ತುಮಕೂರು ಜಿಲ್ಲೆಯಲ್ಲಿ ಗಮಕ ಕಲೆಯನ್ನು ಜೀವಂತವಾಗಿ ಇಟ್ಟಿದ್ದ ಗಮಕ ಸಾಹಿತಿ ತುಮಕೂರು ಸುನಂದ ಅವರು ಅನಾರೋಗ್ಯದಿಂದ ಬಳಲುತ್ತಿದ್ದರು. ಇಂದು ವಿಧಿವಶರಾದರು.
ಲೇಖಕಿಯರ ಸಂಘದ ಹಿರಿಯ ಸದಸ್ಯರೂ ,ಗಮಕಿ ,ವೀಣಾ ವಾದಕಿ ,ಇತಿಹಾಸ ಉಪನ್ಯಾಸಕಿ, ಲೇಖಕಿ ಆದ ತುಮಕೂರು ಸುನಂದ ರವರು ತಾವು ಕಲಿತ ವಿದ್ಯೆಯನ್ನು ವಿದ್ಯಾಪ್ರಸಾರಕ್ಕೆ ಮಾತ್ರ ಬಳಸಿ ವ್ಯವಹಾರಿಕವಾಗಿ ಮಾಡದೆ ಇದ್ದುದು ಅವರ ವೈಶಿಷ್ಟ್ಯ.
“ಶಿಷ್ಯಾದಿಚ್ಛೇತ್ ಪರಾಜಯಂ”
ಎಂಬ ಮಾತಿನಂತೆ ಶಿಷ್ಯರ ಪ್ರಗತಿಯಲ್ಲಿ ತಮ್ಮ ಪ್ರಗತಿಯನ್ನು ಕಂಡವರು. ಅಪಾರ ಶಿಷ್ಯ ವೃಂದ ಹಾಗೂ ಕುಟುಂಬ ವರ್ಗದವರನ್ನು ಅಗಲಿದ್ದಾರೆ. ಅವರ ಸ್ವಗೃಹದಲ್ಲಿ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ.
