ಕವನ

ಹೊರಟು ಹೋಗುವ ಬದುಕಿಗೊಂದು ವಿಶೇಷತೆ ಇರಲಿ

ಶಂಕರ್ ಬರಕನಹಾಲ್
8722904238


ಯಾರನ್ನೋ ಮೆಚ್ಚಿಸಲು
ಯಾರದೋ ಹೋಗಳಿಕೆಗೆ
ಇನ್ನೊಬ್ಬರ ಮರ್ಜಿಗೆ,
ಕರ್ತವ್ಯದತ್ತ ಕಾಲುಹಾಕಿದರೆ
ಒಪ್ಪುವುದೇ ನಮ್ಮ ಆತ್ಮ.

ನಾವು ನಾವಾಗಿಯೇ ಇರೋಣ
ಪರರ ಮೆಚ್ಚಿಸುವುದನ್ನು ಬಿಡೋಣ
ಚಿಂತೆಗಳಿಗೆ ಕಡಿವಾಣ ಹಾಕೋಣ
ಸುಂದರ ಬದುಕು ನೆಡೆಸೋಣ.

ಬದುಕೆಂಬ ಭವಿಷ್ಯದ ಭ್ರಮೆಗಳುನ್ನು ತಲೆಯಲ್ಲಿ ಹಾಕಿಕೊಂಡು ವಾಸ್ತವಿಕವ ಜಗತ್ತಿನಿಂದ ದೂರ ಇರುವುದು ನಮಗೆ ನಾವೇ ಮಾಡಿಕೊಂಡ ದ್ರೋಹವೇ ಸರಿ.

ಮನುಷ್ಯನ ಕೈಗೆಟುಕದ ಆಸೆಗಳು,
ಆ ಅಸೆಗಾಗಿ ಕಾಣುವ
ಸಾವಿರಾರು‌ ಕನಸುಗಳು,
ಬರೇ ಕನಸಾಗಿಯೇ ಉಳಿಯಿತಲ್ಲ ಎಂಬ ಅಸಹಾಯಕತೆ,
ಕೊನೆಗೆ ಇನ್ಯಾವುದರಲ್ಲೋ‌
ಆ ಕನಸನ್ನು ಸಂತೃಪ್ತಿ‌ ಮಾಡಿಕೊಳ್ಳಬೇಕಾದ ಪರಿಸ್ಥಿತಿ.

ಖುಷಿ-ದುಖಃ ಪ್ರತಿಯೊಂದನ್ನು ಆರ್ಥಿಕತೆಯ ಪರಿಮಿತಿಯೊಳಗೆ ಒಂಥರವಾದ ತೊಳಲಾಟದಲ್ಲೆ ಅನುಭವಿಸಬೇಕಾದ ಅದೃಷ್ಟ
ಇದೇ ಅಲ್ವಾವೇ ನಮ್ಮ ಜೀವನ
ಖುಷಿಯೋ ದುಃಖಯೋ ಈ ಕ್ಷಣವನ್ನಾದರೂ ಅನುಭವಿಸೋಣ.

ಆದರೇ ನಾವೆಲ್ಲರೂ ಯಾಂತ್ರಿರ
ಬದುಕಿಗೇ ಸೀಮಿತವಾಗಿದ್ದೇವೆ
ನಾವು ಪ್ರಾಣಿ ಪಕ್ಷಿಗಳನಂತೆ
ಬದುಕು ಕಟ್ಟಿ ಕೊಂಡಿದ್ದೇವೆ
ತ್ಯಾಗ ಮಾಡದ ಬದುಕು ಯಾವುದುನಮಗಿಲ್ಲ
ಹೆಸರೇ ಅಂತಿಮವಾಗುವಾಗ
ಹೊತ್ತುಕೊಂಡು ಹೋಗುದಕ್ಕೆ ಉಳಿದಿಲ್ಲಾ ನಮ್ಮ ಬಾಕಿ
ಹೊರಟು ಹೋಗುವ
ಬದುಕಿಗೊಂದು ವಿಶೇಷತೆ ಇರಲಿ.

Comments (1)

  1. Nice lines 👌

Comment here