ಹೆಣ್ಣಿಗೆ ಅವಳದೇ ಆದ ಗೌರವ, ಸ್ಥಾನಮಾನ ಗಳಿರುವುದನ್ನು ಗುರುತಿಸಬಹುದಾಗಿದೆ.
ಸ್ತ್ರಿ ಅವಿನಾಶಿ ಸಂಜೀವಿನಿ ಹೆಣ್ಣು, ವಿಶಿಷ್ಟ ಶಕ್ತಿಗಳ ಸಂಗಮ.

ಮಮತೆ, ಕರುಣೆ,ವಾತ್ಸಲ್ಯ, ಅಕ್ಕರೆ, ಮತ್ತು ಭೂಮಿ ತೂಕದ ತಾಳ್ಮೆ ಉಳ್ಳ ಸ್ತ್ರೀ ಒಂದು ಪ್ರಬಲ ಶಕ್ತಿ ಎಂಬುದರಲ್ಲಿ ಎರಡನೆಯ ಮಾತಿಲ್ಲ.

ಇಂದು ಎಲ್ಲಾ ಕ್ಷೇತ್ರಗಳಲ್ಲೂ ಹೆಣ್ಣು ತನ್ನದೇ ಆದ ಛಾಪನ್ನು ಮೂಡಿಸಿದ್ದಾಳೆ.
ಯಾವ ಕೆಲಸವೂ ನನ್ನಿಂದ ಆಗದು ಎಂದು ಕೂರುವ ಮಾತೇ ಸ್ತ್ರಿಯ ಬಳಿ ಇಲ್ಲ.

ಯಾವ ಕೆಲಸವನ್ನಾದರೂ ಸರಿಯೇ ತನ್ನದೇ ಆದ ಶೈಲಿಯಲ್ಲಿ ನಿಭಾಯಿಸಿ ಎಲ್ಲಾ ಕೆಲಸಗಳಲ್ಲೂ ಜಯವನ್ನು ಸಾಧಿಸುವುದು ಹೆಣ್ಣಿನ ಮತ್ತೊಂದು ಶಕ್ತಿ.

ಆದರೆ ಭಾರತದಲ್ಲಿ ಇತ್ತೀಚಿಗೆ ಮಹಿಳೆಯರು ವಾಸಿಸಲು ಅಪಾಯಕಾರಿ ವಾತಾವರಣ ನಿರ್ಮಾಣವಾಗುತಿರುವ ಕಾರಣ ಹೆಚ್ಚು ಗಮನಾರ್ಹವಾದ ವಿಷಯವಾಗಿದೆ.

2011ರ ಥಾಮ್ಸನ್ ರಾಯಿಟರ್ಸ್ ಫೌಂಡೇಶನ್ ಒಂದು ಸಮೀಕ್ಷೆಯನ್ನು ಮಾಡಿತ್ತು, ಆ ಸಮೀಕ್ಷೆಯಲ್ಲಿ ತಿಳಿದುಬಂದದ್ದು ಏನೆಂದರೆ
ಸ್ತ್ರೀಯರಿಗೆ ಸುರಕ್ಷಿತವಲ್ಲದ ಸ್ಥಳಗಳಲ್ಲಿ ಭಾರತವು ನಾಲ್ಕನೆಯ ಸ್ಥಾನದಲ್ಲಿದೆ ಎಂಬ ವಿಷಯವು ನೋವಿನ ಸಂಗತಿಯಾಗಿದೆ.

ಇನ್ನುಮುಂದಾದರೂ ಹೆಣ್ಣನ್ನು ಅಬಲೆ ಎಂದು ಅಲ್ಲಗಳೆಯದೆ ಪುರುಷರಿಗೆ ಸಮಾನವಾಗಿ ಕಾಣುತ್ತಾ ಸಮಾಜದಲ್ಲಿ ಹೆಣ್ಣಿಗೆ ಒಳ್ಳೆಯ ಗೌರವ, ಸ್ಥಾನಮಾನವನ್ನು ನೀಡುವುದರ ಮೂಲಕ ಪ್ರತಿಯೊಂದು ಹೆಣ್ಣನ್ನು ಗೌರವಿಸಬೇಕು….


ನಾಗಶ್ರೀ. ಪಿ. ಎಸ್ ಅವರು ತುಮಕೂರು ವಿಶ್ವವಿದ್ಯಾನಿಲಯ ಪತ್ರಿಕೋದ್ಯಮ ವಿದ್ಯಾರ್ಥಿ.

Comments (2)

  1. ವಿದ್ಯಾರ್ಥಿ ದಿಸೆಯಲ್ಲಿ ಬರಹದ ಸ್ಕಿಲ್ ಬೆಳೆಸಿಕೊಂಡು ಮುನ್ನುಗ್ಗುತ್ತಿರುವುದು ಉತ್ತಮ ಬೆಳವಣಿಗೆ… ನಾಗಶ್ರೀ ಬರವಣಿಗೆ ಮುಂದುವರೆಸಿ💐💐💐

  2. Thank u so much
    ನಿಮ್ಮ ಆಶಿರ್ವಾದ ಹೀಗೆ ಇರಲಿ 💐👏

Comment here