ಪಾವಗಡ: ದ್ವಿಚಕ್ರ ವಾಹನ ಕಳವು ಆರೋಪಿಯನ್ನು ಶುಕ್ರವಾರ ಅಪರಾಧ ಪತ್ತೆ ಧಳ ಬಂಧಿಸಿದೆ.
ತಾಲ್ಲೂಕಿನ ನಲ್ಲದೀಗಲಬಂಡೆ ಗ್ರಾಮದ ಲಕ್ಷ್ಮಿಕಾಂತನಾಯ್ಕ(22) ಬಂಧಿತ ಆರೋಪಿ. ಆರೋಪಿಯಿಂದ 5 ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಪೆನುಗೊಂಡ ರಸ್ತೆಯಲ್ಲಿ ನೋಂದಣಿ ಸಂಖ್ಯೆ ಇಲ್ಲದ ದ್ವಿಚಕ್ರ ವಾಹನದಲ್ಲಿ ನಿಂತಿದ್ದ ಆರೋಪಿಯನ್ನು ಗಸ್ತಿನಲ್ಲಿದ್ದ ಪತ್ತೆ ಧಳದ ಸಿಬ್ಬಂದಿ ಪ್ರಶ್ನಿಸಿದ್ದಾರೆ. ನಂತರ ಪೊಲೀಸ್ ಠಾಣೆಗೆ ಆರೋಪಿಯನ್ನು ಕರೆತಂದು ವಿಚಾರಣೆ ನಡೆಸಿದಾಗ 5 ದ್ವಿಚಕ್ರ ವಾಹನಗಳನ್ನು ಕಳವು ಮಾಡಿರುವುದು ಬೆಳಕಿಗೆ ಬಂದಿದೆ.
ಪ್ರಕರಣದ ಆರೋಪಿಯನ್ನು ಪತ್ತೆ ಹಚ್ಚಲು ಶ್ರಮಿಸಿದ ಜಿಲ್ಲಾ ಹೆಚ್ಚುವರಿ ಅಧೀಕ್ಷಕ ಟಿ.ಜಿ.ಉದೇಶ್, ಡಿವೈಎಸ್ ಪಿ ಎಂ.ಪ್ರವೀಣ್ ಅವರ ಮಾರ್ಗದರ್ಶನದಲ್ಲಿ, ತಿರುಮಣಿ ವೃತ್ತ ನಿರೀಕ್ಷಕ ಶ್ರೀಶೈಲಮೂರ್ತಿ ನೇತೃತ್ವದಲ್ಲಿ ಸಬ್ ಇನ್ ಸ್ಪೆಕ್ಟರ್ ಜಿ.ಕೆ.ರಾಘವೇಂದ್ರ, ಎ.ಎಸ್.ಐ ಕೆ.ಎಸ್.ರಾಮಚಂದ್ರ, ಸಿಬ್ಬಂದಿ ಸೋಮಶೇಖರ, ಕೇಶವರಾಜು, ಗೋಪಾಲಕೃಷ್ಣ, ಶ್ರೀನಿವಾಸ, ಗಂಗರಾಜು, ಜಗನ್ನಾಥ್ ತಂಡವನ್ನು ಜಿಲ್ಲಾ ಪೊಲೀಸ್ ಅಧೀಕ್ಷಕ ಡಾ. ಕೆ.ವಂಶಿಕೃಷ್ಣ ಅವರು ಅಭಿನಂಧಿಸಿದ್ದಾರೆ.
