ಡಾ.ಶ್ವೇತಾರಾಣಿ ಎಚ್.
ಮಿಡಿಯುವ ಹೃದಯ ಬೇಕಾಗಿದೆ
ಹೃದಯದ ಬಳಿಯೇ
ಕಿವಿ ಇದ್ದರೂ ಕೇಳುತ್ತಿಲ್ಲ
ಪಿಸುಮಾತು
ಸ್ವರ ಲಯ ತಾಳದ
ಅರಿವಿಲ್ಲ
ಜೋಡಿಗಳಾದರೇನು
ಎರಡು ಎಡಗೈಗಳು ನಮಸ್ಕರಿಸಲು
ಸಾಧ್ಯವೇ
ಕಣ್ಣಿಗೆ ಕಾಣದ್ದು
ಮನಸ್ಸಿಗೆ ಕಾಣುವುದಾ????
ಅಪಶೃತಿಯ ಛಾಯೆ ಬಿಡದೆ
ಕಾಡುತ್ತಿರುವಾಗ
ಮುಗುಳ್ನಗೆ ಇನ್ನೆಲ್ಲಿ
ನಾವೇ ಸೃಷ್ಟಿಸಿಕೊಂಡ
ಜೈಲಲ್ಲಿ ಬಂಧಿಯಾದ
ಹಕ್ಕಿ…..
ಹಾರುವ ಕನಸು…..
ನನ್ನಿಂದ ಎಲ್ಲವನ್ನೂ ಕಸಿದಿರುವೆ
ನನ್ನ ತಾಯ್ತನ ಕಸಿದೆ
ನನ್ನ ತಾಳ್ಮೆ
ನೆಮ್ಮದಿ
ನನ್ನ ಹೆಣ್ತನ
ಕೊನೆಗೆ ನನ್ನ ಮನುಷತ್ವವನ್ನೂ
ಕಸಿದಿರುವೆ
ಈಗ ನನ್ನಲ್ಲಿ ಉಳಿದಿರುವುದು
ಉಸಿರು
ಮತ್ತು ರಾಕ್ಷಸತನ ಮಾತ್ರ.
ಕವಯತ್ರಿ ಕನ್ನಡ ಉಪನ್ಯಾಸಕಿ
