ಶಿರಾ: ತಾಲೂಕಿನ ಜನತೆ ಕಾನೂನುಬದ್ಧವಾದ ತಮ್ಮ ಹಕ್ಕುಗಳನ್ನು ಪಡೆಯಲು, ಯಾರಿಗೂ ಲಂಚ ನೀಡದೆ ಪ್ರಾಮಾಣಿಕವಾಗಿ ಕೆಲಸ ಮಾಡಿಸಿಕೊಳ್ಳಲು ಮತ್ತು ಜಿಲ್ಲೆಯ ಪಾರದರ್ಶಕ ಆಡಳಿತ ಸ್ಥಾಪನೆಗೆ ಸಾರ್ವಜನಿಕರು ಕರ್ನಾಟಕ ರಾಷ್ಟ್ರ ಸಮಿತಿ ಪಕ್ಷವನ್ನು ಸಂಪರ್ಕಿಸಬಹುದು ಎಂದು ಪಕ್ಷದ ಜಿಲ್ಲಾಧ್ಯಕ್ಷ ಗಜೇಂದ್ರಕುಮಾರ್ ಗೌಡ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಮಧುಗಿರಿಯ ಎಸಿ ಕಚೇರಿಯಲ್ಲಿ ಎಸಿಬಿ ನಡೆಸಿದ ದಾಳಿಗೆ ಸಂಬಂಧಿಸಿಂತೆ ಭ್ರಷ್ಟರನ್ನು ಜೈಲಿಗೆ ಕಳುಹಿಸಿರುವುದರಲ್ಲಿ ಕೆಆರ್ಎಸ್ ಪಕ್ಷದ ಪಾತ್ರ ದೊಡ್ಡದು. ಶಿರಾ ತಾಲೂಕಿನಲ್ಲಿ ನಡೆಯುತ್ತಿರುವ ಭ್ರಷ್ಟಾಚಾರವನ್ನು ತಡೆಯಲು, ಲಂಚಮುಕ್ತ ಕರ್ನಾಟಕವನ್ನು ನಿರ್ಮಾಣ ಮಾಡಲು ಮತ್ತು ಜನ ಸಾಮಾನ್ಯರು ಗೌರವಯುತವಾಗಿ ಬದುಕುವಂತಹ ವಾತಾವರಣ ಕಲ್ಪಿಸಲು ನಮ್ಮ ಪಕ್ಷದ ಜೊತೆಗೂಡಿ ಮತ್ತು ಬೆಂಬಲಿಸಿ ಎಂದು ತಾಲೂಕು ಅಧ್ಯಕ್ಷ ನರಸಿಂಹರಾಜು ಸಿ.ಎನ್, ಶಿರಾ ಎಂಎಲ್‌ಎ ಅಭ್ಯರ್ಥಿ ಪ್ರದೀಪ್ ಕುಮಾರ್ ದೊಡ್ಡಮುದ್ದೇಗೌಡ ಅವರು ಮನವಿ ಮಾಡಿದ್ದಾರೆ.
