ತುಮಕೂರು ಸ್ಮಾರ್ಟ್ ಸಿಟಿ ಲಿಮಿಟೆಡ್ ವತಿಯಿಂದ ತುಮಕೂರು ನಗರದ ರೋಗಿಗಳ ತ್ವರಿತ ಸೇವೆಗಾಗಿ ಆರಂಭಿಸಲಾಗಿರುವ ಡಿಜಿಟಲ್ ನರ್ವ್ ಸೆಂಟರ್ (DiNC) Best Smart Health Initiative of the Year ಪ್ರಶಸ್ತಿಯ ಗರಿಯನ್ನು ತನ್ನ ಮುಡಿಗೇರಿಸಿಕೊಂಡಿದೆ.
ಪೋರ್ಟ್ ಬ್ಲೇರ್ನಲ್ಲಿ ನವೆಂಬರ್ 29ರಂದು ನಡೆದ 7th edition of BW Business world National Smart Cities Conclave & Awards 2019 ಸಮಾವೇಶದಲ್ಲಿ ಜಿಲ್ಲೆಯ ಪರವಾಗಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ. ಚಂದ್ರಿಕಾ ಪ್ರಶಸ್ತಿಯನ್ನು ಸ್ವೀಕರಿಸಿದರು.
ಗಂಭೀರ ಪರಿಸ್ಥಿತಿಯಲ್ಲಿ ತೊಂದರೆ ಅನುಭವಿಸುತ್ತಿರುವ ತುಮಕೂರು ನಗರ ವ್ಯಾಪ್ತಿಯ ರೋಗಿಗಳಿಗೆ ಸ್ಥಳೀಯ ಆರೋಗ್ಯ ಕೇಂದ್ರಗಳಲ್ಲಿ ತಜ್ಞ ವೈದ್ಯರ ಸಲಹೆಯೊಂದಿಗೆ ಚಿಕಿತ್ಸೆ ನೀಡಲು ಹಾಗೂ ಜನಸಾಮಾನ್ಯರಿಗೆ ಆರೋಗ್ಯ ಸೇವೆಯನ್ನು ತಕ್ಷಣ ದೊರೆಯುವಂತೆ ಮಾಡುವ ದೃಷ್ಟಿಯಿಂದ ಸ್ಮಾರ್ಟ್ ಸಿಟಿ ಲಿಮಿಟೆಡ್ ವತಿಯಿಂದ ಸುಮಾರು 2.27 ಕೋಟಿ ವೆಚ್ಚದಲ್ಲಿ ಡಿಜಿಟಲ್ ನರ್ವ್ ಸೆಂಟರ್ ಯೋಜನೆಯನ್ನು ಆರಂಭಿಸಲಾಗಿದೆ.
ಕೇಂದ್ರ ಸರಕಾರದ ಮಾಜಿ ಕಾರ್ಯದರ್ಶಿ ಹಾಗೂ ಆರ್ಬಿಐನ ಡಿಜಿಟಲೀಕರಣ ಸಮಿತಿಯ ಸದಸ್ಯ ಡಾಕ್ಟರ್ ಅರುಣಾ ಶರ್ಮಾ ಹಾಗೂ ನಗರಾಭಿವೃದ್ಧಿ ಮತ್ತು ಕಾರ್ಮಿಕ ಮತ್ತು ಉದ್ಯೋಗ ಇಲಾಖೆಯ ಮಾಜಿ ಕಾರ್ಯದರ್ಶಿ ಶಂಕರ್ ಅಗರ್ವಾಲ್, ಪಂಜಾಬ್ ಸರ್ಕಾರದ ಮಾಜಿ ಅಪರ ಮುಖ್ಯ ಕಾರ್ಯದರ್ಶಿ ಡಾ. ನಿರ್ಮಲ್ಜೀತ್ ಸಿಂಗ್ ಕಲ್ಸಿ, ಟಾಟಾ ಸನ್ಸ್ ಪ್ರೈವೇಟ್ ಲಿಮಿಟೆಡ್ನ Group Government Affairs ಅಧಿಕಾರಿ ತನ್ಮೋಯ್ ಚಕ್ರವರ್ತಿ, ಬಿಡಬ್ಲ್ಯೂ ಬಿಸಿನೆಸ್ ವಲ್ರ್ಡ್ ಮೀಡಿಯಾ ಪ್ರೈ.ಲಿ.ನ ಅಧ್ಯಕ್ಷ ಮತ್ತು ಪ್ರಧಾನ ಸಂಪಾದಕ ಡಾ. ಅನ್ನೂರಾಗ್ ಬಾತ್ರಾ ಅವರನ್ನೊಳಗೊಂಡ ತೀರ್ಪುಗಾರರ ಸಮಿತಿಯು ತುಮಕೂರು ಡಿಜಿಟಲ್ ನರ್ವ್ ಸೆಂಟರ್(DiNC)UÉ Best Smart Health Initiative of the Year ಪ್ರಶಸ್ತಿ ನೀಡಲು ಶಿಫಾರಸ್ಸು ಮಾಡಿತ್ತು.
