ಜನಮನ

ದಾನವಾಗಿ ನೀಡಿದ ಜಮೀನು ವಾಪಸ್ ಪಡೆಯಬಹುದೇ

ಮಹೇಂದ್ರಕೃಷ್ಣಮೂರ್ತಿ, ವಕೀಲರು


ಆರವತ್ತು ವರ್ಷದ ಹಿಂದೆ ಜಮೀನನ್ನು ಶಾಲೆ ನಿರ್ಮಾಣಕ್ಕೆ ಕೆಲವು ಷರತ್ತಿನ ಅನ್ವಯ ದಾನ ನೀಡಲಾಗಿತ್ತು .
ಶಾಲೆಯ ಹೆಸರಿನಲ್ಲಿ ಜಮೀನು ಇದೆ ಅದರೆ ಖಾತೆಯಾಗಿಲ್ಲ .ಇದೀಗ ಜಮೀನು ನೀಡಿದವರು ಇದೀಗ ನಮ್ಮ ಷರತ್ತು ಉಲ್ಲಂಘನೆಯಾಗಿದೆ ಜಮೀನು ನಮ್ಮದೇ ಅನ್ನುತ್ತಾರೆ ಇದಕ್ಕೆ ಪರಿಹಾರವೇನು ? ಸರ್.
ಶಾಲೆ ಪ್ರಾರಂಭದಲ್ಲಿ ಅವರ ಹೆಸರನ್ನು ಇಡಲಾಗಿತ್ತು ನಂತರದಲ್ಲಿ upgrade ಆದ ಸಮಯದಲ್ಲಿ ಅದು ಪಾಲನೆಯಾಗಿಲ್ಲ ಇದೀಗ ಮತ್ತೆ ಕರ್ನಾಟಕ ಪಬ್ಲಿಕ್ ಸ್ಕೂಲ್ ಅಗಿ ಪರಿವರ್ತನೆಯಾಗಿದೆ .

ಮಧುಸೂದನ್, ಪ.ನಾ.ಹಳ್ಳಿ


ದಾನ ಪತ್ರದಲ್ಲಿರುವ ಷರತ್ತುಗಳ ಬಗ್ಗೆ ನೋಡಬೇಕು.‌ಷರತ್ತು ಉಲ್ಲಂಘನೆ ಮಾಡಿದ ಪಕ್ಷದಲ್ಲಿ ಕರಾರು ಅಥವಾ ದಾನ ರದ್ಧತಿಯ ಅಂಶ ಸೇರಿಸಿದ್ದಾರೆಯೇ, ಇಲ್ಲವೇ ಎನ್ನುವುದು ಸಹ ಮುಖ್ಯವಾಗಲಿದೆ. ಷರತ್ತು ಉಲ್ಲಂಘಿಸಿದ ತಕ್ಷಣವೇ ಜಮೀನನ್ನು ಏಕಾಏಕಿ ವಾಪಸ್ ಮರಳಿಸಲು ಬರುವುದಿಲ್ಲ. ಅವರು ಈ ಬಗ್ಗೆ ಕೋರ್ಟ್ ನಲ್ಲಿ ದಾವೆ ಹೂಡಬೇಕಾಗುತ್ತದೆ. ಆನಂತರ ಸಾರ್ವಜನಿಕ ಹಿತಾಸಕ್ತಿ, ಷರತ್ತು ಉಲ್ಲಂಘನೆ ವಿಷಯ, ಕಾಲಮಿತಿ ಈ ಎಲ್ಲದರ ಹಿನ್ನೆಲೆಯಲ್ಲಿ ಕೋರ್ಟ್ ಪ್ರಕರಣದ ವಿಚಾರಣೆ ನಡೆಸಲಿದೆ.

ದಾನ ಪತ್ರವನ್ನು ಕಂದಾಯ ಅಧಿಕಾರಿಗೆ ಹಾಜರುಪಡಿಸಿ ಆರ್ ಟಿಸಿ ಅನ್ನು ನಿಮ್ಮ ಶಾಲೆಯ ಹೆಸರಿಗೆ ಬದಲಿಸಿಕೊಳ್ಳಲು ಅವಕಾಶವಿದೆ.

ಸಾಮಾನ್ಯ ಸಂದರ್ಭಗಳಲ್ಲಿ ದಾನವನ್ನು ದಾನ ಪಡೆದವ ಒಮ್ಮೆ ಅಂಗೀಕರಿಸಿದ್ದರೆ ಆ ದಾನವನ್ನು ವಾಪಸ್ ಪಡೆಯಲು ಬರುವುದಿಲ್ಲ


ಲೇಖಕರು ತುಮಕೂರಿನಲ್ಲಿ ವಕೀಲರು, ಪ್ರಶ್ನೆ ಕೇಳಲು ವಾಟ್ಸಾಪ್ ನಂ 9844817737

Comment here