ಕವನ

ಕವಿತೆ ಓದಿ: ಬಣ್ಣ ಬಣ್ಣಿಸಲೇ

ಬಗೆ ಬಗೆ ಬಣ್ಣ ಈ ಶರೀರದಲ್ಲೂ . ಆಡು ಭಾಷೆಯಲ್ಲಿ ಬಣ್ಣದ ಗಮ್ಮತ್ತು. ಆದರೂ ಮನಸ್ಸು ಶಾಂತತೆ ತುಂಬಿರಲಿ ಎಂದು ಹೇಳುತ್ತಾ ಕಣ್ಣಲ್ಲಿ ಕಾಮನ ಬಿಲ್ಲು ಇದ್ದರೂ ಸ್ನೇಹ , ಪ್ರೀತಿ, ಶಾಂತತೆ, ತಾಳ್ಮೆ , ಸೌರ್ಹಾದತೆ,ಎಲ್ಲ ಬಿಳಿ ಎಂದು ಸಾರಿದ್ದಾರೆ ಕವಯಿತ್ರಿ ಈ ಹೋಳಿ ಹಬ್ಬದ ಸಂದರ್ಭದಲ್ಲಿ.

************

ಬಣ್ಣ ಬಣ್ಣಿಸಲೇ


ಎಳೆ ಮಗುವಿನ ತುಟಿ
ನಸು ಗುಲಾಬಿ

ನೇರಳೆ ಕಣ್ಣಿನ
ಕಂದ

ನಲ್ಲೆಯ ಅಂಗಾಲು
ನಸು ಗೆಂಪು

ಕೋಪದಿ ಬಿಟ್ಟ
ಕೆಂಗಣ್ಣು

ಚಳಿಗೆ ನೀಲಿಗಟ್ಟಿದ
ತುಟಿ

ಕೆನೆ ಬಣ್ಣದ
ಮೈ ಬಣ್ಣ

ತಾಂಬೂಲದಿಂದ
ಕೆಂಪಾದ ನಾಲಗೆ

ಕಪ್ಪನೆ ಮೋಡದಂತ
ಮುಂಗುರುಳು

ಹಸಿರು ಪಿತ್ತ
ಹರಿಶಿನ ಕಾಮಾಲೆ
ರಕ್ತ ಕೆಂಪು

ರಕ್ತವಿಲ್ಲದೇ ಬಿಳಿಚಿ
ಬೆಳ್ಳಗಾದ ಉಗುರು

ಹಾಲು ಬಿಳುಪು
ಕೆನ್ನೆ ಕೆಂಪು

ನೀಲ ಮೇಘ ಶ್ಯಾಮ
ನೀಲ ಕಂಠ

ಬಣ್ಣದ ಓಕುಳಿ
ದೇಹವಿದು …

ಮನಸ್ಸಿರಲಿ
ಶಾಂತ ಬಿಳಿ

ಡಾII ರಜನಿ

Comment here