ಸಾರಾ ನಿಧನಕ್ಕೆ: ಕಲೇಸಂ ಜಿಲ್ಲಾ ಶಾಖೆ ತುಮಕೂರು ಸಂತಾಪ

ನಾಡೋಜ ಪುರಸ್ಕೃತರಾದ ಸಾರಾ ಅಬೂಬಕ್ಕರ್ ಅವರು ಇಂದು ಅನಾರೋಗ್ಯದಿಂದ ತಮ್ಮ 87 ನೆಯ ವಯಸ್ಸಿನಲ್ಲಿ ನಮ್ಮನ್ನಗಲಿದ್ದಾರೆ.
ಕನ್ನಡ ಸಾಹಿತ್ಯ ಲೋಕಕ್ಕೆ ಅಮೂಲ್ಯವಾದ ಕೃತಿಗಳನ್ನು ಕೊಟ್ಟಿರುವರು.ಲಂಕೇಶ್ ಪತ್ರಿಕೆಗೆ ಬರೆಯುವ ಮೂಲಕ
ತಡವಾಗಿ ಬರವಣಿಗೆ ಶುರು ಮಾಡಿದ ಇವರು
ಮುಸ್ಲಿಂ ಹೆಣ್ಣುಮಕ್ಕಳ ತವಕ ತಲ್ಲಣಗಳನ್ನು ತಮ್ಮ ಬರಹಗಳಲ್ಲಿ ಅಭಿವ್ಯಕ್ತಿಸಿದ್ದಾರೆ ,ಇದಕ್ಕಾಗಿ ಹಲವರ ಕೆಂಗಣ್ಣಿಗೂ ಗುರಿಯಾದ ಸಾರಾರವರು ,ಯಾವ ಬೆದರಿಕೆಗಳಿಗೂ ಜಗ್ಗದೆ ,ತಮಗೆ ಅನಿಸಿದ್ದನ್ನು ನೇರವಾಗಿ ,ಧೈರ್ಯ ದಿಂದ ಹೇಳುತ್ತಿದ್ದ ಹೆಣ್ಣುಮಗಳು .

ಸಾರಾರವರ ನಿಧನಕ್ಕೆ ,ಕರ್ನಾಟಕ ಲೇಖಕಿಯರ ಸಂಘ ತುಮಕೂರು ಜಿಲ್ಲಾ ಶಾಖೆಯ ಅಧ್ಯಕ್ಷರಾದ ಮಲ್ಲಿಕಾ ಬಸವರಾಜು ಮತ್ತು ಕಾರ್ಯಕಾರಿ ಸಮಿತಿಯ ಸದಸ್ಯರು
ಸಂತಾಪಗಳನ್ನು ವ್ಯಕ್ತಪಡಿಸಿರುತ್ತಾರೆ.