Publicstory. in
ತುಮಕೂರು: ರೂಪಾಂತರಗೊಂಡಿರುವ ಬ್ರಿಟನ್ ಕೊರೊನಾ ವೈರಸ್ ಸದ್ಯಕ್ಕೆ ತುಮಕೂರು ತಲುಪಿಲ್ಲ.
ರೂಪಾಂತರಗೊಂಡ ವೈರಸ್ ನಿಂದ ಅಪಾಯ ಇಲ್ಲ, ಇದೊಂದು ಸಹಜ ಪ್ರಕ್ರಿಯೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಸೇರಿದಂತೆ ಹಲವರು ಹೇಳುತ್ತಿದ್ದರೂ ಜನರು ಭಯಭೀತಿ ದೂರವಾಗಿಲ್ಲ.
ಬ್ರಿಟನ್ ದೇಶದಿಂದ ತುಮಕೂರು ಜಿಲ್ಲೆಗೆ ಐವರು ಬಂದಿದ್ದರು. ಇವರೆಲ್ಲರೂ ತುಮಕೂರಿನವರೇ ಆಗಿದ್ದು, ಅಲ್ಲಿ ಕೆಲಸದ ಮೇಲೆ ಇದ್ದರು.
ತುಮಕೂರು ನಗರದಲ್ಲಿ ನಾಲ್ಕು, ತಿಪಟೂರಿನಲ್ಲಿ ಒಬ್ಬರು ಒಂದಿಳಿದ್ದರು.ಸುದ್ದಿ ಗೊತ್ತಾಗುತ್ತಿದ್ದಂತೆ ಇವರನ್ನು ಸಾಂಸ್ಥಿಕ ಕ್ವಾರಂಟೈನ್ ಗೆ ಒಳಪಡಿದ ಆರೋಗ್ಯ ಇಲಾಖೆ ಕೊರೊನಾ ಪರೀಕ್ಷೆಗೆ ಒಳಪಡಿಸಿತ್ತು.
ಕಾರ್ಟೂನ್‌ ಕಾರ್ನರ್: ಮುಸ್ತಫ ರಿಬ್ಬನ್ ಪೇಟೆ
ಆರ್ ಟಿಪಿ ಆರ್ ಎಸ್ ಪರೀಕ್ಷೆಯಲ್ಲಿ ಐವರಿಗೂ ನೆಗಟಿವ್ ಫಲಿತಾಂಶ ಬಂದಿದ್ದು, ಜನರು ಆತಂಕ ಪಡುವ ಅಗತ್ಯ ಇಲ್ಲ ಎಂದು ಡಿಎಚ್ ಓ ಡಾ. ನಾಗೇಂದ್ರಪ್ಪ ತಿಳಿಸಿದ್ದಾರೆ.
ಸದ್ಯಕ್ಕೆ ಬ್ರಿಟನ್ ದೇಶಕ್ಕೆ ಹಾಗೂ ಅಲ್ಲಿಂದ ಬರುವ ವಿಮಾನಗಳನ್ನು ಕೇಂದ್ರ ಸರ್ಕಾರ ರದ್ದುಪಡಿಸಿದೆ.
ಇಂದಿನಿಂದ ರಾತ್ರಿ ಕರ್ಪ್ಯೂ ಸಹ ಹೇರಲಾಗಿದೆ. ಜನರು ಮಾಸ್ಕ್ ಧರಿಸುವುದು,ಕಡ್ಡಾಯ ಅಂತರದ ಮೂಲಕ ಎಚ್ಚರವಹಿಸಬೇಕಾಗಿದೆ.
