Uncategorized

ಸಂಕ್ರಾಂತಿ ಸರಣಿ: ಕವಿತೆ ಓದಿ-ಎಳ್ಳು ಬೆಲ್ಲ

ಎಳ್ಳು ಬೆಲ್ಲದಲಿ ಬೇರು ಯಾವುದು?
ಹಣ್ಣು ಯಾವುದು? ಯಾವುದನ್ನು ಹೇಗೆ

ಮೆಲ್ಲಬೇಕು.
ಒಂದನ್ನು ಕಡೆಗಣಿಸಿ., ಒಂದನ್ನು ಬಿಡಲಾಗದು.
ಎಲ್ಲವನ್ನು ಉಂಡು ಜೀರ್ಣಿಸಬೇಕು. ಅದುವೇ ಜೀವನದ ಸಾರ. ಅದನ್ನು ಎಳ್ಳುಬೆಲ್ಲಕ್ಕೆ ಸಮೀಕರಿಸಿದ್ದಾರೆ ಡಾII ರಜನಿ.



ಎಳ್ಳು ಬೆಲ್ಲ
————-

ಎತ್ತಣ ಮಾಮರ
ಎತ್ತಣ
ಕೋಗಿಲೆ…

ಗಿಡದ ಎಳ್ಳು
ಮರದ
ಕೊಬ್ಬರಿ …

ಭೂಮಿಯೊಳಗಣ
ನೆಲಗಡಲೆ
ಹುರಿದು…

ಪೊದೆಯ ಕಾಳು
ಹುರಿದು ಬಿರಿದ
ಪುಟಾಣಿ…

ದೊಡ್ಡ ಹುಲ್ಲೆಂಬ
ಕಬ್ಬು ಅರೆದು
ಬೆಂದು ಬೆಲ್ಲ…

ಒಂದು ಹುಲ್ಲು
ಒಂದು
ಬೇರು…

ಒಂದು ಹಣ್ಣು
ಒಂದು
ಬೀಜ …

ಒಂದು ಜಗಿದು
ಒಂದು
ಸಿಗಿದು …

ಒಂದು
ಕಟುಂ
ಕಟುಂ …

ಒಂದು
ಮೆಲ್ಲಗೆ
ಸವಿದು …

ಹಿರಿಯರ
ಅನುಭವ
ಸಮ್ಮಿಶ್ರಣದಿಂದ..

ಆದುದೇ
ಎಳ್ಳು
ಬೆಲ್ಲ…

ಅದುವೆ
ಜೀವನ…

ಕಹಿ ಉಂಡು
ಸಿಹಿ ಹಂಚಿ…


ಡಾII ರಜನಿ

Comment here