ಈರಪ್ಪ ನಾಯ್ಕರ್
ವ್ಯಾಲೆಂಟೈನ್ ಡೇ ಹತ್ತಿರ ಬಂದಿದೆ ಎಂದರೆ ಈ ದಿನದಂದೇ ತಮ್ಮ ತಮ್ಮ ಪ್ರೇಮ ನಿವೇದನೆಗಳನ್ನು ಹೇಳಲು ಆತುರ ಭಯ ಒಳಗೊಳಗೇ ಸಂಕಟ ಆದರೂ ಎಲ್ಲಿಲ್ಲದ ಧೈರ್ಯವನ್ನು ತೆಗೆದುಕೊಂಡು ಕೈಲೊಂದು ಉಡುಗೊರೆ ಹಿಡಿದು ತಮ್ಮ ಪ್ರೇಮ ನಿವೇದನೆ ಮಾಡಿಕೊಳ್ಳುವರು ಅನೇಕರು.
ಆದರೆ ನಮ್ಮ ಜೋಡಿಗಳು ಹಾಗಿಲ್ಲ ಕಣ್ರಿ, ಇವುಗಳು ಎಲ್ಲರಿಗಿಂತ ವಿಭಿನ್ನ ವಿಶಿಷ್ಟ ದಿನ. ಯಾಕೆಂದರೆ ಇವುಗಳಿಗೆ ನಿತ್ಯವೂ ಪ್ರೇಮ ದಿನ, ಪ್ರೇಮ ಮಯ ಎಂದರೆ ತಪ್ಪಾಗಲಾರದು.
ನಾನು ಇಂದು ಹೇಳ ಹೊರಟಿರುವುದು ಅಂತಹ ಜೀವನ ಸಂಗಾತಿಗಳ ಬಗ್ಗೆ ಅವುಗಳನ್ನು ನನ್ನ ಮೂರನೇ ಕಣ್ಣಿನಿಂದ ಸೆರೆ ಹಿಡಿದು ನಿಮ್ಮ ಮುಂದೆ ಈ ಲೇಖನದ ಮೂಲಕ ನೋಡಲು ಜೋಡಿ ಹಕ್ಕಿಗಳ ಚಿತ್ರಗಳು ಇಟ್ಟಿರುವೆ…
ಅಂದ ಹಾಗೆ ಇವುಗಳ ಛಾಯಾಚಿತ್ರಗಳೆಲ್ಲವನ್ನು ತೆಗೆದಿರುವುದು ಕಲಘಟಗಿ ತಾಲ್ಲೂಕಿನ ಮಿಶ್ರಿಕೋಟಿ ಗ್ರಾಮದ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ. ಒಂದು ಚಿತ್ರಗಳು ಒಂದೊಂದು ಜಾತಿಯ ಜೋಡಿ ಪಕ್ಷಿಗಳಾಗಿವೆ.
ಅದರಲ್ಲಿ ಪ್ರಮುಖವಾಗಿ ಬುಲ್ ಬುಲ್ ಹಕ್ಕಿ ಹೆಸರು ನೋಡಿ ಎಷ್ಟೊಂದು ಚೆನ್ನಾಗಿದೆ ಅಲ್ವಾ… ನಾಗರಹಾವು ಸಿನಿಮಾದ ಡೈಲಾಗ್ ನೆನಪಾಗುತ್ತದೆ. ಗಿಳಿ ಜೋಡಿ, ನವಿಲು ಜೋಡಿ, ಕಂದು ಬೆಳವ ಹಕ್ಕಿಗಳ ಜೋಡಿ, ಕೆಂಪು ಮೀಸೆಯ ಪಿಕಳಾರ ಹಕ್ಕಿ, ಗೊರವಂಕ, ಕಾಡು ಗೊರವಂಕ, ಮುನಿಯಾ ಹಕ್ಕಿ, ಹದ್ದಿನ ಜೋಡಿ ಹಾಗೂ ಮಿಂಚುಳ್ಳಿ ಜೋಡಿಗಳು.
