Publicstory
ತುರುವೇಕೆರೆ: ಕೋವಿಡ್-19ರ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರ ಹೊರಡಿಸಿದ ಮಾರ್ಗಸೂಚಿಯನ್ನು ದಿಕ್ಕರಿಸಿ ಸಾರ್ವಜನಿಕರನ್ನು ಗುಂಪು ಹಾಕಿಕೊಂಡು ಕಾರ್ಯಕ್ರಮ ಮಾಡಿದ ಆರೋಪದಡಿಯಲ್ಲಿ ಪಟ್ಟಣ ಪಂಚಾಯಿತಿ ಸದಸ್ಯ ಸೇರಿದಂತೆ 9 ಮಂದಿಯ ಮೇಲೆ ಪಟ್ಟಣದ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಪಟ್ಟಣದ ಹೊರಪೇಟೆಯ ಯಜಮಾನ್ ಮಹೇಶ್, ದೇವೇಗೌಡ ಬಡಾವಣೆಯ ಮಲ್ಲಿಕಾರ್ಜುನ್, ಚಂದ್ರಶೇಖರ್, ಸ್ವರ್ಣಾಂಬ ಪ್ರಾವಿಜನ್ ಸ್ಟೋರ್ನ ರಾಜೇಶ್, ಹೊರಪೇಟೆಯ ಚಿದಾನಂದ, ಎಂ.ಬೇವಿನಹಳ್ಳಿಯ ಮಹಾಲಿಂಗಯ್ಯ, ಯೋಗೇಶ್ ಟ್ರೇಡ್ ಮಾಲೀಕ ಯೋಗೇಶ, ವಿನಾಯಕ ಕುಂಕುಮ ಅಂಗಡಿಯ ಜಗದೀಶ್, ಬಸವೇಶ್ವರ ನಗರದ ಕಲ್ಯಾಣ ಸ್ವಾಮಿಯನ್ನು ಪ್ರಕರಣದ ಆರೋಪಿಗಳೆಂದು ಪೊಲೀಸರು ಗುರುತಿಸಿದ್ದಾರೆ.ಘಟನೆ: ಕೊರೊನಾ ಸೋಂಕಿನ ಹಿನ್ನೆಲೆಯಲ್ಲಿ ತಾಲ್ಲೂಕಿನಲ್ಲಿ ಯಾವುದೇ ಮೆರವಣಿಗೆ ಹಾಗು ಇನ್ನಿತರ ಜನರು ಸೇರುವ ಕಾರ್ಯ ಕ್ರಮಗಳನ್ನು ಮಾಡಬಾರದೆಂದು ಸರ್ಕಾರ ಕಟ್ಟುನಿಟ್ಟಿನ ಆದೇಶ ಹೊರಡಿಸಿದ್ದರೂ ಸಹ ಮಾ.29ರ ರಾತ್ರಿ 8 ಗಂಟೆಯ ಸಮಯದಲ್ಲಿ ಮೇಲಿನ 9 ಆರೋಪಿಗಳು ಇಲ್ಲಿನ ಕೋಡಿಬಸವೇಶ್ವರ ಸ್ವಾಮಿಯ ಧಾರ್ಮಿಕ ಕಾರ್ಯಕ್ರಮದ ಮೆರವಣಿಗೆಯನ್ನು ಮಾಡಿದ್ದರಿಂದ ರಾಷ್ಟ್ರೀಯ ವಿಪತ್ತು ಕಾಯ್ದೆ 2005 ಮತ್ತು ಕಲಂ60ರ ಅಡಿಯಲ್ಲಿ ಮಾ.30ರಂದು ಪಿಎಸ್.ಐ.ಪ್ರೀತ್ ಅವರು ಸರ್ಕಾರದ ನಿರ್ದೇಶನದ ಮೇರೆಗೆ ಈ ಪ್ರಕರಣಕ್ಕೆ ಸಂಬಂಧಿಸಿದ ಒಂಬತ್ತು ಮಂದಿಯ ಮೇಲೆ ಪ್ರಕರಣ ದಾಖಲಿಸಿ ನ್ಯಾಯಾಲಯಕ್ಕೆ ಸಲ್ಲಿಸಲಾಗಿದೆಂದು ತಿಳಿಸಿದ್ದಾರೆ.
